Elita Totaj, vajza 12-vjeçare e familjes Totaj, po përballet me Sindromën Hemolitike Uremike (HUS), një sëmundje e rëndë që ka dëmtuar rëndë veshkat e saj. Për të shpëtuar jetën e Elitës, mjekët kanë rekomanduar një trajtim të specializuar në Turqi, i cili përfshin katër doza të një ilaçi, secila me një kosto prej 16,720 euro. Në total, për ilaçet janë të nevojshme 66,880 euro, ndërsa shpenzimet për qëndrimin dhe kujdesin spitalor rritin shumën e përgjithshme në 106,880 euro.

Familja ka arritur të mbulojë një pjesë të shpenzimeve fillestare falë ndihmës së të afërmve dhe miqve, por mbetet ende një shumë e madhe për t’u mbledhur për të siguruar vazhdimin e trajtimit dhe qëndrimin në spital.

“Çdo ndihmë që mund të ofroni është jetike për të shpëtuar jetën e Elitës. Çdo kontribut, sado i vogël, është një hap më afër për t’i dhënë asaj një shans për shëndet dhe një të ardhme të lumtur,” tha babai i saj, Fitim Totaj, në një thirrje për ndihmë, përcjell PrizrenPress.

Për të kontribuar dhe ndihmuar Elitën, ju lutemi të dërgoni ndihmën tuaj në llogarinë bankare më poshtë:

Fitim Totaj
IBAN: XK051910005448021148
Banka: BKT (Banka Kombëtare Tregtare)
Swift Code: NCBAXKPR

Babai i saj ka bërë të ditur se mjekët janë optimistë për shërimin e Elitës, por theksojnë se kjo varet nga marrja e trajtimit të duhur në kohë. Çdo ndihmë është jetike për të siguruar që ajo të ketë një të ardhme të shëndetshme. Familja shpreh mirënjohje të thellë për çdo mbështetje në këtë kohë të vështirë./PrizrenPress.com/

Përjetoni pushime të paharruar dhe dasma magjike në Hotel “Albes Residence”

‘Kabashi Truck’ shet kamiona të punës

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Në fshatin Piranë, u përurua sot memoriali kushtuar komandantit të shquar të UÇK-së, Xhavit Elshani, i njohur me nofkën “Leopard”. Ceremonia, e organizuar nga Drejtoria Komunale për Kulturë, Rini e Sport në Prizren, mblodhi shumë pjesëmarrës për të nderuar kontributin e tij në luftën për liri.

Kryetari i Prizrenit, Shaqir Totaj, theksoi rëndësinë e sakrificës së heronjve. “Shteti ynë dhe liria që kemi sot janë rezultat i sakrificës dhe kontributit të veprimtarëve siç ishte Xhavit Elshani,” tha ai.

Adem Morina, Drejtori i Kulturës, Rinisë dhe Sportit, e përshkroi këtë ngjarje si një ditë të veçantë për fshatin Piranë dhe gjithë Anadrininë. “Sot nderojmë jetën dhe veprën e komandant Leopardit, një figurë të shquar të historisë sonë,” u shpreh ai.

Tasim Bajrami, përfaqësues i shoqatës së veteranëve të luftës në Piranë dhe bashkëluftëtar i Elshanit, vlerësoi kontributin e tij të jashtëzakonshëm. “Falë veprimtarisë së tij të lavdishme, Xhavit Elshani radhitet ndër figurat më të ndritshme të kombit tonë,” tha Bajrami.

Po ashtu, Bejtullah Bejtullahu, përfaqësues i UÇPMB-së, theksoi rëndësinë e Xhavit Elshanit në çlirimin e Kosovës. “Ai ishte ndër kontribuesit më të rëndësishëm në çlirimin e Kosovës dhe në luftën për çlirimin e tokave shqiptare,” shprehu Bejtullahu.

Në fund të ceremonisë, Leutrim Elshani, djali i ish-komandantit, falënderoi të pranishmit për mbështetje dhe nderim. “Liria që gëzojmë sot është falë sakrificës së babait tim dhe gjithë popullit të Kosovës,” tha ai.

Xhavit Elshani ishte një veteran i UÇK-së, i cili gjatë luftës në Kosovë mori plagë në beteja të lavdishme dhe ndërroi jetë në vitin 2021, pas një sëmundjeje të shkurtër, në moshën 53 vjeçare. Ai gjithashtu kishte qenë një futbollist i shquar në shumë klube të rajonit të Prizrenit, duke lënë një trashëgimi të vyer në të dyja fushat./Tv Prizreni/PP/

Përjetoni pushime të paharruar dhe dasma magjike në Hotel “Albes Residence”

‘Kabashi Truck’ shet kamiona të punës

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve