Lista përfundimtare e votueseve do të certifikohet më 28 maj. Të drejtë vote kanë 1 milion e 778 mijë e 633 persona, në mesin e tyre edhe 7176 qytetarë serbë që jetojnë jashtë Kosovës. E në këtë listë janë futur edhe gati tetë mijë persona që nuk kanë shtetësi kosovare.

MPB-ja ka sqaruar se të gjithë këta persona janë verifikuar në librat amëz, në bazë të marrëveshjes së Brukselit, midis Republikës së Kosovës dhe Serbisë, transmeton Koha.net.

Ndërkohë, anëtari i LDK-së në KQZ, Florian Dushi, e ka arsyetuar përfshirjen e këtyre personave në këtë listë, për shkak të rrethanave politike.

Analisti Selatin Kllokoçi nuk sheh rrezik nga certifikimi i një liste të tillë, që përfshin persona që s’kanë shtetësi.

Zyrtarët e Sekretariatit të KQZ-së, së bashku me ata të OSBE-së, gjatë ditës së premte dhe së shtunës kanë qenë për vizitë në Serbi.

Familjarë dhe anëtarë të komisionit për të pagjeturit janë paraqitur sot para mediave. Të parët kanë bërë të ditur se të premten do të shkojnë në Rashkë të Serbisë për të parë nga afër se deri ku është arritur me punimet, ndërkaq të dytët apelojnë tek mediat për kujdes në raportime, në mënyrë që të mos sjellin huti tek familjarët.

Familjarët e të pagjeturve, të premten do të shkojnë edhe një herë në Rashkë të Serbisë për të parë nga afër se deri ku kanë shkuar punimet. Kështu deklaruan anëtarë të komisionit për të pagjeturit. Ata kërkuan nga mediat që të kenë kujdes në raportim dhe të mos përsëritet rasti i javës së kaluar kur u raportua kinse për një varrezë masive në një fshat të Gjakovës, pa u konfirmuar paraprakisht nga ekspertët, sepse të tilla informacione të paverifikuara ndikojnë keq te familjarët.

“Na jemi për transparencë mirëpo familjarët goditen nga lajme të tilla sepse ajo shpellë në Gjakovë mund të ketë eshtra qe nuk janë me origjinë njerëzore d.m.th tek kur ta japin informatën ekspertët ne mund të japim informacionin”, tha Prenk Gjetaj, kryetar i Komisionit për të zhdukurit, transmeton RTK.

Në anën tjetër, përfaqësues të familjarëve kanë shprehur pakënaqësi me punën e ngadalshme në Rashkë, duke shtuar se nuk janë marrë disa mbetje mortore, edhe pse ato dolën në sipërfaqe. Por drejtori i Mjekësisë Ligjore, Arsim Gërrxhaliu, mohon një gjë të tillë, duke bërë të ditur se atje është duke u punuar, dhe se nuk ka mbetje mbi dhe. Gërxhaliu tutje sqaroi se deri më tani janë larguar me mijëra metra kub, por që hapësira ku po groposet është shumë e madhe.

“Asnjë pjesë nuk ka mbet kockore jashtë, por janë largu me shtresa kur të vini të premten e shihni. Tash jemi në atë fazën me brusha të jemi të qartë janë duke punuar edhe 2 eskavator. Jemi në pjesët anësore janë duke largu me mijëra kubik dhe kur të vini të premëtn keni me pa qafrë pune është duke u bërë aty”, tha Gërxhaliu.

Gjetaj ka bërë të ditur se për vitin 2014 janë të lokalizuara36 vende ku dyshohet për varreza masive, brenda dhe jashtë territorit të Kosovës.

EULEX-i vazhdon të ndihmojë autoritetet e Kosovës lidhur me situatën e zhvilluar në Qendrën Klinike Universitare të Kosovës (QKUK). Urdhri i gjykatësit lidhur me transferimin e të gjithë të pandehurve në Qendrën e Paraburgimit në Mitrovicë, përgjatë periudhës kur do të mbahen seancat gjyqësore, nuk ka ndryshuar dhe është në fuqi, thuhet në një kumtesë të EULEX-it.

“Ne jemi të bindur se ashtu siç është planifikuar, seanca e parë dëgjimore e shqyrtimit kryesor do të mbahet nesër në orën 09:30 në Gjykatën Themelore të Mitrovicës. Qëllimi i misionit është mos lejojë përshkallëzimin e situatës. EULEX-i do të ndihmojë autoritetet e Shërbimit Korrektues të Kosovës me vëzhgues policorë shtesë në Qendrën e Paraburgimit në Mitrovicë, gjatë kohës sa të pandehurit janë atje. Mision thekson edhe një herë se sundimi i ligjit nuk është i negociueshëm”, thuhet në kumtesë.

Menaxhmenti i UPZ-së ka demantuar akuzat që LDK-ja i ka bërë në drejtim të këtij institucioni.

“Reagimi i LDK-së rreth vizitës dhe ligjëratës së Kadri Veseli nuk është aspak parimor. Universiteti “Ukshin Hoti” në Prizren është institucion akademik apolitik. Ligjëratat e liderëve politik janë të mirëpritura, si çdo kund në botë”.

“ Sot mbajti një ligjëratë me temën “Integrimet Evropiane dhe sfidat drejt saj” edhe zv.kryetari i PDK-së, z. Kadri Veseli, si lider politik dhe ekspert në fushën e integrimeve evropiane, i cili është para përfundimit të doktoraturës në Universitetin e Lubjanës. Pjesëmarrja e studentëve ishte në bazë të vullnetit të lirë”

“Universiteti Publik “Ukshin Hoti” është i hapur për bashkëpunim për të gjitha subjektet pa përjashtim”./PrizrenPress.com/

Ministri i Punëve të Jashtme, Enver Hoxhaj, ka dëshmuar dje se mbi të gjitha i intereson mbledhja e votave, dhe jo hallet e vërteta të qytetarëve.
I pari i diplomacisë kosovare të martën ka qëndruar në Prizren, ku i ka realizuar disa vizita dhe takime me qytetar, e njëra ndër to ka qenë ajo në Bibliotekën e qytetit.

Siç ka mësuar Gazeta Blic, Hoxhaj, e ka shfrytëzuar “fund e krye” takimin me lexues për të bërë fushatë, ndërsa ka braktisur takimin vetëm pak qaste pasi ata kanë filluar t’i shfaqin pakënaqësitë dhe kërkesat që qyteti i Prizrenit të ketë një bibliotekë më të mirë, e cila ofron kushte më të mira për lexim.

Njëri nga qytetarët e pranishëm në takimin me ministrin Hoxhaj, që në fakt ishte njëri nga lexuesit që u përfshi në bisedë ka treguar se si Hoxhaj ka ikur nga debati në momentin kur kanë filluar kërkesat për një bibliotekë të re në qytet.

“Dje në bibliotekën q qytetit të Prizrenit edhi ministri i Jashtëm, Enver Hoxhaj, së bashku me katër këshilltar dhe një fotograf për të bërë fushatë në bibliotekë. Diskutuam pak, kur u futëm në tema që na interesoje neve si lexues të bibliotekës, pra për ndërtimin e një biblioteke, ai u zgjua dhe e la debatin”, ka treguar ai.

Ky person, që nuk ka dashur t’i bëhet i ditur identiteti ka treguar më tutje se ish-ministri i Arsimit e ka parë me “sytë e tij” se ku mësojnë lexuesit e Prizrenit, siç ka thënë ai, në një dhomë mbi pesëdhjetë veta.

“Edhe pse disa herë kemi kërkuar të na ndërtohet, bile e kemi bërë edhe një peticion, një gjë e tillë nuk ka ndodhur, e çka është më e keqja kemi bërë peticion të na e sjellin një mirëmbajtëse të cilën Biblioteka nuk e ka, e ndodhë shpesh që vetë lexuesit dhe punonjësit e bibliotekës ta pastrojnë vendin. Besoi që një qytet i Prizreni e meriton një bibliotekë”, ka thënë ai.
Faktin se ka qenë në Prizren, dhe se është “fotografuar” në Bibliotekë, ku ka bërë fushatë, e ka konfirmuar edhe vetë ministri i Jashtëm, Hoxhaj.

Nëpërmjet një postimi në Facebook, Hoxhaj, ka treguar se ka qëndruar në Prizren, ndërsa si “dëshmi” ka postuar disa foto.

“Në Prizren vizitova Shtëpinë e Kulturës “Xhemajli Berisha”, Bibliotekën e qytetit dhe American Corner, institucione të cilat i ofrojnë shumë qytetit, të rinjve e veçmas studentëve. Drejtoresha e Bibliotekës, Sahadete Sadikaj-Kukaj më informoi për veprimtarinë, fondin e librave dhe numrin e lartë të frekuentimit nga lexuesit. Jo vetëm në bibliotekën e qytetit, por edhe në American Corner takova studentë entuziastë të cilët janë të interesuar për më shumë hapësirë, libra dhe bursa studimi. U thashë se Misioni i Ri është në shërbim të të gjithëve e veçmas të rinjve për tu arsimuar dhe punësuar në qytetin dhe vendin e tyre”, përfundon postimi i tij./Gazeta Blic/