Nënkryetari i PDK-së Kadri Veseli, ka mbajtur sot një ligjëratë para studentëve të UPZ-së me temën “Integrimet Europiane dhe sfidat drejt saj”.
Ai para studentëve foli për zgjerimin BE-së

“Në kohën kur të gjithë vendet mendonin të integroheshin në BE, vendit tonë ju imponua lufta për pavarësi”, tha Veseli.

“Sot ky shtet i ri , po punon të investojë në infrastrukturë në të gjitha fushat për të trasuar rrugën drejt BE-së”.

Kadri Veseli i shoqëruar edhe nga kandidatët për deputet në kuvendin e ri të Kosovës , kanë vizitur edhe thertoren e qytetit.

Më pas nënkryetari i PDK-së dhe ekipi i tij, i bënë një vizitë edhe QKMF-së së Prizrenit, ku nëpërmjet një dokumentari , u njohën me sukseset që ka arritur ky institucion shëndetsorë.

“Kabineti i Hashim Thacit, do të vazhdojë investimet në këtë sector”.

Vizita e nënkryetarit të PDK-së ka përfunduar në degën e këtij subjekti në Prizren, ku PDK-së së Prizrenit, iu bashkangjitën 124 të rinjë”./RTK/

Sot në fshatin Vërmicë, përkatësisht në lagjen e Ukajve, ka filluar zgjerimi dhe ndërtimi i rrugës, për rreth 40 shtëpi që jetojnë në këtë lagje, e që sipas banorëve të lagjes, për herë të parë, po e shohin dorën e shtetit në këtë pjesë. Në fillimin e punimeve mori pjesë edhe nënkryetari i Komunës së Malishevës, Rexhep Mazreku, drejtori për urbanizëm, Urim Kastrati dhe zyrtar tjerë komunal.

“Ne e kemi dhënë një premtim për rregullimin e kësaj rruge, zgjerimin dhe asfaltimin e rrugës dhe këtë po e bëjmë. Ndërtimi i rrugës do ta t’jua lehtësoj qarkullimin e banorëve të kësaj lagje dhe lidhjen e lagjes jo vetëm me fshatin, por edhe me qendrën komunale” tha mes tjerash nënkryetari i Komunës së Malishevës, z.Rexhep Mazreku, duke i uruar banorët për fillimin e punimeve në këtë rrugë.

Nga ana tjetër, banorët e kësaj lagje dhe të fshatit Vërmicë, pasi falënderuan komunën për angazhimin e saj në ndërtimin e rrugës dhe lehtësimin e jetës së qytetarëve të kësaj lagje, tha se “për herë të parë po e ndiejnë dorën e shtetit në raport me krijimin e kushteve më të mira për jetën e tyre”.

Lagjja e Ukajve është njëra nga lagjet e fshatit Vërmicë, ka qenë e ndarë nga fshati për shkak të rrugës dhe ka një konfiguracion të veçantë dhe natyrë shumë piktoreske. Ndërtimi i rrugës së gjatë 1 835 metra, u mundësua nga buxheti komunal i Malishevës.

Po ashtu sot në fshatin Gollubovc, ka filluar edhe asfaltimi rrugës në njërën pjesë të fshatit, me një gjatësi prej 900 metrave. asfaltimin e rrugës në këtë fshat sot e ka parë nga afër edhe nënkryetari i Komunës së Malishevës, Rexhep Mazreku, ku është ndarë i kënaqur me cilësinë e punimeve dhe i ka uruar banorët për asfaltimin e rrugës.

Gjashtë persona janë përfshirë në një rrahje në fshatin Peçan të Suharekës. Zëdhënësi i PK-së, Hazir Berisha tha se rrahja ka ndodhur në kohën sa ishin duke luajtur me top.

“Rreth orës 19:30 minuta, në fshatin Peçan-Suharekë, ka ndodhur një rrahje ne mes te dy grupeve,rrahja ka ndodhe deri sa disa qytetar ishin duke lozur futboll ku kanë qenë të përfshirë së paku 6 persona të dyshuar”.

“Gjatë rrahjes nga grushtimet janë lënduar dy persona”.

“Pas pranimit të informatës, policia ka dalë në vendin e ngjarjes dhe i ka nderrmarr te gjitha masat e duhura ligjor lidhu me rastin dhe ka kuptuar se dikush nga të dyshuarit ka poseduar një kallashnikov ‘AK 47’ dhe një karikator me 12 fishk te Cal. 7.62 mm si dhe një gëzhojë”.

“Policia i ka shoqëruar të dyshuarit në stacionin e policisë ne Suharekë. Në konsultim me prokurorin e shtetit është vendosur që dy të dyshuar K G i datëlindjes 1990 dhe M F i datëlindjes 1987 janë ndaluar për 48 ore për procedura te ma tutjeshme ligjore”. /PrizrenPress.com/

Bashkimi Demokratik i Zafir Berishës ka akuzuar kryetarin e Prizrenit, Ramadan Mujën për instalimin e masave të dhunshme dhe emrimin me ushtrues të detyrës të disa shkollave me militant të PDK-së në këtë qytet.

