13.8 C
Prizren
E hënë, 27 Maj, 2024

Jacobson paralajmëron edhe vjedhësit e votave mes kandidatëve

Jacobson-ambasadore amerikaneNë një intervistë për RTK-në, ambasadorja e SHBA-së në Kosovë, Tracey Jacobson, tha se zgjedhjet e ardhshme parlamentare janë të rëndësishme, pasi ato organizohen në tërë territorin e vendit. Duke dënuar çdo tentativë për vjedhje ose mashtrim gjatë procesit të votimit, ambasadorja Jacobson tha se do të jenë të papranueshme për SHBA-në,

Ajo theksoi se gjatë zgjedhjeve të kaluara nacionale vjedhjet nuk kanë ndodhur mes subjekteve politike, por mes kandidatëve të së njëjtës parti.

Duke folur për pjesëmarrjen e serbëve në këto zgjedhje dhe qëndrimin politik të tyre në raport me pavarësinë e Kosovës, si në rastin e Listës Serbe, ambasadorja e SHBA-së tha se çdo kandidat që do të fitojë do të ulet në Kuvendin e Republikës së Kosovës dhe të japë betimin që do t`i referohet Kushtetutës së Kosovës. Prandaj, sipas Jacobsonit, është e qartë se këto zgjedhje kanë të bëjnë me një vend të pavarur.

Duke folur për preferenca eventuale të Ambasadës Amerikane për kandidatë ose subjekt të caktuar, ambasadorja Jacobson tha se SHBA-ja nuk e mbështet asnjë kandidat ose subjekt në veçanti dhe nëse dikush thërret të votohet për të sepse ai ka mbështetjen e SHBA-së, ky është një trillim. Intervistën e plotë me ambasadoren e SHBA-së në Kosovë, mund ta ndiqni menjëherë pas këtij edicioni lajmesh.

Më Shumë

Historike: Atalanta fiton Europa League

Italianët kanë mposhtur Leverkusenin në finalen e Dublinit me rezultatin 3-0 duke siguruar trofeun e parë evropian në historinë e tyre Atalanta fiton Europa League...

Osmani në 25 vjetorin e Masakrës së Tusuzit: Vendosja e drejtësisë për viktimat është përkushtim i çdoditshëm i yni

Presidentja e Kosovës Vjosa Osmani, i ka përkujtuar viktmat e Masakrës Tusuz (Lagjja e Trimave) në Prizren. Më 26 maj 1999-të, atje forcat e regjimit...

Lajmet e Fundit