Amerikanët të cilët punojnë në Kosovë pushuan për nder të 237- vjetorit të pavarësisë së SHBA-së. Por festa e miqve të tyre kosovarë për nder të 4 korrikut i bën ata të ndjehen sikurse në shtëpi.

“Ambasada është e mbyllur, sepse edhe federata në Amerikë po pushon. Për mua kjo është hera e dytë që e festoj 4 Korrikun në Kosovë. Fjala me të cilën do e përshkruaja është e mahnitshme për të gjithë amerikanët. Të jesh në Kosovë për këtë ditë është sikur të jesh në shtëpi”, ka thënë Ellie Techman, zyrtar për informim në Ambasadën e SHBA-së në Prishtinë, raporton KTV.

E lumtur që këtë ditë po e feston në Kosovë, nëpërmes rrjetit social Twitter u pa edhe ambasadorja amerikane, Tracey Jackobson, e cila përgëzoi amerikanët dhe ata që i përkrahin ata.

Oda Ekonomike Amerikane e Kosovës ishte e para që i uroi ditëlindjen shtetit amerikan. Koncerti dhe maratona për fëmijë është mënyra më e mirë, sipas tyre, për të edukuar brezat e ri për rëndësinë e miqësisë shqiptaro-amerikane. Në sheshin ‘Nëna Terezë’ ka filluar trashmë koncerti tashmë tradicional ‘Hello USA’, për të cilin Komuna e Prishtinës ndau mbi 5 mijë euro, kurse Ambasada amerikane të premten do të organizojë një pritje për miqtë e saj në Prishtinë.

34 organizata joqeveritare i kanë shkruar letër të hapur vendeve të Quint-it dhe zyrës së BE-së në Kosovë për shprehur shqetësimin e tyre dhe kundërshtimin rreth miratimit të projektligjit për amnistinë në versionin aktual.

Shoqëria civile ankohet se miratimi i projekt-ligjit në këtë formë, do të minonte të gjitha përpjekjet për sundim të ligjit në Kosovë.

“Ky Projektligj për Amnisti – nëse miratohet – do t’ia jepte goditjen e fundit punës së madhe të bërë të mijëra kosovarëve dhe partnerëve tanë ndërkombëtar në Kosovë të cilët kanë punuar për një shtet që është i bazuar në sundim të ligjit”, thotë letra e hapur e shoqërisë civile.

“Ne fuqimisht besojmë që ky Projektligj duhet të rishqyrtohet dhe të kthehet pas për debat dhe ekspertizë demokratike dhe procedurale, ku shoqëria civile dhe dëgjimi publik mund të jenë pjesë e saj, që të sigurohet një Ligj i ri për Amnistinë i cili do të shërbente edhe për ri-integrim të pjesës veriore të Kosovës, e gjithashtu edhe për sundim të ligjit të suksesshëm në gjithë shtetin”.

Letra e dërguar ambasadës së Shteteve të Bashkuara, Gjermanisë, Francës, Mbretërisë së Bashkuar dhe Italisë, si pesë vendet që përbëjnë Quint-in, thotë se shoqëria civile e kupton se, në parim, amnistia është e nevojshme për të ri-integruar pjesën veriore të Mitrovicës, në kornizën juridike të Kosovës.

Megjithatë, sipas kësaj letre, amnistia për këtë pjesë të Kosovës nuk mund të jetë një amnisti e përgjithshme për 69 veprat penale në pjesët tjera të Kosovës.

Shoqëria civile thekson se projektligji aktual ndër të tjera siguron amnistinë universale në nivel vendi për shmangien nga taksat; dëmtimin dhe mbajtjen ilegale të pronave publike dhe private; aktivitetet ilegale mjekësore dhe farmaceutike si dhe kontrabandën; shkeljen e të drejtave të njeriut; nepotizmin; spiunimin dhe/apo shpronësimin e shërbimeve publike.

“Nëse ky Projektligj për Amnisti miratohet, faljet që do të bëhen përmes kësaj, seriozisht do të vështirësojë gjithë punën e bërë nga Prokuroria dhe Gjyqësia e Kosovës; nga EULEX; për të luftuar krimin e organizuar, korrupcionin, krimin financiar, gjithashtu seriozisht do të rrezikoj kriterin e specifikuar nga Udhërrëfyesi për Liberalizimin e Vizave për sundim të ligjit; Dialogun me BE-në për Sundim të Ligjit; negociatat e ardhshme për MSA-në; dhe shkurtimisht të gjithë investimin për një Kosovë të drejtë në 14 vitet e fundit”, thuhet në letrën e nënshkruar nga 34 OJQ, që funksionojnë në nivel të vendit.

