Në Gjykatën Themelore të Prizrenit, vazhdoi gjykimi ndaj ish-punëtorit të Pro-Credit Bankës, Abdullah Thaçit, i cili akuzohet për zbulim të fshehtësisë zyrtare, vepër kjo e dënueshme sipas kodit penal, deri në 3 vjet burg.

Abdullah Thaçi akuzohet se më 31 korrik të vitit 2012 derisa ishte në orar të punës në cilësi të personit zyrtar dhe pa pasur autorizim, u qaset llogarive bankare të klientëve të kësaj banke, Nexhat Çoçajt, drejtor i arsimit në Prizren dhe Bekim Thaçit mësimdhënës.

Sipas aktakuzës, ai ka thyer procedurat e aplikueshme bankare, e pikërisht marrëveshjen mbi konfidencialitetin dhe moszbulimin e informacioneve bankare.

Kështu, sipas prokurorisë, Abdullah Thaçi gjendjen e llogarive të dy klientëve i fut në një zarf të bardhë dhe ia dorëzon Lëvizjes “Vetëvendosje”, e cila këto llogari bankare i përdorë për të ushtruar kallëzim penal.

Rasti rreth këtij kallëzimi penal është tash në fazën e hetimeve.

Në cilësinë e dëshmitarit në gjykatë u paraqit kryetari i Lëvizjes “Vetëvendosje” në Prizren, Arbër Rexhaj.

Rexhaj, tha se nuk ka pranuar ndonjë dokument nga Thaçi. Sipas tij në zyrat e Lëvizjes “Vetëvendosje”, vijnë lloj-lloj dokumentesh, ndër to tha se ka ardhur edhe dosja për të cilën bëhet fjalë dhe se kjo dosje kishte ardhur në një zarf të bardhë pa mbishkrim në të.

Arbër Rexhaj- dëshmitar(video: arber rexhaj- prokurorja)

“Këto dokumente siç kam deklaruar, ne i kemi gjetë para zyrës, edhe zyra te ne hapet diku në orën 10:00 të mëngjesit… unë kam pa që është material i dyshimtë edhe e kam dërgu drejtpërdrejt në qendrën e “Vetëvendosjes” në Prishtinë. Më pastaj i kemi analizu dhe kemi pa lëndë shumë të dyshimtë dhe për ne aty është parë se është duke u zhvillu korrupsion i pastër”, tha Rexhaj.

Ai më tutje tha se në vend të Abdullahut në gjykatë është dashur të jetë Nexhat Çoçaj, ndërsa gjykimin e quajti me motive politike.

Pas dëshmisë së Rexhajt, prokurorja e rastit Ervehe Gashi, tha se hetimet për drejtorin Çoçaj, kanë filluar nga 2 maji 2012, e jo siç pretendohet pas kallëzimit penal, i cili është bërë më 8 gusht 2012.

Ajo i dorëzoi trupit gjykues dokumentin e datës 2 maj, me të cilin ishte bërë kërkesa në BQK, për hetim të xhirollogarisë së drejtorit Çoçaj.

Njëra nga provat e prezantuara, ishte edhe pasqyra financiare dhe raporti i ndërhyrjes së paautorizuar, i paraqitur nga Pro-Credit Bank, provë të cilën mbrojtja e kundërshtoi dhe kërkoi që të bëhet ekspertizë për vërtetësinë e saj.

Trupi gjykues e aprovoi kërkesën e mbrojtjes, me ç’rast seanca gjyqësore u ndërpre për të vazhduar me 1 korrik 2014.

Në qershor të vitit të kaluar Nexhat Çoçaj është shpallur i pafajshëm në një rast tjetër, ku ai akuzohej për shpërdorim të detyrës zyrtare në lidhje me ekskursionet e maturantëve prizrenas./Gazeta Jeta në Kosovë/

Katër zyrtarë të Komunës së Prizrenit dhe tre persona të tjerë janë shpallur të pafajshëm nga Gjykata Themelore në Prizren të enjten, në një rast ku ata akuzoheshin për shpërdorim të detyrës zyrtare, falsifikim dokumentesh dhe mashtrim.

Hasan Hasani, drejtor i Shërbimeve Publike, Sadik Paçarizi, ish-drejtor i Urbanizmit, Zekë Tejeci e Sokol Hadri inspektorë komunikacioni, Gëzim Gashi – menaxher i parkingut “Euro-AG”, Islam Morina – mekanik dhe Bujar Berisha- menaxher i kompanisë “Sigal”, janë shpallur të pafajshëm.

I vetmi fajtor, u shpall Lulzim Thaçi- tregtar, i cili u dënua me 1,000 euro gjobë dhe 200 euro në emër të shpenzimeve të paushallit gjyqësor, për veprën penale të mashtrimit.

Ndërsa shpenzimet për të akuzuarit tjerë të shpallur të pafajshëm, bien në barrën e buxhetit të Republikës së Kosovës.

