Në Prizren jeton familja e Votim Demirit, nëna e të cilit vinte nga Izraeli.Në një dhomë të vogël, në shtëpinë e tij, ai ruan kujtimet e vjetra të historisë së hebrenjve. Ai sot është mbi 70-të vjeç.Dëshira e tij, është që që nëna e tij të ishte gjallë dhe shikonte se si jetojnë sot në Prizren.

Gjatë fundit të luftës së dytë botërore, siç kujton Demiri, nazistët kishin mbledhur nga Kosova 258 hebrenj dhe i kishin vendosur në kampin e përqendrimit ‘Bergen Belsen’ të Gjermanisë, ku nga këta 92 veta vdiqën atje.

Votim Demiri pasardhës i familjes hebrenje në Prizren, përkujton ditën e Holokausit. Ai në emër të gjithë komunitetit falënderon popullatën kosovare për ndihmën që ju dhanë në ditët më të vështira, si dhe vëmendjen që po i përkushton shoqëria kosovare edhe në ditët e sotme.

Demiri me keqardhje thotë se numri i hebrenjve në Kosovë tani është shumë i vogël. Ai nuk ka një shpjegim të veçantë për këtë, por thotë se, pas formimit të shtetit Izraelit, brenga më e madhe e hebrenjve ishte, të rrimë apo të kthehen atje.

“Në ato kohë, Kosova ka qenë ndër vendet e pakta në Evropë që kishte një popullsi më të madhe hebrenj gjatë Luftës së Dytë Botërore, sesa para saj”, thotë Demiri.

Një numër i madh i hebrenjve kishin udhëtuar edhe në vendet e tjera të Ballkanit, si në Shqipëri, ku edhe atje ata u mbrojtën nga popullata shqiptare, ku, ndërruan emrat e tyre, duke vënë emra shqip e në disa raste u pajisën edhe me pasaporta për të fshehur identitetin e tyre.

Vendosjen e pllakës përkujtimore në oborrin e Parlamentit të Kosovës, ku sipas Demirit ka ekzistuar sinagoga e fundit e hebrenjve, ai e quajti , një pjekuri të shoqërisë kosovare dhe me këto veprime, sipas tij, Kosova hyn në panteonin e vlerave civilizuese./rtk/

Dr.Afrim Avdaj, dr.Feim Mazreku,dr.Shpend Zajmi dhe dr. Ilir Smajli janë në garë për postin e drejtorit të Spitalit në Prizrenit.

“Në mesin e këtyre kandidatëve duke marrë parasysh edhe aktivitetin partiak si favorit kryesor për drejtor të Spitalit të Prizrenit, është dr.afrim Avdaj”, ka thënë një burim për Koha ditore.

Zyrtarët e Ministrisë së Shëndetësisë, ndërkaq kanë hedhur posht një favorizim të tillë.

Të katër kandidatët për drejtor në një mënyrë apo tjetër janë të lidhur me politikën.

Afrim Avdaj është anëtar i Kryesisë së Degës së PDK-së në Prizren. Dr.Feim Mazrreku në zgjedhjet e fundit lokale ka qenë kandidat për këshilltar të Asamblesë Komunale në listën e AAK- LDD.

Dr. Spend Zajmi ka qenë kandidat për kryetar të Degës së AAK-së në Prizren

Ndërsa Ilir Smajli është anëtarsuar muaj më parë në PDK,përkatësisht gjat fshahtës zgjedhore të vitit 2013./PrizrenPress.com/

EULEX-i po interviston politikan serb të veriut, Oliver Ivanoviçin, bëjnë të ditur mediat serbe. Sipas tyre ai po intervistohet në pjesën jugore të Mitrovicës. Ndërkohë, zëdhënësi i EULEX-it, Blerim Krasniqi tha për Radio Kosovën se EULEX-i ka pasur një aksion në Veri të Mitrovicës, pa dhënë detaje të tjera. Kurse, zëdhënësja tjetër, Irina Guduleviq ka thënë për B92 se EULEX-i po interviston një person nga veriu i Mitrovicës për krime të luftës.

Mediat raportojnë duke u thirrur në burime se Ivanoviq është arrestuar nën dyshimin se ka kryer krime gjatë luftës në Kosovë. Ai dyshohet për veprat penale, torturë ndaj popullatës civile dhe vrasje të civilëve në baza etnike. Ai është arrestuar me dyshime për vrasjet që ndodhën nga viti 1999-2000.

Ivanoviq, është duke u marr në pyetje rreth vrasjes së shqiptarëve gjatë vitit 1999, me theks vrasjen e 10 prej tyre që kishte ndodhur në mes 3 dhe 4 shkurtit të vitit 2000 në veri të Mitrovicës. Atë natë në veri të qytetit ishin vrarë 10 shqiptarë dhe për asnjë prej tyre nuk është dhënë kurrfarë përgjegjësie asnjëherë.

Me akuza të njëjta Ivanoviq u përball edhe në kohën e UNMIK-ut. Ky misioni nisi një hetim për krime luftë ndaj tij në vitin 2002. Megjithëse ai atëherë hodhi poshtë akuzat duke i quajtur si qesharake dhe të pabaza. Atëkohë, UNMIK-u i tërhoqi këto akuza dhe pushoi hetimet ndaj Ivanoviqit.

