Kreu i LDK-së, Lumir Abdixhiku, ka zyrtarizuar kalimin e deputetes së Kuvendit të Kosovës, Drita Millakut nga Lëvizja Vetëvendosje në Lidhjen Demokratike të Kosovës.

Abdixhiku ka shkruar se kalimi i Millakut nga VV në LDK është tregues i qartë se vizioni dhe programi i LDK-së është i duhuri.

Postimi i plotë:

Drita Millaku, mirë se vjen!

Deputetja e Kuvendit të Kosovës, Drita Millaku, nga sot është pjesë e Lidhjes Demokratike të Kosovës. Ajo i bashkohet familjes sonë politike në rrugëtimin e përbashkët që na pret përpara. Ky vendim i saj për të qenë pjesë e radhëve tona është jo vetëm një dëshmi e përkushtimit të saj politik, por gjithashtu një tregues i qartë se vizioni dhe programin i LDK-së për Republikën, është i duhuri sot.

Si një figurë e respektuar në Prizren dhe një deputete e mandatuar për dy herë, ajo na vjen si aset i rëndësishëm partiak, dhe si kuadër për programin tonë politik dhe të ardhmen e vendit tonë. Me Dritën kemi diskutuar gjatë për vizionin tonë të përbashkët për Republikën; për arsimin në veçanti, për programin tonë politik dhe të ardhmen e vendit tonë. Drita ka një pasion për librin, por edhe për të krijuar mundësi për të rinjtë dhe gratë në Kosovë. Ajo e kupton rëndësinë e bashkëpunimit dhe e sheh ndërtimin e një rrugëtimi të përbashkët si një mënyrë për të realizuar ndryshime të qëndrueshme, ato që sot LDK po i ofron. Besimi i saj në potencialin e Kosovës, së bashku me përkushtimin e saj për arsim janë motive që e bëjnë Dritën tejet të rëndësishme në këtë proces.

Drita Millaku shkollimin fillor dhe të mesëm e kreu në Prizren. Fakultetin Filologjik, Dega: “Gjuhë dhe Letërsi Shqipe” e kreu në Universitetin e Prishtinës ku edhe mori titullin, “Magjistër e Shkencave Filologjike”. Për një dekadë rresht punoi në bibliotekën e qytetit të Prizrenit. Në vitin 2013 ajo është zgjedhur asambleiste në Kuvendin Komunal të Prizrenit. Në vitin 2017, 2021, fitoi mandatin e deputetes si  grua më e votuar në Prizren.

Drita Millaku është e martuar me Fisnik Millakun dhe ka dy djem Longarin dhe Lumin.

Marketing

Përjetoni pushime të paharruar dhe dasma magjike në Hotel “Albes Residence”

‘Kabashi Truck’ shet kamiona të punës

https://prizrenpress.com/eli-edona-mobilieria-me-oferta-me-te-mira-ne-prizren/

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Komuna e Prizrenit  sot nisi punimet për rrënimin e objektit të ndërmarrjes “Liria”, që gjendet në lagjen “Bazhdarhane”, prapa “Shtëpisë së Bardhë”. Si pasojë e këtyre punimeve, disa rrugë të qytetit do të bllokohen ose do të kenë ndryshime të qarkullimit.

“Filluan sot punimet për rrënimin e objektit të shpronësuar nga Komuna, ish objektit të ndërmarrjes “Liria”, që gjendet pas Shtëpisë së Bardhë në Prizren (Bazhdarhane) dhe janë duke u zhvilluar me intensitet të lartë”, njofton KK.

“Ekipet e rrënimit janë duke e kryer procesin me kujdes të shtuar, duke u përqendruar në sigurinë e zonës përreth”.

“Ky projekt është pjesë e planeve të vazhdueshme për përmirësimin e infrastrukturës në qytet me prioritet funksionalizimin e rrugës Adem Jashari dhe lehtësimin e qarkullimit të përgjithshëm në trafik”.

Komuna e Prizrenit njofton se Rruga “Adem Jashari” drejt Bazhdarhanes do të mbyllet për qarkullim. “Alternativa për këtë rrugë do të jetë ‘Nuredin Shala’ (Edit Durham), ndërsa kahja e lëvizjes përreth Shtëpisë së Bardhë do të ndryshohet,” bëhet e ditur në komunikatën zyrtare, përcjell PrizrenPress.

Gjithashtu, rruga që lidh Bazhdarhanen me qendrën e qytetit, nga rrethrrotullimi për në qytet, do të jetë e bllokuar. Si zëvendësim, do të përdoren rrugët “Ahmet Prishtina” dhe “Qazim Berisha”. Rruga “Brahim Osmanaj” do të jetë e hapur vetëm për banorët, por me hyrje dhe dalje të kufizuar.

Kërkesë për bashkëpunim nga qytetarët

Komuna ka bërë thirrje për lirimin e parkingjeve në disa rrugë të rëndësishme për të lehtësuar qarkullimin. “Banorët duhet të lirojnë parkingjet në rrugët ‘Nuredin Shala’ (Edit Durham), ‘Rexhep Kabashi’, dhe ‘Xhevë Lladrovci’ për të siguruar qarkullim të lirë të automjeteve,” thuhet në njoftim.

Automjetet e parkuara në mënyrë të parregullt do të largohen me merimangë, ndërsa shpenzimet do të mbulohen nga pronarët e tyre. Komuna kërkon mirëkuptim dhe bashkëpunim nga qytetarët gjatë periudhës së punimeve./PrizrenPress.com/

Përjetoni pushime të paharruar dhe dasma magjike në Hotel “Albes Residence”

‘Kabashi Truck’ shet kamiona të punës

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve