Analistët politikë e shohin Listën “Srpska” me mjaft peshë në skenën politike, ngaqë fuqia e saj do të demonstrohet si në pushtetin lokal, përmes administrimit në nëntë komuna dhe kontrollit në Asociacionin e Komunave serbe, ashtu edhe në atë qendror.Madje, nuk konsiderohet ende e humbur as beteja e pakicave për ruajtjen e vendeve të rezervuara në Kuvend apo edhe sigurimin e ulëseve shtesë për serbët e veriut, shkruan Tribuna.

Këta analist nuk e përjashtojnë mundësinë që kjo listë edhe të ketë ndonjë vend në Kuvend, pas zgjedhjeve që do të mbahen në Kosovë.

Me pushtimin e terminalit të trajekteve në lindje të Krimesë nga forcat ruse, situata në Ukrainë është bërë edhe më e ndërlikuar.

Për këtë, Kryeministri rus Vladimir Putin kishte thënë se nuk tërhiqet nga Krimea, ndërsa homologu i tij amerikan, Barack Obama, e kishte konsideruar këtë vendim si të gabuar dhe keqbërës për vetë Rusinë.

Gjendja e tillë jopaqësore në Ukrainë, nuk i konvenon as Kosovës. Kështu është shprehur Zëvendësministri i Jashtëm, Petrit Selimi, në InfoMagazinë të Klan Kosovës.

“Momentalisht, në mediat ruse është një propagandë shumë e përhapur se si rusët në Ukrainë po vriten, po shkatërrohen”.

“Po hymë në një situatë që nuk është e mirë as për Kosovën. Neve na konvenon një relaksim i situatës. Fokusi dhe shpërqendrimi Europian i NATO’s kah Ukraina, zhvendosen nga Ballkani, prandaj duhet të përgatitemi që po hymë në njëfarë faze të papritshme”, ka thënë Selimi, në InfoMagazinë.

Zëvendësministri i Punëve të Jashtme të Kosovës ka pohuar se shtimi i konflikteve në botë e lë Kosovën të fundit për t’iu zgjidhur çështja e saj politike.

“Mediat nuk po raportojnë që ka ndonjë situatë të krahasueshme. Ne me kaçikun tonë nuk do të dalim të parët me akuza ndaj Rusisë”.

“Jemi bërë bira e fundit diplomatike, për faktin që ka më shumë situata të rëndësishme. Askush nuk po i përmend shumë sirianë që po vdesin tash e sa vjet. Njerëzit momentalisht janë pa kulm mbi kokë”.

“Asnjë vit s’po vie i njëjtë. Vjet ndodhi Siria, tash Ukraina. Duke hyrë në BE a në NATO, do të afrohet koha kur edhe Kosovës do t’i pritet të japë kontribut në reagime. Atëherë duhet jo më të dërgojmë deklarata me shkrim”, ka thënë Petrit Selimi për Klan Kosova.

Ndonëse kryetari i Partisë Demokratike të Kosovës, Hashim Thaçi, ka deklaruar se largimi i dy ish zyrtarëve të lartë të PDK-së, Fatmir Limaj dhe Jakup Krasniqi nuk do ta dëmtoj partinë që ai udhëheq, të njëjtin mendim nuk e ndajnë edhe analistët kosovarë.Sipas tyre, “Nisma për Kosovën”, formacioni i ri politik i formuar nga ish-nënkryetari dhe ish-sekretari i përgjithshëm i PDK-së, do të tërheq pas vete më së shumti elektoratin e PDK-së, për shkak të prejardhjes së përbashkët politike.

Analisti Shpend Kursani, ka theksuar se ndikimi i nismës në skenën politike varet nga dy faktorë: nga ajo se kush do të jenë emrat që do t’i bashkohen këtij formacioni, dhe çfarë do të bëj EULEX-i me Fatmir Limajn.

Ai mendon se “Nisma për Kosovën” ka gjasë që t’i prishë punë partive tjera politike në Kosovë. “Nëse nëpër partitë tjera politike nuk ndodhin ndryshime deri në kohën e zgjedhjeve nacionale, partia e Limajt dhe Krasniqi mund të ndikojë në ndryshimin e renditjes së subjekteve politike, duke ia shtuar këtu edhe rezultatet e zgjedhjeve lokale të vitit të kaluar, të cilat dëshmuan vullnetin e qytetarëve për ndryshim”, ka thënë Kursani për Telegrafin.

Analisti Bexhet Shala, mendon se “Nisma për Kosovën” mund ta dëmtoj PDK-në dhe partitë tjera politike, sepse sipas tij, kjo parti synon elektoratin edhe të partive tjera politike.
Sipas tij, “për një gjë të tillë nisma duhet të ketë shtrirje vertikale dhe horizontale, nëse synon t’i marrë votat e grupeve të ndryshme të qytetarëve”.

“Partia e Limajt dhe Krasniqit është formuar në një kohë jo fort të favorshme për Kosovën, në kohën kur janë paraqitur probleme të mëdha për shtetin. Performancat e partive në zgjedhjet nacionale, në këtë rast e nismës, varet edhe nga prokuroria e EULEX-it dhe qendrat e vendosjes ne Bruksel dhe gjetiu”, ka thënë Shala për Telegrafin.

Kryetari i Rahovecit, Idriz Vehapi ka paraljëmruar se do të marrë masa ndëshkimore për të gjithë mësimdhënësit e papërgjegjshëm.

Ai në debatin e sotëm me prindërit e nxënësve të shkollës së mesme “Xhelal Hajda-Toni”, iu ka bërë thirrje mësimdhënësve që të punojnë me përgjegjësinë më të lartë .

“Ne jemi për një sistem shkollor me disiplinë dhe cilësi në mësime. Nuk do të pajtohemi asnjëherë me ata që paraqesin pengesa dhe që nuk i zbatojnë ligjet dhe rregulloret në fuqi”,ka thënë Vehapi,transmeton RahovecPress.

“Ne jemi për zbatim rigoroz të normave ligjore dhe jemi të interesuar që në shkollat tona të ngrihet niveli i mësimdhënies dhe mësimnxënies”./PrizrenPress.com/