Ndërsa, Nisma Qytetare Serbe ka reaguar ndaj informacioneve në disa media, se kryetari i saj, Oliver Ivanoviq, është arrestuar. Në komunikatën e saj thuhet se “Ivanoviq nuk është arrestuar, por si qytetar i përgjegjshëm, i është përgjigjur thirrjes së EULEX-it për të dhënë deklaratë”.

“Kjo thirrje ka absolutisht qëllim politik, për të krijuar një balancë me arrestimet në komunitetin shqiptar. Padyshim se ka për qëllim edhe shkaktimin e frikës dhe jostabilitetit në të gjithë komunitetin serb në Kosovë”, thuhet në reagimin e Nismës Qytetare Serbe.

Arrestohet Oliver Ivanoviç

Njësia Speciale e Policisë së EULEX-it në një aksion që është duke vazhduar ka arrestuar Oliver Ivanoviçin, bëjnë të ditur burime të Kosovapress.

Ivanoviç momentalisht është duke u mbajtur në stacionin policor në Veri ku është duke u intervistuar.

Sipas mediave, Prokuroria Speciale ka ngritur një aktakuzë për politikanin serb nga Veriu i Kosovës, Oliver Ivanoviç.

Katër persona të dyshuar për vjedhje janë arrestuar nga policia në Prizren.Zëdhënësi i PK-së, Hazir Berisha tha se arrestimi i tyre është bërë pas lajmrimit të rasteve të vjedhjeve nga qytetarët.

“Në tri raste të ndara dhe vende të ndryshme, qytetarët kanë ndihmuar policinë që t’i identifikojë dhe arrestojë katër meshkuj, që të gjithë në cilësi të personave të dyshuar për kryerjen e veprës penale të vjedhjes në tentativë, ngase të njëjtit janë kapur në flagrancë nga qytetarët gjatë kryerjes së vjedhjes dhe janë lajmëruar në polici”

“Rasti i parë ka ndodhur me datën 23 janar, rreth orës 20:55 minuta në rrugën “Adem Jashari”, me ç’rast dy të mitur kanë hyrë në një shtëpi për të vjedhur mirëpo janë kapur nga i zoti i shtëpisë”.

“Në prani të prindërve janë intervistuar dhe është kuptuar se të njëjtit janë recidivist të veprave të ngjashme. Prokurori i shtetit ka urdhëruar që ndaj të dyshuarve të mitur të caktohet masa e arrestit”.

“Rasti i dytë ka ndodhur me datën 23 janar. Rreth orës 22:35 min në rrugën “Gjallica”. Disa qytetarë të çastit kanë arritur ta ndalojnë të dyshuarin N. Thaçi, pasi i njëjti me një mjet të metaltë të adaptuar si kaçavidë ishte duke e thyer derën e një automjeti. I dyshuari është arrestuar ndërkaq mjeti (“çelësi kallauz”) është sekuestruar dhe do t’i dorëzohet prokurorisë si provë materiale. I dyshuari është përsëritës i veprave të tilla”.

“Rasti i tretë ka ndodhur me datën 26 janar, rreth orës 18:00 në rrugën “Shahadin Berisha” në Prizren. I dyshuari K. Kolukaj është zënë në flagrancë nga pronari i shtëpisë i cili ka thirr policinë në ndihmë. Hetues policorë kanë proceduar me rastin dhe kanë kuptuar se i dyshuari është përsëritës i veprave të vjedhjes që kanë ndodhur në ditën e njëjtë. Edhe ky i dyshuar është ndalur në mbajtje nën masën e arrestit policor të nënshkruar nga prokurori i shtetit”./PrizrenPress.com/

Prokuroria e EULEX-it ka kërkuar të hënën dënim prej 1 deri në 8 vjet burg për kryetarin e Prizrenit, Ramadan Muja dhe pesë drejtoërt e tij.

Prokurorja Natasha Vikeri në fjelën e fundit të saj, ka akuzuar “Mujën dhe të tjerët”, për keqpërdormim të detyrës zyrtare.

Avokati i Mujës, Rruzhdi Berisha, ndërkaq ka hedhur poshtë të gjitha akuzat që, Prokuroria e EULEX-it e ngarkon klientin e tij, Ramadan Mujën. Ai tha se nuk ka elemente që veprimet e Mujës përbëjnë vepër penale

“Ne edhe në fillim kemi thënë se mund të ketë shkelje të procedurës administrative të cilat nuk përbëjnë vepër penalë”.

Muja sot në gjykim 

Kryetari Ramadan Muja, gjatë marrjes në pyetje, ka deklaruar se të gjitha vendimet që i ka marrë, kanë pasur për bazë interesin e përgjithshëm të qytetarëve të Prizrenit.

