E ashtuquajtura zyrë për Kosovën ka kumtuar se është tmerruar me, siç ka thënë ajo, me cinizmin e autoriteteve të Prishtinës, që Beogradit i kanë ofruar ndihmën e njësive speciale të FSK-së.

“Zyra për Kosovën është tmerruar me cinizmin dhe me pa korrektësinë e pushtetit të Prishtinës,i cili, përmes të të ashtuquajturit ministër Agima Çeku i ofroi Beogradit ndihmë të njësive speciale për mbrojtje nga katastrofat natyrore nga Forcat e Sigurisë së Kosovës me theksimin se ato kanë vullnet të shkojnë me pajisje në Serbi nëse këtë e kërkon Qeveria e Serbisë”, thotë kumtesa që e publikon B92.

Në kohën kur në Serbi numërohen viktimat dhe evidentohen dëmet e bëra nga vërshimet e pa mbajtura ndër mend deri më tash, kryeministri i Kosovës Hashim Thaçi ofron ndihmë të atyre forcave të cilat, siç thotë kumtesa, populli serb në Kosovë i mban në mend vetëm për të keq

“Të dala nga mëngët e famëkeqes të të ashtuquajturës Ushtri Çlirimtare e Kosovë, Forcat e Sigurisë së Kosovës asociojnë në shumë krime për të cilat heshtet, e të cilat, me formimin e Gjyqit Special Ndërkombëtar për Krime Lufte, më në fund, shpresojmë se do të zbardhen”, thotë kumtesa dhe shton se është e “palejueshme që derisa gjithë bota e qytetëruar në këtë moment bashkëndjen me Serbinë dhe dërgon ndihma të pakursyera, Hashim Thaçi shfrytëzon ditës e zisë që përmes medieve, me qëllime parazgjedhor, të promovojë të ashtuquajturën Ushtri të Kosovës”, thotë kumtesa e kësaj Zyre. /Koha

Përfaqësuesit e pesë partive më të mëdha në vend janë ndarë të kënaqur me numrat të cilët do t’i identifikojnë partitë e tyre në fletëvotimet për zgjedhjet e parakohshme të 8 qershorit.
Nënkryetari i PDK-së, Hajredin Kuçi, ka thënë për “Epokën e re” se numri 58 do të jetë fitues i zgjedhjeve të 8 qershorit. “Besoj se është numër i mirë. Besojmë se na sjell fat si dhe qytetarët e Kosovës do ta identifikojnë suksesin e tyre në katër vjetët e ardhshëm me numrin 58 dhe misionin e ri. Prandaj, numri 58, misioni i ri, kryeministri dhe PDK-ja të dalin fitues më 8 qershor”, ka deklaruar Kuçi.
Edhe sekretari i përgjithshëm i LDK-së, Ismet Beqiri, beson se numri 54 do t’i sjellë fat kësaj partie më 8 qershor. Por, sipas tij, më i rëndësishëm se numri është programi që u ofrohet qytetarëve. “Bazohemi në programin tonë qeverisës që ua ofrojmë qytetarëve, në angazhimin dhe punën tonë në terren. Kurse sa i përket numrit 54, besoj se është i lehtë për t’u mbajtur mend nga qytetarët sepse ata e kanë ngulitur në kokë LDK-në, e cila ka bërë shumë për vendin. Prandaj, përveç punës dhe programi, besoj se edhe numri 54 do të na sjellë fat”, është shprehur Beqiri për “Epokën e re”. Kurse anëtari i Kryesisë së Lëvizjes Vetëvendosje!, Rexhep Selimi, ka thënë për “Epokën e re” se numri 35 nuk do të jetë numër i fatit, por numër i fitores më 8 qershor. “Nuk mbështetemi në fat, por në vlerat dhe konceptet tona politike. Numri 35 është vetëm një nga numrat, kurse alternativa qeverisëse e Vetëvendosje!-s është zgjidhja e vetme për zhvillim pozitiv të Kosovës. Nuk presim që 35-shi të jetë numër i fatit, por numër i fitores”, ka deklaruar Selimi.

Ndërsa nënkryetari i AAK-së, Ahmet Isufi, ka thënë se numri 44 do të sjellë fat dhe pas 8 qershorit Ramush Haradinaj do të bëhet kryeministër. “Besojmë se do të kemi fat me këtë numër sepse është numër i lehtë për t’u akceptuar nga qytetarët. Po ashtu, mendojmë se do të jetë një angazhim i AAK-së që ta arsyetojë këtë numër pasi besojmë se do të fitojmë. Edhe në zgjedhjet e 2004-s e kemi pasur numrin 44 dhe kemi pasur fat kur lideri Ramush Haradinaj është bërë kryeministër. Po ashtu, besojmë se edhe pas këtyre zgjedhjeve Ramush Haradinaj do të jetë kryeministër”, ka deklaruar Isufi për “Epokën e re”.

E sekretari i AKR-së, Ibrahim Makolli, ka thënë se numri në fletëvotime nuk paraqet ndonjë rendësi, pasi në zgjedhje nuk ka fat, por programi është ai që sjell besimin e qytetarëve. “Në zgjedhje nuk ka fat. Në zgjedhje ka besim të qytetareve dhe po besojmë se do ta arrijmë ta kemi në një masë të madhe përkrahjen e qytetarëve të Kosovës për shkak të veprimit tonë të deritanishëm, por edhe për shkak të programit dhe vizionit që u ofrojmë qytetarëve të vendit”, ka deklaruar Makolli për “Epokën e re”. Përfaqësuesit e pesë partive më të mëdha në vend janë ndarë të kënaqur me numrat të cilët do t’i identifikojnë partitë e tyre në fletëvotimet për zgjedhjet e parakohshme të 8 qershorit.