Ish të akuzuarit ngarkoheshin mes tjerash, se duke falsifikuar procesverbale, kanë shitur disa automjete, të konfiskuara nga komuna me vlerë më të vogël sesa vlera e tyre reale, duke e dëmtuar kështu komunën.

“Ishte një gjykim i drejtë dhe i bazuar në të pavërtetat që i ka pasë aktakuza. Gjithçka ma lejon ligji ka me shfrytëzue”, tha Hasan Hasani drejtor i Shërbimeve Publike.

Edhe Sadik Paçarizi ish-drejtor i Urbanizmit, tha se dikush duhet të penalizohet.

“E kam ditë në çdo kohë që jam i pafajshëm dhe nuk kam pasur kurrfarë lidhje me shitjen e atyre automjeteve, mirëpo më në fund drejtësia dul në shesh. Sa i përket dëmshpërblimit duhet të bisedoj me avokatin tim mbrojtës”, tha Paçarizi.

Pesë zyrtarë tjerë të Komunës së Prizrenit bashkë me kryetarin Ramadan Muja janë dënuar nga e njëjta gjykatë në një rast tjetër, të keqpërdorimit të detyrës zyrtare./Gazeta Jeta ne Kosovë/

Në një intervistë për RTK-në, ambasadorja e SHBA-së në Kosovë, Tracey Jacobson, tha se zgjedhjet e ardhshme parlamentare janë të rëndësishme, pasi ato organizohen në tërë territorin e vendit. Duke dënuar çdo tentativë për vjedhje ose mashtrim gjatë procesit të votimit, ambasadorja Jacobson tha se do të jenë të papranueshme për SHBA-në,

Ajo theksoi se gjatë zgjedhjeve të kaluara nacionale vjedhjet nuk kanë ndodhur mes subjekteve politike, por mes kandidatëve të së njëjtës parti.

Duke folur për pjesëmarrjen e serbëve në këto zgjedhje dhe qëndrimin politik të tyre në raport me pavarësinë e Kosovës, si në rastin e Listës Serbe, ambasadorja e SHBA-së tha se çdo kandidat që do të fitojë do të ulet në Kuvendin e Republikës së Kosovës dhe të japë betimin që do t`i referohet Kushtetutës së Kosovës. Prandaj, sipas Jacobsonit, është e qartë se këto zgjedhje kanë të bëjnë me një vend të pavarur.

Duke folur për preferenca eventuale të Ambasadës Amerikane për kandidatë ose subjekt të caktuar, ambasadorja Jacobson tha se SHBA-ja nuk e mbështet asnjë kandidat ose subjekt në veçanti dhe nëse dikush thërret të votohet për të sepse ai ka mbështetjen e SHBA-së, ky është një trillim. Intervistën e plotë me ambasadoren e SHBA-së në Kosovë, mund ta ndiqni menjëherë pas këtij edicioni lajmesh.

Thirrjen për votë, Lëvizja Vetëvendosje ka nisur ta bëj përmes logos së re të Partisë, “Tash voto – me lëvizjen”, e cila është prezantuar sot në mbledhjen e Këshillit të Përgjithshëm. Kryetari i Lëvizjes Vetëvendosje, Albin Kurti, duke folur për domosdoshmërinë e ndryshimit të situatës, tha se tash është momenti.
Në mbledhjen e Këshillit të Përgjithshëm të Lëvizjes Vetëvendosje, Kurti ka thënë se qytetarët bashkohen në problemet e përbashkëta dhe zgjidhja e këtyre problemeve mund të jetë vetëm e përbashkët.

“Ku ka më mirë se të bëhemi kolektivitet për zgjedhjet që janë paraparë të mbahen më 8 qershor dhe asisoj, ta ndihmojmë, ta mundësojmë dhe ta garantojmë ndryshimin e madh e të domosdoshëm për Republikën e Kosovë, për popullin e Kosovës, me një fitore që do të jehojë në mbarë popullin shqiptar”, potencoi Albin Kurti, në mbledhjen e jashtëzakonshme të Këshillit të Përgjithshëm të Lëvizjes Vetëvendosje.

Ai ka folur edhe për temat kryesore që ka Alternativa Qeverisëse e Vetëvendosjes.

“Tatimi progresiv është i vetmi tatim i drejtë, sepse do ta ndryshojë Kosovën rrënjësisht dhe nuk do të lejojë që Kosova të jetë një vend i varfër në të cilin ka individë shumë të pasur”, ka vazhduar ai.

Kurti ka folur edhe për r iindustrializimin duke thënë se do të jetë temë qendrore, e cila do të përqendrohet në prodhim që do të sjellë punësim dhe më tutje mirëqenie për të gjithë pa privilegje e pa diskriminim për asnjë qytetar të Kosovës”, ka shtuar Kurti.