Dy pikat e para të aktakuzës së sotme, ngarkojnë kryetarin e komunës Ramadan Muja, drejtorin e Administratës, Minir Krasniqi dhe ish ushtruesin e Drejtorisë për Gjeodezi dhe Kadastër Avni Ademin, për dhënien në shfrytëzim të tokës në ‘Boka- Boka’, për ndërtimin e kolegjit’ Mehmet Akif ‘dhe fabrikën e çokollatës “Kamila” Leximi i pikës 3 dhe katër nga prokurorja Vikeri do të bëhet në seancën e radhës më 10-të shkurt./PrizrePress.com/

Në Gjykatën Themelore të Prizrenit  sot  do të vazhdojë procesi gjyqësor ndaj kryetarit të Komunës, Ramadan Muja dhe pesë bashkëpunëtorëve të tij. Seanca gjyqësore fillon në ora 09:00.

Avokati mbrojtës i kryetarit Muja, Ruzhdi Berisha konfirmoi për “PrizrenPress” mbajtejn e seancës gjyqësore ndaj Mujës.

“Sipas planifikimit  sot  do të mbahet gjykimi i Mujës.Nuk ka ndonjë ndryshim të kohës”, tha Berisha.

Trupi gjykues vitin e kaluar pat marrë vendim që procesi gjyqësor të vazhdojë me 27 janar 2014. Në këtë seancë gjyqësore është paraparë që Prokuroria të japë fjalën e saj përfundimtare rreth ngritjes së akuzës që ka bërë ndaj kryetarit të Prizrenit, Ramadan Mujës dhe drejtorëve të tij.
Avokati mbrojtës i kryetarit Muja, Ruzhdi Berisha, ndërkaq pat kërkuar nga trupi gjykues kohë për ta thënë fjalën përfundimtare. Ai preferon që fjalën e tij të bëhet varësisht nga ajo e Prokurorisë.

Berisha në çdo seancë gjyqësore ka hedhur poshtë të gjitha akuzat që Prokuroria e EULEX-it e ngarkon klientin e tij, Ramadan Mujën. Sipas tij, nuk ka elemente që veprimet e Mujës përbëjnë vepër penale.
Vetë kryetari Ramadan Muja, ndërkaq ka deklaruar se të gjitha vendimet që i ka marrë kanë pasur për bazë interesin e përgjithshëm të qytetarëve të Prizrenit.

Një prokurore e EULEX-it, akuzon kryetarin e Komunës së Prizrenit, Ramadan Muja, Sadik Paçarizin – drejtor i Urbanizmit dhe Planifikimit Hapësinor, Avni Ademajn – ish-u.d. së drejtorit të Gjeodezisë dhe Kadastrës, Kadri Ukimerin – ish-drejtor i Gjeodezisë dhe Kadastrës, Abdullah Tejecin – drejtor aktual i Gjeodezisë dhe Kadastrës dhe Minir Krasniqin – drejtor i Administratës, për kryerjen e veprave penale gjatë ushtrimit të detyrës zyrtare./PrizrenPress.com/

Ndërsa Serbia ka paralajmëruar zgjedhje të parakohshme parlamentare, sipas formulimeve të para “duke përfshirë edhe Kosovën”, Qeveria e Kosovës ka bërë të ditur se nuk do të lejojë që Serbia të organizojë zgjedhjet e parakohshme parlamentare në territorin e Kosovës. Por, ka lënë mundësinë e hapur që serbët e Kosovës të votojnë në zgjedhjet e Serbisë.Bekim Çollaku, këshilltar politik i kryeministrit të Kosovës, Hashim Thaçi, tha për “Kohën Ditore” se qytetarët serbë që jetojnë në Kosovë mund të votojnë në zgjedhjet e Serbisë.

“Serbia nuk mund të organizojë asnjë lloj zgjedhjesh në Kosovë. Mirëpo, qytetarët e Kosovës të komunitetit serb që kanë dyshtetësi kanë të drejtë të votojnë në zgjedhjet parlamentare të Kosovës dhe ato të Serbisë. Kjo gjë është legale për të gjithë qytetarët e Kosovës që kanë dyshtetësi. Se çfarë modalitetesh teknike do të aplikohen për të mundësuar një gjë të tillë, është herët të flitet”, ka thënë Çollaku.

Kryetari i Prizrenit Ramadan Muja assesi nuk po mund ta krijojë qeverinë komunale. Njeriu që është rizgjedhur në postin e të parit të qytetit jugor ka humbur mbështetjen e një pjese të partisë së tij, por po ka probleme edhe me partnerin e koalicionit AAK-LDD.

Muja, që qe rikandiduar me vendim të kreut të PDK-së Hashim Thaçi, pas shumë mospajtimesh në degën e kësaj partie në Prizren, ka humbur edhe mbështetjen e disa bashkëpunëtorëve, me të cilët tash po akuzohet se ka keqpërdorur detyrën zyrtare,shkruan tribuna.

Një zyrtar i PDK-së në Prizren i ka thënë gazetës në kushte anonimiteti se “shefat e qendrës”, kanë vendosur për largimin e disa njerëzve të “fuqishëm” rreth Mujës.

Njëri nga ta është ish udhëheqësi i Asamblesë Komunale, Nijazi Kryeziu. Në këtë post, ditë më parë kryesia e PDK-së e ka sjell Kujtim Gashin.