Një i vdekur e tre të plagosur është bilanci i një aksidenti, që ndodhi sot, në minutat e para pas mesnatës, në rrugën rajonale Gjakovë-Klinë, në fshatin Gremik.

Sipas njoftimit të policisë, rreth orës 00:25 (pas mesnate), në fshatin Gremik të Klinës vetura VW Golf II me regjistrim vendor, drejtuar nga T. (Alush) K. (1967) nga fshati Sverkë e Klinës, humb kontrollin dhe duke u rrokullisur del nga rruga. Në veturë ishin edhe Sh. K. (1974, femër, po nga Sverka e Klinës), H.B. (1951, femër, nga fshati Ponorc-Malishevë) dhe N. B. (1986, mashkull, nga fshati Ponorc – Malishevë).

“Sipas hetimeve në vendngjarje, mësohet se aksidenti kishte ndodhur kur drejtuesi i veturës derisa po qarkullonte me automjetin e tij nga Klina në drejtim të Gjakovës, kur arrin përball pompës se derivateve MONI, për një moment e humb kontrollin mbi automjetin e tij, rrokullisit dhe dal nga rruga në të djathtë të saj. Për pasojë nga lëndimet e marra në këtë aksident ne vendin e ngjarjes ka vdekur bashkëudhëtarja Sh. K. (1974, femër). Vdekjen e saj e ka konfirmuar mjeku kujdestar në Spitalin Rajonal të Pejës me të arritur atje viktima. Ndërsa dy pasangjerët e tjerë dhe drejtuesi i veturës kanë pësuar lëndime trupore, por janë jashtë rrezikut për jetën. Ata ndodhen ne Spitalin e Pejës për trajtim mjekësor”, thuhet në njoftimin e policisë.

Trupi i pajetë i viktimës u është lejuar familjarëve për ceremoni varrimi.

Njësitet e Trafikut Rajonal e kanë përfunduar shikimin e vendit të ngjarjes. Rasti do t’u procedohet institucioneve gjyqësore.

Një marrëveshje ndërmjet Ministrisë së Punëve të Brendshme dhe EULEX-it për shkëmbimin e informatave të inteligjencës, pritet të zvogëlojë krimin e organizuar në Kosovë.

Krimi i organizuar është një dukuri shqetësuese dhe mjaft prezente në Republikën e Kosovës, e cila më tepër është i shprehur në trafikimin e narkotikëve, në kontrabandën me migrantë, në trafikimin me qënie njerëzore, krime ekonomike dhe korrupsion. Ndersa, Divizioni Kundër Krimit të Organizuar në kuadër të Policisë së Kosovës, bazuar në misionin dhe mandatin e vet po ndërmerr veprime operative-hetimore për parandalimin dhe luftimin e këtyre formave të krimit të organizuar, bëjnë të ditur burimet nga zyra për informim i Ministrise së Punëve të Brendshme të Kosovës. Sipas kësaj zyre: “Rezultatet e luftimit të këtyre llojeve të krimeve në vitet e fundit kanë shënuar rritje falë organizimit dhe centralizimit të njësive policore, me hyrjen në fuqi të Kodit të ri Penal dhe Kodit të Procedurës Penale, si dhe të organizimit dhe strukturimit të prokurorive. Ndërsa, veprimet operativo-hetimore të policisë janë në përputhje me obligimet që dalin nga strategjia nacionale për luftimin e krimit të organizuar, strategjia nacionale për luftimin e drogave dhe strategjia nacionale për luftimin e trafikimit me qënie njerëzore”, transmeton DW.

Krimi i organizuar lulëzon atje ku nuk sundon ligji

Partnerët institucionalë në Kosovë kanë një vullnet të fortë për të luftuar krimin e organizuar, ndërsa është detyrë e EULEX-it për t´i këshilluar dhe mbështetur ato në këtë luftë, thotë për DW-në Anne Blanksma, shef i zyrës për informim të EULEX-it, sipas të cilit, “krimet e rënda dhe krimi i organizuar lulëzon aty ku sundimi i fortë i ligjit nuk është i zhvilluar ende. Dhe kështu, përpjekjet tona së bashku me partnerët kosovarë janë të fokusuara në themelimin e institucioneve të forta të sundimit të ligjit të cilat janë të afta për të parë kërcënimin që vjen nga krimi i organizuar”.

