Deputetë nga partitë politike në vend kanë shtruar opinionet e tyre në lidhje me zgjedhjet e ardhshme parlamentare. Arsim Bajrami thotë se s’duhet ngutur për zgjedhje të jashtëzakonshme, por Ismet Beqiri, Visar Ymeri e Burim Ramadani mezi i presin.Ambasadori i Britanisë së Madhe në Kosovë, Ian Cliff, duke folur për reformën zgjedhore para zgjedhjeve parlamentare në vend, ka komentuar thashethemin që njerëzit çdo ditë japin nga një datë për zgjedhjet e ardhshme. Tanimë sipas tij, Kosova është ‘de facto’ në mes të fushatës zgjedhore.

Për të pasur zgjedhje të lira, duhet të ketë qëllime të mira, përsëriti Ambasadori tha se duhet reformim i mirëfilltë i sistemit zgjedhor.

“Bashkësia ndërkombëtare ka thënë se duhet të bëni reformimin e sistemit zgjedhor para zgjedhjeve të përgjithshme mirëpo pas tri vitesh tani është shumë vonë, prandaj, mendoj se është shumë më mirë që tani ta harrojmë reformën zgjedhore, të mbajmë zgjedhje të mira me këtë vendosmëri”.

Deputeti i PDK’së, Arsim Bajrami thotë se nuk është me rëndësi se a do të mbahen zgjedhjet parlamentare dhe vrapi pas zgjedhjeve të jashtëzakonshme mund të sjellë një situatë kur zgjedhjet mund të improvizohen.

“Është e rëndësishme që ne të përgatitemi mirë që këto zgjedhje të jenë të mira, të mos ketë improvizime dhe të mos ketë alibi pastaj për të arsyetuar shkeljet eventuale”.

“Çështja e reformës zgjedhore si duket mbetet më tepër një dëshirë se sa një realitet, sepse ne kemi pa dy vjet të humbura rreth reformës zgjedhore dhe këto kanë qenë vitet e blerjes së kohës apo të menaxhimit edhe të opinionit publik sepse nuk ka pasur asnjëherë vullnet për reformë substanciale zgjedhore”.

Shefi i Grupit Parlamentar i LDK’së, Ismet Beqiri, ka thënë në këtë mbledhje se ligji nuk është fajtor i parregullsive ose rregullsive të zgjedhjeve. Parashtroi problemin për kohëzgjatjen e fushatës, të tepërt, sipas tij,transmeton lajmi.net

“Zgjedhjet lokale të vitit 2013 dëshmuan se jo gjithherë, por ndoshta shumë rrallë ligji është fajtor nëse mund të thuhet për rregullshmërinë ose parregullshmërinë e zgjedhjeve edhe në vendin tonë edhe kudo qoftë”.

“Unë mendoj që duhet seriozisht ta shohim kohëzgjatjen e fushatës zgjedhore. Nuk mendoj që 30 ditë është e nevojshme të kemi fushatë. Gjithë ne si subjekte politike duhet ta kemi gatishmërinë që zgjedhjet kurdo që ndodhin të ketë ofertë, program konkret të cilin mund t’u shpalosim qytetarëve më shkurt. Ka më pak shpenzime dhe besa s’i lodhim qytetarët”.

Në anën tjetër, shefi i grupit parlamentar i Vetëvendosjes, Visar Ymeri kujtoi se reforma zgjedhore ka nisur me komision ad-hoc me përfaqësues të subjekteve politike por shumë shpejtë është reduktuar në një numër të liderëve politik të takimeve herë të hapura, herë të mbyllura.

Kjo, sipas tij po e deformon idenë e diskutimit publik për reformë.

“Pra, nëse duhet reformë zgjedhore, nëse duhet të ndryshohet sistemi zgjedhor, atëherë domosdosmërisht duhet të insistojmë në mekanizma që e përfshijnë qytetarin”.

“Të thuhet që është e domosdoshme që të reformohet substancialisht sistemi zgjedhor në Kosovë dhe në anën tjetër të pranohet se megjithatë nuk është faji i sistemit por faji është i personave që po e shkelin sistemin, atëherë mendoj që këto dyja nuk qëndrojnë”.

“Nëse s’është problemi tek sistemi atëherë ta zhvillojmë gjyqësorin në mënyrë që të merret me individët që po i shkelin”.