Nënkryetari i PDK-së, Hajredin Kuçi, ka thënë për “Epokën e re” se numri 58 do të jetë fitues i zgjedhjeve të 8 qershorit. “Besoj se është numër i mirë. Besojmë se na sjell fat si dhe qytetarët e Kosovës do ta identifikojnë suksesin e tyre në katër vjetët e ardhshëm me numrin 58 dhe misionin e ri. Prandaj, numri 58, misioni i ri, kryeministri dhe PDK-ja të dalin fitues më 8 qershor”, ka deklaruar Kuçi.

Edhe sekretari i përgjithshëm i LDK-së, Ismet Beqiri, beson se numri 54 do t’i sjellë fat kësaj partie më 8 qershor. Por, sipas tij, më i rëndësishëm se numri është programi që u ofrohet qytetarëve. “Bazohemi në programin tonë qeverisës që ua ofrojmë qytetarëve, në angazhimin dhe punën tonë në terren. Kurse sa i përket numrit 54, besoj se është i lehtë për t’u mbajtur mend nga qytetarët sepse ata e kanë ngulitur në kokë LDK-në, e cila ka bërë shumë për vendin. Prandaj, përveç punës dhe programi, besoj se edhe numri 54 do të na sjellë fat”, është shprehur Beqiri për “Epokën e re”. Kurse anëtari i Kryesisë së Lëvizjes Vetëvendosje!, Rexhep Selimi, ka thënë për “Epokën e re” se numri 35 nuk do të jetë numër i fatit, por numër i fitores më 8 qershor. “Nuk mbështetemi në fat, por në vlerat dhe konceptet tona politike. Numri 35 është vetëm një nga numrat, kurse alternativa qeverisëse e Vetëvendosje!-s është zgjidhja e vetme për zhvillim pozitiv të Kosovës. Nuk presim që 35-shi të jetë numër i fatit, por numër i fitores”, ka deklaruar Selimi.

Ndërsa nënkryetari i AAK-së, Ahmet Isufi, ka thënë se numri 44 do të sjellë fat dhe pas 8 qershorit Ramush Haradinaj do të bëhet kryeministër. “Besojmë se do të kemi fat me këtë numër sepse është numër i lehtë për t’u akceptuar nga qytetarët. Po ashtu, mendojmë se do të jetë një angazhim i AAK-së që ta arsyetojë këtë numër pasi besojmë se do të fitojmë. Edhe në zgjedhjet e 2004-s e kemi pasur numrin 44 dhe kemi pasur fat kur lideri Ramush Haradinaj është bërë kryeministër. Po ashtu, besojmë se edhe pas këtyre zgjedhjeve Ramush Haradinaj do të jetë kryeministër”, ka deklaruar Isufi për “Epokën e re”.

E sekretari i AKR-së, Ibrahim Makolli, ka thënë se numri në fletëvotime nuk paraqet ndonjë rendësi, pasi në zgjedhje nuk ka fat, por programi është ai që sjell besimin e qytetarëve. “Në zgjedhje nuk ka fat. Në zgjedhje ka besim të qytetareve dhe po besojmë se do ta arrijmë ta kemi në një masë të madhe përkrahjen e qytetarëve të Kosovës për shkak të veprimit tonë të deritanishëm, por edhe për shkak të programit dhe vizionit që u ofrojmë qytetarëve të vendit”, ka deklaruar Makolli për “Epokën e re”.

Liberalizimi i vizave ka qenë njëri nga premtimet kryesore të fushatave të kaluara zgjedhore, qoftë në zgjedhjet qendrore apo edhe në ato lokale, por kjo çështje tashmë është harruar nga partitë politike, të cilat rrallë herë flasin për këtë proces, shkruan Zëri.

Sipas analistëve, partitë politike e kanë reduktuar premtimin për liberalizimin e vizave për shkak se këtij premtimi tashmë i ka humbur edhe kuptimi.

Ekspertët vlerësojnë se në Kosovë veprojnë dy kategori të biznesmenëve – pronarët e kompanive private dhe politikanët që janë bërë biznesmenë, duke shfrytëzuar instrumentet dhe fuqinë e pushtetit.

Përfitimet personale dhe fuqizimi i bizneseve të tyre, përkatësisht arritja më e lehtë te tenderët publikë shihen ndër arsyet edhe të akomodimit të afaristëve në subjekte politike. Po për të njëjtat arsye thuhet se po bëhet edhe lufta për pushtet në mes partive politike, shkruan Koha Ditore.

“Pikërisht tani, ata (biznesmenët v.j.) shikojnë mundësinë për ta gjetur veten dhe për t’u u futur në struktura politike me qëllim që nesër të mund të vijnë te strukturat shtetërore, dhe jo për ta ndihmuar Kosovën, por për t’u siguruar kushte më të mira bizneseve të tyre”, ka thënë profesori i ekonomisë në Universitetin e Prishtinës, Musa Limani.