Zëvendëskryeministri i Kosovës, Hajredin Kuçi, ka thënë se për shkak të zgjedhjeve parlamentare në Kosovë dhe në Serbi do të bjerë ritmi i dialogut në Bruksel.

“Besoj se dialogu do të vazhdojë si dialog, që të mos thuhet se është ndërprerë, por dinamika e këtij procesi do të jetë më e ngadalshme, takimet më të rralla dhe marrëveshjet, me siguri, edhe më të rralla”, ka thënë Kuçi në një intervistë për “Epokën e re”, në të cilën ka folur edhe për zgjedhjet parlamentare që do të mbahen këtë vit.

Ai beson se PDK-ja prapë do të dalë forca e parë politike në vend.

Garës për deputetë të ardhshëm të Kuvendit të Kosovës do t’i hyjnë ish-kryetarët e komunave, të cilët kanë humbur besimin e elektoratit në zgjedhjet e fundit lokale.

Sipas burimeve të gazetës “Zëri” luftë e ashpër tashmë po zhvillohet për përfshirje në listat e subjekteve politike për zgjedhjet parlamentare 2014.

Në listën e LDK-së për deputetë përsëri do të gjendet emri i ish-kandidatit për kryetar të Prizrenit, Eqrem Kryeziu.

Ndërsa, sipas të gjitha gjasave në listën e partisë më të madhe në vend (PDK) për deputetë pritet të jenë ish-kryetari i Gjilanit, Qemajl Mustafa, ish-kreu i Mitrovicës, Avni Kastrati dhe ish-kryetari i Lipjanit, Shukri Buja.

Udhëheqësit e dy partive më të mëdha nuk po mund ta presin fushatën zgjedhore për të kërkuar vota. Ata kanë nisur qysh tani të lobojnë në forma të ndryshme për të siguruar vota.

Lideri i PDK-së Hashim Thaçi dhe ai i LDK-së Isa Mustafa, formalisht kanë kërkuar që me reformë zgjedhore fushata të reduktohet në vetëm 15 ditë, por joformalisht ata tashmë e kanë nisur fushatën e parakohshme për zgjedhjet e parakohshme që mbahen sivjet.

I pari, Thaçi, fushatën e ka filluar me vendime të rëndësishme në Qeveri që prekin në kuletat e rreth 80 mijë punonjësve institucionalë, të cilëve nga prilli do t’ua rrisë pagat për 20%. Krahas këtij vendimi, ai ka proceduar në Kuvend dhe po kërkon miratim të shpejtë të Ligjit për veteranët e UÇK-së. Edhe ky vendim pritet të ketë ndikim te mijëra veteranë të UÇK-së. Vendime të tjera me ndikim buxhetor pritet të ketë edhe në javët në vazhdim,shkruan Tribuna.

Por, pavarësisht vendimeve me rëndësi, Thaçi po i përdor të gjitha format e mundshme për të qenë sa më pranë qytetarëve. Ai së fundmi ka lansuar edhe formën e re të komunikimit përmes facebookut ku po përpiqet të bëjë edhe ‘chat’ me votuesit e tij potencialë

Ukë Rugova ka provuar të vazhdojë kotrabandimin edhe në qelinë e paraburgimit
Ukë Rugova nuk heq dorë nga kontrabanda. Ka provuar që edhe në burgun e Lipjanit të kryejë vepër të tillë. Por është zënë nga gardianët në tentativë për të futur një telefon në qelinë e paraburgimit – shkruan Koha Ditore.

Pesë ditë pas arrestimit nga policia e EULEX-it, nën dyshimin se drejton një grup kriminal që merrej me kontrabandë me emigrantë, deputeti i Kuvendit të Kosovës dyshohet se ka provuar të fusë një telefon të mençur në paraburgim.

Telefoni në burgje është ndaluar, me rregullat e brendshme. Kualifikohet si vepër penale e kontrabandës me mallra.

Gjetja e telefonit në dhomën e Ukë Rugovës është përdorur si argument shtesë në Gjykatën e Apelit që të dyshuaritër kontrabandë me emigrantë, krim të organizuar, falsifikim e vepra të tjera, të mos ia heqë masën e paraburgimit. Masë e vetme e domosdoshme për të është konsideruar paraburgimi.

“Nga informacioni dhënë në prokurori nga policia, autoritetet e Shërbimit Korrektues në qendrën e paraburgimit në Lipjan, më 10 shkurt 2014, zbuluan një telefon celular, i cili ishte paracaktuar të kontrrabandohej në qelinë e burgut të Ukë Rugovës”, ka thënë prokurori special Allen Cansick.

Të gjitha partitë politike në vend përfshi pozitë e opozitë, janë dakorduar për lista të hapura, por që lideri i subjektit të jetë njëheresh edhe bartës i listës, përkatsisht që të gjitha votat që merr një parti politike, i shkojnë drejtpërdrejt liderit të atij subjekti, pavarsisht u votua apo jo. Pos Vetëvendosjes, e cila ende nuk ka marrë vendim, transmeton RTK.

Arben Gashi nga LDK thotë se kjo çështje nuk është diskutuar gjatë takimit Thaçi Mustafa, mirëpo sipas tij është vullnet i shumicës së subjekteve që bartësit të listës t`i takojnë votat e subjektit.

E më këtë zgjidhje pajtohet edhe antari i komisionit nga radhët e PDK-es Behar Selimi. Sipas tij legjitimiteti I bartësit të listës është fituar në zgjedhjet brenda subjektit politik.

Ndërkaq që Ardian Gjini nga AAK vlerson se nuk paraqet asnjë problem që bartësi i Listës t`i ketë votat e subjektit, meqë siq tha ai, të gjithë ata që nuk përkrahin bartësin e Listës nuk e votojnë Listën e atij Subjekti. Sipas tij kur bëhët fjalë për ruajtjen e votës, është e një rëndësie të veçnatë numrimi i vatave të kandidatëve në Qendren e Numrimit të Rezultateve.

Vetëvendosje ende pa qëndrim të prerë. Sipas Albulena Haxhiut shqetësuese mbetet fakti që pak është bërë në ndryshimet që kanë të bëjnë me ruajtjen e votes, përderisa mospastrimin e listave e velerson si problemin me serioz për mbarëvajtjen e zgjedhjeve parlamentare.