Qeveria e Kosovës ka paraparë një sërë aktivitetesh në nderim të heroizmit të KOmandantit Legjendar Adem Jashari dhe Familjes Jashari.

Manifestimet do të nisin nesër me ceremoninë ushtarake të FSK’së dhe do të përfundon me 7 mars me Natën e Zjarreve në Prekaz.

“Me rastin e 16 vjetorit të rënies heroike të Komandantit Legjendar Adem Jashari dhe Familjes Jashari, Qeveria e Republikës së Kosovës, më 5, 6 dhe 7 Mars, organizon manifestimin gjithëpopullor në kujtim dhe nderim të Epopesë së Ushtrisë Çlirimtare të Kosovës dhe heroizmit të Komandantit legjendar Adem Jashari dhe familjes Jashari”.

“Manifestimit do t’i paraprijë turneu tradicional “Kupa Adem Jashari” në Vollejboll”.

Programi i manifestimit:

Më 5 Mars

Në Kazermën e FSK-së “Adem Jashari” në Prishtinë, duke filluar nga ora 11:00 do të mbahet ceremoni ushtarake e FSK-së

Më 6 Mars

Duke filluar nga ora 10:00 do të bëhen homazhe pranë varrit të komandantit legjendar Adem Jashari dhe varrezave të familjes Jashari në kompleksin memorial “Adem Jashari” në Prekaz të Skenderajt, si dhe në të gjitha komplekset memoriale të dëshmorëve të UÇK-së në Komunat e Republikës së Kosovës

Në orën 18:00 në Sallën e Kuqe të Pallatit të Rinisë dhe Sporteve do të mbahet Akademi përkujtimore kushtuar komandantit legjendar Adem Jashari, familjes Jashari dhe gjithë dëshmorëve dhe të rënëve për liri

Më 7 Mars

Duke filluar nga ora 17:45 fillon riti tradicional në nderim të dëshmorëve të kombit, me ndezjen e flakadanëve në Kompleksin Memorial “Adem Jashari”

Në orën 18:00 vazhdon manifestimi “Nata e Zjarreve” me program kulturor-artistik të begatshëm në sheshin Adem Jashari në Skenderaj.

Qeveria e Kosovës të martën miratoi vendimin për shndërrimin e Forcës së Sigurisë së Kosovës në Forca të Armatosura të Kosovës (FAK) dhe Ministrisë së Forcës së Sigurisë në Ministri të Mbrojtjes.
Ky vendim do të dërgohet edhe në Kuvendin e Kosovës.

Një ditë më parë ministri i FSK-së, Agim Çeku theksoi se Forca e Armatosura të Kosovës do t’i ketë 5 mijë pjesëtarë aktivë dhe 3 mijë rezervë.

Ai ka thënë se Forca e Armatosur e Kosovës do të jetë me mision mbrojtës të vendit, sovranitetit dhe integritetit territorial, interesin dhe pasurinë e qytetarëve dhe interesat e Kosovës, por edhe jetës dhe pasurisë së qytetarit të Kosovës.

Me rastin e 16 vjetorit të rënies heroike të Komandantit Legjendar Adem Jashari dhe Familjes Jashari, nga nesër deri më shtatë mars, Qeveria organizon manifestimin gjithë popullor në kujtim dhe nderim të Epopesë së UÇK-së.

Qeveria njoftoi se në kazermën Adem Jashari, nesër do të mbahet ceremonia ushtarake e FSK-së, ndërsa me 6 mars bëhen homazhe në Prekaz.

Manifestimi përfundon me Natën e Zjarreve, me 7 mars.

Përfaqësuesit e Degës së LDK-së në Prizren, kanë dhënë interpretime të ndryshme sa i përket themelimit të Shtabit të Degës,pas takimit me liderin e LDK-së, Isa Musatafa.Kryetari i Degës së LDK-së, Eqrem Kryeziu ka thënë se komunikata e partisë në lidhje me këtë çështje ka qenë shumë e qartë dhe se nuk mund të marrë përgjegjësi për interpretimet që bëjnë “të pakënaqurit e e degës”.

“Arsya  është thënë qartë se është marrë vendim që të themelohet Shtabi i Degës me qëllim të përgatitjes sa më të mirë për zgjedhjet e përgjithshme. Nuk ka asnjë zëvendësim të kryetarit apo të kryesisë “, ka thënë Kryeziu, shkruan Koha Ditore.

Nënkryetari i Degës, Haziz Hodaj ka thënë ndërkaq se Shtabi apo Këshilli Koordinues merr kompetencat për drejtimin e degës.’ka një spostim të kompetencave të kryetarit dhe kryesisë”,ka thënë Hodaj.

Kryesuesi i Shtabit, Hanifi Muharremi ka thënë se nuk ka asgjë sensacionale në krijimin e këtij trupi.”Përmes këtij trupi synohet bashkimi i të gjithëve”, ka thënë Muharremi.

Kryetari i Degës së PDK-së në Prizren, Minir Krasniqi është pjesë e delegacionit të Ekzekutivit të Komunës që këto ditë po e realizon një vizitë zyrtare në komunën e kyjov të Çekisë.Kryetari Ramadan Muja,pos që ka marrë me vete disa drejtorë të Ekzekutivit,ka marrë me vete edhe kryetarin e Degës së PDK-së, Minir Krasniqin.

Zëdhënësi i Komunës, Ymer Berisha ka bërë të ditur se Krasniqi ka qenë drejtor në detyr i Administratës dhe përë këtë shkak është përfshirë në delegacion në Çeki.

“Minir krasniqi është ftuar në cilësinë e drejtorit të Administratës,sepse protokoli është bërë para se kryetari Ramadan Muja të prezanton qeverin e re”, ka thënë Berisha për Koha Ditore.

Monitoruesja e OJQ-së “Ec Ma Ndryshe”, Elmedina Baxhaku ka thënë se një veprim i tillë nuk është parimor.

“Shkaku se Minir Krasniqi nuk është më drejtor apo pjesë e qeverisë lokale do të ishte mirë që të hiqte dorë nga vizita në Çeki”, ka thënë baxhaku.

Kryetari i Prizrenit, Ramadan Muja dhe ai i Kyjovës së Çekisë, Frantisek Lukl, kanë nënshkruar dje një marrëveshje bashkëpunimi mes dy komunave./PrizrenPress.com/