Kryetari i Komunës së Malishevës, Isni Kilaj, të enjëten, ka dëgjuar nga afër problemet e qytetarëve. Ai në orët e hershme të mëngjesit, ka hapur dyert për t’i degjuar hallet e qytetarëve më të cilët ballafaqohen çdo ditë.

Shqetësimet e qytetarëve edhe në këtë takim ishin kryesisht të njëjtat si çështja socio-ekonomike, dhe infrastruktura rrugore .

Kryetari Kilaj iu ka ofruar mbështetjen e tij të plotë morale si dhe mbështetjen e mundëshme materiale, që mund të ketë komuna. Ai premtoi se do t’i ndihmojë në zgjidhjen e problemeve sicilit qytetarë. /PrizrenPress.com/

Komandanti i Komandës së Forcave Tokësore (KFT), gjeneral major Rrahmnan Rama së bashku me Komandantin e Gardës Kombëtare të Aiovës(SHBA), gjeneral major Timoty Orr, qëndruan për vizitë në Kramovik, për të parë nga afër urën mbi lumin Drini i Bardhë, e cila u montua gjatë këtyre ditëve nga FSK, përkatësisht nga Njësiti i Xhenios i Brigadës për Mbështetje Operacionale(BM0).

Gjeneral Rrahman Rama e njoftoj gjeneralin amerikan, për aktivitetin e FSK-së në fushën e mbështetjes së autoriteteve civile në infrastrukturë. Në Kramovikë, pikërisht tek ura e metaltë( pronë e FSK-së), mbi lumin Drini i Bardhë, ishte rreshtuar Njësiti i Xhenios, i cili me krenari po frekuentonte qarkullimin në mënyrë të sigurt të automjeteve dhe qytetarëve mbi urë, e cila para 15 ditëve ishte e paketuar, ndërsa tani kishe stolisur lumin si xherdan, përderisa kapiten Islam Haliti i njoftonte gjeneralët Rama dhe Orr, mbi procesin e montimit të urës, dhe për punën e pakursyer të cilën e kanë kryer pjesëtarët Xhenios së FSK-së si edhe ata të mbështetjes, mjekësia, logjistika, transporti, etj.

Komandanti i Gardës Kombëtare të Aiovës, gjeneral Timoty Orr, u shpreh se ndjehet tejet i lumtur që po sheh në terren vepra të xhenios së FSK-së, të cilat do t’u shërbejnë qytetarëve për lehtësimin e jetës së tyre. Gjenerali amerikan tha gjithashtu se edhe Garda Kombëtare e Aiovës shpesh ftohet nga komuniteti atje për të mbështetur autoritetet civile, dhe se veprat e tilla janë në të mirë të të gjithë qytetarëve. Gjenerali Orr në shenjë admirimi për punën e shkëlqyer të pjesëtarëve iu ndau atyre nga një shenjë të tij(cofin).

Në vizitë pos gjeneralit Rama dhe gjeneralit Orr ishin të pranishëm edhe Komandanti i Brigadës për Mbështetje Operacionale, kolonel Ilaz Derguti, komandanti i Batalionit të Xhenios, nënkolonel Zenë Prokshi dhe Atasheu Ushtarak i SHBA-ve në prishtinë, kolonel James Kott. /PrizrenPress.com/

Përfaqësuesja e lartë për politikë të jashtme të BE-së, Catherine Ashton dhe komisionari për zgjerim, Shtefan Fule kanë deklaruar se marrveshja për normalizimin e marrdhënjeve mes Kosovës dhe Serbisë është me rendësi të jashtëzakonshme për tërë Ballkanin perëndimor dhe sidomos tani pas anëtarësimit të Kroacisë në BE.

Në një artikull të përbashkët për gazetën “Dnevni Avaz”, të Sarajevës Ashton dhe Fyle shkruajnë se për këtë arsye BE ka vendosur të hap negociatat me Kosovën për marrëveshjen e stabilizim asoccimit ndërsa me Serbinë për antarsimin e saj në BE.

Ata theksuan se marrëveshja përmban vendosmërinë e Beogradit e të Prishtinës që të ardhmen e shohin në bashkimin Evropian.

”Pranimi i përparimit të cilin Serbia e Kosova e kanë arritur në normalizim të ndërsjellë marrëdhëniesh, BE ka parë rolin e kryeministrave Daçiq e Thaçi me rastin e arritjes kohë më parë të marrëveshjes revolucionare, andaj kjo është arsyeja pse BE ka vendosur të fillojë negociata për anëtarësim me Serbinë dhe negociata e MSA-së me Kosovën”, vlerësojnë ata, citon RTK-ja.