Ndërsa deputeti i AAK’së, Burim Ramadani, beson se zgjedhjet parlamentare do të ngjajnë shumë shpejt, për shkak të, siç e quan ‘paralizimit’ të Kuvendit të Kosovës.

Përgatitja e votuesve duke i informuar ata lidhje me procesin e votimit është e nevojshme, thotë ai.

“Duhet menjëherë të vendosim një kalendar kohor për zgjedhje. Nuk kemi reformë zgjedhore, duhet të vazhdojmë. Nuk kemi edhe 3 vjet të tjera të presim për reformën zgjedhore, zgjedhjet po vijnë. Kjo ka qenë edhe esenca që i kemi dërguar letër presidentes këto ditë”.

“Bindja ime është që zgjedhjet do të jenë sa më shpejtë që të jetë e mundur. Dhe, duket se nuk ka zgjidhje tjetër, për shkak të paralizimit të Kuvendit, mos ta flasim për institucione tjera”.

“Duhet të fillohet fushatë informuese e vetëdijesuese edhe për mundësitë e ndërrimit të vendeve të vendvotimit por mbi të gjitha për mënyrën e votimit”, tha Ramadani.

Deputetë të Kuvendit të Kosovës i kërkojnë ish-ministres së Tregtisë dhe Industrisë, Mimoza Kusari – Lila, që të përgjigjet për shkatërrimin dhe ndotjen e ajrit që është bërë nga nafta që dyshohet të jetë kancerogjene, trasnmeton KTV.
Deputeti i PDK-së, Nait Hasani, ka thënë se ish-ministrja duhet të përgjigjet për këtë çështje që, sipas tij, pikërisht për këtë, tashmë e ka të deponuar edhe një padi në gjykatë.

Këto shqetësime i ngriti edhe deputetja e AAK-së, Donika Kadaj – Bujupi, e cila tha se vazhdon të jetë e shqetësuar me deklaratat kontradiktore për çështjen e naftës që po shfrytëzohet për ngrohje të shkollave në Prishtinë.

Kryetari i Komunës së Malishevës,Ragip Begaj, ka pritur sot kryetarin e Komunës së Mamushës,Arif Bütüç.
Ata në këtë takim kanë diskutuar për mundësinë e bashkëpunimit mes dy komunave, në të gjitha fushat dhe shkëmbimi i përvojave mes drejtorive komunale, si në administratë, bujqësi, kulturë dhe fusha tjera.

“Bashkëpunimi mes dy komunave, është i mirëseardhur, sidomos me një komunë, siç është Mamusha, e cila është një shembull i mirë i funksionimit të komunës, pavarësisht që është njëra prej komunave më të reja”, tha Begaj.

Ndërkaq, kryetari i Mamushës, Arif Bütüç, tha se “dëshiron të ketë bashkëpunim mes dy komunave, mes drejtorive, për t’i shkëmbyer përvojat e mira, në gjitha fushat e qeverisjes komunale”.

Ai shprehi gatishmërinë e tij, për ndërmjetësuar në shkëmbimin e përvojave edhe me komunat e Turqisë.

Bütüç ftoi Komunën e Malishevës, që të marr pjesë në festivalin tradicional të domates, që mbahet në Mamushë.

“Jam krenar që jam kosovar. Kosova është një shtet kur të gjithë kanë të drejta të barabarta dhe këtë e them gjithmonë edhe në asociacionin botëror të komunave që flasin gjuhën turke. Ndihem mirë dhe krenar edhe me kontributin e Turqisë, në vazhdimësi që ka dhënë për Kosovën”, tha Bütüç.

“Mamusha gjatë luftës së UÇK-së, ka strehuar 45 mijë refugjatë dhe dhurata më e mirë për këtë kontribut të Mamushës, është dhënia e statutit të komunës, por ne punojnë për shtetin e Kosovës, për Kosovën Evropiane dhe ndihemi krenar për këtë”.

“Neve na ndanë vetëm gjuha, të gjitha të tjerat i kemi të përbashkëta dhe ne nuk dallohemi nga shumica shqiptare, pasi i kemi të gjitha të drejtat e barabarta, duke filluar nga shkollimi, lëvizja e lirë, dokumentacioni dhe të tjerat, që neve nuk na dallon nga të tjerët”, tha Bütüç. /PrizrenPress.com/

Ruzhdi Berisha, avokat mbrojtës i kryetarit të Prizrenit, Ramadan Muja ka thënë  në seancën e sotme se ka ofruar kundëragumente të cilat sipas tij dëshmojnë pafajësinë e klinetit të tij.