“Në vazhdën e metodave Makiaveliste dhe trysnisë që po bën PDK-ja në prag të zgjedhjeve lokale, i dënuari për krim dhe korrupsion Ramadan Muja sot vazhdoi instalimin e masave të dhunshme me dekret si në kohën e Millosheviqit duke i shkelur ligjet ne fuqi dhe udhëzimet administrative të DKASH-së, me ç’rast emeroi ushtrue detyre të shkollave njerëz analfabet dhe militant partiak”, thuhet në komunikatë të BD-së.

“Bashkimi Demokratik edhe më herët ka denoncuar publikisht shkeljet ligjore që janë bërë me rasitin e hapjes së konkursit për drejtor në kundërshtim me udhëzimin administrativ 8/2014 ku për fat të keq organet kompetente nuk kanë reaguar dhe me këtë rast i bëjmë thirrje drejtëpërdrejt kryeprokurorit në Prizren z. Sylë Hoxha mos të bëhet i shurdhur dhe i verbër para thirrjeve tona për shkeljet e rënda që po ndodhin nga zyrtarët komunal dhe i dënuari Ramadan Muja. Në gjithë këto shkelje të rënda që po ndodhin na befason indiferenca e Zyrës Regjionale të Iinspektoratit të Arsimit të cilët edhe pse kanë qenë të njoftuar për shkeljet që po ndodhin kanë treguar servilitet ekstrem ndaj pushtetit diktatorial të PDK-së në Prizren”.

“Zgjedhjet, përzgjedhjet dhe emërimet në këtë kohë kur pritet vendi të hyjë në zgjedhje janë sinjale shqetësuese se bandat parapolitike të Hashim Thaçit në Prizren duan ta dëmtojnë rëndë procesin demokratik në të cilën pritet të kaloj Kosova”/PrizrenPress.com/

Lidhja Demokratike e Kosovës(LDK) në Prizren, ka akuzuar PDK-në se po e përdorë për propagantë Universitetin Publik të Prizrenit.

“Në ditët e fundit Universiteti i Prizrenit është bëre arenë e propagandës së PDK-së”, thuhet në reagimin e LDK-së në Prizren.

“Sot në ambientet e UPZ-së për fushat parazgjedhore ishte i dënuari Ramadan Muja , bashke me shefin e tij Kadri Veselin. Edhe me skandaloze është fakti që menaxhmenti i Universitetit te Prizrenit, i detyron studentët të lëshojnë sallat e mësimit, në mënyrë që të masivizohet me studentë vendtakimi elektoral i PDK-së”.

“Lidhja Demokratike e Kosovës në Prizren , shpreh shqetësim lidhur me skandalet e njëpasnjëshëm në Universitetin e Prizrenit”.

“Lidhja Demokratike e Kosovës në Prizren , i bënë thirrje që të zhvillojmë një fushate parazgjedhore të qetë dhe korrekte, poashtu ne si LDK bëjmë thirrje që politika të rrijë larg institucioneve shkollore”./PrizrenPress.com/

Lideri i AAK-së Ramush Haradinaj, ka thënë se do të punojnë që Kosovës t’i kthejnë lajme te mira dhe sektorët veç e veç t’i kthejnë në suksese. Ai ka premtuar që qytetaret do ta kenë mbrojtjen shëndetësore gjithkund dhe asnjë qytetarë nuk do të ndihet i diskriminuar.

AAK zotohet se do te krijojë sistem shëndetësor të implementuar.

Talat Gjinolli, kandidat për deputet i AAK-së, ka thënë se do të sigurojnë mbrojtje shëndetësore, do të krijon shëndetësi të cilësisë së lartë dhe do t’i shpërblej punëtorët për punën e tyre.

Ndërsa, Fetije Huruglica, ka thënë se Aleanca do te hartojë planprograme shtesë për studime posdiplomike për infermieret.

Udhëheqësit e AAK-së këto premtime i bënë sot në Prizren gjatë shpalosjes së programit të tyre qeverisës ‘Drejtimi i Ri’

Lideri i AAK-së, Ramush Haradinaj, ka komentuar arratisjen nga QKUK të Sami Lushtakut, Ismet Haxhajt dhe Sahit Jasharit. Ai tha se arratisja e tyre është një lajmë i keq për Kosovën.

“Ngjarja e djeshme në QKUK është një lajm i keq për Kosovën”, tha Haradinaj në Prizren,transmeton TVPZ.

Sipas tij, në këtë rast gjykata dhe personat që janë nën masën e arrestit duhet të veprojnë konform dispozitave ligjore.

“Në Kosovë është degraduar i tërë sistemi dhe për këtë arsye AAK ka një vizion të qartë se si ta shërojë Kosovën”, tha Haradinaj./PrizrenPress.com/
….

Një femër është arrestuar  nga policia në Suharekë.Arrestimi ka ndodhur në fshatin Vraniq të Suharekës, me c’rast një femër ka përfunduar në pranga.

“Në bazë të urdhëresës së lëshuar nga gjykata,në Vraniq është arrestuar një femër K/Shqiptare, është dërguar në vuajtje të dënimit në burgun e Lipjanit”, njofton Policia e Kosovës./PrizrenPress.com/