Në mbledhjen e sotme të jashtëzakonshme, u nënshkruan memorandume bashkëpunimi me Federatën e Sindikatës së Bujqve dhe me Sindikatën e Fabrikës së Amortizatorëve.

Nënshkrimin e memorandumeve e bënë kryetari i Lëvizjes Vetëvendosje, Albin Kurti dhe kryetari i Federatës së Bujqve të Kosovës, Tahir Tahiri.

Kurti ka nënshkruar memorandum po ashtu edhe me përfaqësuesin e Sindikatës së Pavarur të Fabrikës së Amortizatorëve Enver Morina.

Anëtari i Kryesisë, Visar Ymeri shpjegoi se këto sindikata do të kenë përfaqësuesit e tyre në listën e Lëvizjes Vetëvendosje.

“Ideja është që sindikatat me përkrahjen e sindikalistëve ta dërgojnë një person në listën e Lëvizjes Vetëvendosje dhe kësisoj, ky person të jetë përfaqësues i sindikatës, përfaqësues i atyre punëtorëve që i mbulon sindikata, qoftë në listën e Lëvizjes, qoftë nesër në Kuvendin e Republikës”, ka thënë Ymeri.

Ndërkaq, përfaqësuesit e organizatave të cilët falënderuan Lëvizjen Vetëvendosje për nënshkrimin e këtyre memorandumeve, folën për gjendjen e rëndë të punëtorëve.

“Do të jemi avokatë të punëtorëve, kur e dimë se sa janë të nëpërkëmbur punëtorët dhe sa dëm i ka bërë Kosovës, procesi i privatizimit”, ka thënë përfaqësuesi i punëtorëve të Amortizatorëve, Enver Morina.

Mbledhja i vazhdoi punimet me votimin e kandidatëve dhe miratimin e listës finale të Lëvizjes Vetëvendosje për Kuvendin e Kosovës. /

Aderimi i Margarita Kadriut në Partinë Demokratike të Kosovës (PDK)ka krijuar pakënaqësi të mëdha në mesin e anëtarëve tjerë të kryesisë dhe anëtarëve të Këshillit Drejtues.

Kreu i PDK-së, Hashim Thaçi, javëve të fundit ka sjellë në parti emra të rinj që i janë bashkuar ekipit të tij, mirëpo rasti me botuesin e gazetës Kosova Sot është me ndryshe. Ajo me të aderuar në PDK është emëruar nënkryetare e partisë pa kaluar nëpër filtrat zgjedhore brenda partisë.

Burime të Indeksonline brenda PDK-së thonë se anëtar të kryesisë janë revoltuar me vendimin e “shefit”, pasi që disa nga ata janë që në fillimi i themelimit të partisë, por asnjëherë nuk kanë arritur të ngjitën lartë në hierarki pa kaluar nëpër procesin zgjedhor.

Pakënaqësitë janë rritur edhe më shumë pas publikimit të disa e-mailave konfidencial të shkëmbyer ndërmjet Margarita Kadriut dhe prindit të saj Ruzhdiut, me përgjegjësit e kompanisë së Miroslav Mishkovicit, pronar i kompanisë Delta Holding. Mishkovic ka qenë ministër i Sllobodan Milloshevicit.

Ishte Berat Buzhala i pari që ka reaguar publikisht pas prurjes së re të shefit të tij. Ai ka thënë se është gabim fatal i PDK-së që me make up të tillë synon të bëjë ndryshime partiake.

Buzhala veç tjerash thotë se Sami Lushtaku nuk mund të zëvendësohet me Ruzhdi Kadriun.

Në një mesazh në Facebook, ai veç tjerash shkruan se “sa më shumë që PDK provon të anashkalojë luftën e UÇK-së, aq më shumë do të pësojë”.

Këtë, Buzhala thotë se do ta adresojë edhe në mbledhjen e Këshillit Drejtues të PDK-së.

Alenaca për Ardhmërin e Kosovës(AAK) në Prizren do të garojë me pesë kandidatë për deputet të Parlamentit të Kosovës.

Burimet e ‘PrizrenPress’it bëjnë të ditur se Kryesia në Prizren deri më tash është përcaktuar për tre kandidatë, ndërkohë që shumë shpejt do të dihen edhe emrat e dy kandidatëve të tjerë.

AAK në Prizren në zgjedhjet e 8 qershorit do të garojë me kandidatët: Lulëzim Kabashin, Fatmir Kastratin dhe Naim Çelajn.

“Këta janë tre kandidatët e parë ndërkaq edhe dy të tjerë do të caktohen nesër”. Tregon burimi brenda AAK-së në Prizren/PrizrenPress.com/

Këtë e ka konfirmuar vet Hyseni për KosovaPress, por nuk jep detaje pse është larguar nga PDK-ja

Ndryshe, Hydajet Hyseni ka qenë deputetë nga radhët e PDK-së e që njihet si ndër të paktët i cili ka kundërshtuar shumë herë vendimet e Qeverisë në Kuvend. /Telegrafi/