“Kemi ofruar kundërargumente të cilat dëshmojnë se klienti im, Ramadan Muja nuk është fajtor”, ka thënë Berisha.
Gjykimi ndaj kryetarit të Prizrenit, Ramadan Muja dhe pesë drejtorëve të tij, do të vazhdojë edhe nesër në të cilën fjalën përfundimtare do të jap avokati mbrojtës i Avni Ademajt, Rexhep Hasani.

Muja edhe sot në gjykatë 

Në Gjykatën Themelore në Prizren, do të vazhdojë edhe sot gjykimi ndaj kryetarit të Prizrenit, Ramadan Mujës dhe pesë drejtorëve të tij.

Në këtë seancë është paraparë që fjalën përfundimtare të lexojë avokati i Mujës , Ruxhdi Berisha.

Prokurorja e EULEX-it, Natasha Vikeri, në fjalimin e saj përfundimtar ka kërkuar dënimin me burg prej 3 deri 8 vjet, për kryetarin Ramadan Muja dhe pesë drejtorët e tij. Sipas saj, të dyshuarit kanë keqpërdorë detyrën zyrtare.

Vikeri, akuzon kryetarin e Komunës së Prizrenit, Ramadan Muja, Sadik Paçarizin – drejtor i Urbanizmit dhe Planifikimit Hapësinor, Avni Ademajn – ish-u.d. së drejtorit të Gjeodezisë dhe Kadastrës, Kadri Ukimerin – ish-drejtor i Gjeodezisë dhe Kadastrës, Abdullah Tejecin – drejtor aktual i Gjeodezisë dhe Kadastrës dhe Minir Krasniqin – drejtor i Administratës, për kryerjen e veprave penale gjatë ushtrimit të detyrës zyrtare./PrizrenPress.com/

Deputetët e Lidhjes Demokratike të Kosovës dhe të Lëvizjes Vetëvendosje kanë deklaruar se deri më tani nuk kanë marrë ftesa nga Aleanca për Ardhmërinë e Kosovës për të nënshkruar mocionin e mosbesimit për ta rrëzuar Qeverinë e Kosovës.
Deputeti i LDK-së, Arben Gashi tha për Telegrafin se deri më tani nuk kanë marrë ndonjë ftesë për të nënshkruar mocionin e mosbesimit për ta rrëzuar Qeverinë e Kosovës.

Edhe shefi i Grupit parlamentar të VV-së, Visar Ymeri në një prononcim për Telegrafin theksoi se “deri më tani nuk kemi asgjë zyrtare, s’kemi kurrfarë ftese për të nënshkruar mocionin, krejt ajo çka kemi dëgjuar është nëpërmjet medieve”.

Më herët mediet kanë raportuar se AAK-ja ka nisur të mbledhë nënshkrimet e deputetëve për mocion mosbesimi për Qeverinë e Kosovës.

AAK mbledh nënshkrime për rrëzimin e Qeverisë Thaçi?

Aleanca për Ardhmërinë e Kosovës ka nisur të mbledhë nënshkrimet e deputetëve për mocion mosbesimi për Qeverinë e Kosovës, raporton KTV.

Këtë iniciativë të AAK-së e ka konfirmuar deputetja e kësaj partie, Donika Kada–Bujupi.

Ditë më parë deputeti i kësaj partie Ardian Gjini pati thënë se opozita nuk mund t’i bëjë 61 vota për ta rrëzuar Qeverinë

Aleanca për Ardhmërinë e Kosovës ka nisur iniciativën për ngritjen e një mocioni mosbesimi për rrëzimin e Qeverisë së Kosovës.

Donika Kadaj Bujupi tha se kanë nisur konsulta edhe me partitë e tjera opozitare për të harmonizuar qëndrimin për rrëzimin e Qeverisë së Kosovës.

Ajo tha se ende nuk kanë filluar marrjen e nënshkrimeve pasi janë në biseda me partitë tjera opozitare para se ta ngrisin mocionin e mosbesimit.