Me qëllim të parandalimit, zbulimit dhe zvogëlimit të kriminalitetit në Kosovë, ditë më parë, Ministria e Punëve të Brendshme e Kosovës dhe EULEX-i kanë arritur një marrëveshje teknike për shkëmbimin e informatave të inteligjencës. Një marrëveshje kjo e cila përcakton modalitetet për shkëmbimin e sigurtë dhe sistematik të informacionit si dhe një demonstrim i besimit që kemi ndërtuar me partnerët tanë”, thote Blanksma, sipas të cilit, “sistemi i mirë i menaxhimit të informacionit është bazë e inteligjencës policore, e cila është e nevojshme për të luftuar krimet e rënda dhe krimin e organizuar”.

Shkëmbim informatash inteligjente edhe për krimet e luftës

Në javët e fundit u bënë arrestime të disa serbëve për dhunime gjatë luftës dhe për krim të organizuar në veri. Nëse këto arrestime janë rezultat i kësaj marrëveshjeje, EULEX-i nuk deshi t´i komentojë. Nga MPB thonë se këto arrestime nuk janë rezultat i saj, por se:“Marrëveshja me EULEX-in do të mundësojë shkëmbim të sigurtë, të besueshëm dhe efikas të informatave në mes të Policisë së Kosovës dhe EULEX-it në lidhje me krimet e luftës, hetimi i të cilave është përgjegjësi e departamentit ekzekutiv të EULEX-it për hetimin e krimeve. Gjithashtu do të shkëmbehet çfarëdo informate që ka të bëjë me hetime të përbashkëta të rasteve në mes të Policisë së Kosovës dhe asaj të EULEX-it”.

Në përgjithësi, marrëveshja teknike ndërmjet Ministrisë së Punëve të Brendshme dhe EULEX-it për shkëmbimin e informatave të inteligjencës pritet t´i kontribuojë parandalimit, zbulimit dhe zvogëlimit të kriminalitetit në Kosovë, duke lehtësuar shkëmbimin e informatave ndërmjet Policise së Kosovës dhe Policisë së EULEX-it dhe reduktimin e krimit të organizuar brënda Rëpublikës së Kosovës.

Lidhja Demokratike e Kosovës (LDK) në  Dragash, ka uruar sot të gjithë besimtarët mysliman për  festën e Fitër Bajramit.

“Kaluam kështu një muaj të bekuar, një muaj të sprovës, një muaj të solidaritetit, një muaj të dëshmisë së besimit në Zotin e Madhërishëm dhe tash erdhëm në festën që shënon kulmimin e veprave dhe qëllimeve të mira, në festën e Fitër Bajramit. Lusim All-llahun që të na pranojë agjërimin dhe ibadetet tona që i kemi bërë gjatë muajit të shenjtë të Ramazanit, lusim All-llahun që të sjellë mirësi dhe begati nëpër familjet tona si dhe të shtojë dashurinë ndaj nesh, lusim All-llahun që të gëzohen të varfëritë, të gëzohen fëmijët, të gëzohen zemrat e të gjithë myslimanëve anë e kënd botës. Lusim Zotin që të plotësojë dëshirat e njerëzve për udhëheqje konform interesave njerëzore, dhe njëkohësisht tek udhëheqësit të mbjellë sa më shumë devotshmëri për t`u zhdukur veset e këqia që shëmtojnë imazhin e qeverisjes. Gëzofshi gjithmonë në paqe dhe lumturi. Urojmë që në festat tjera të kemi sofrat plot dhe në zemra të kemi gëzim e hare”, thuhet në urimin e LDK-së në Dragash./PrizrenPress.com/

Kryesia e Bashkësisë Islame të Kosovës njofton opinionin e gjerë se muaji i madhëruar i Ramazanit përfundon sot. Dita e parë e festës së Fitër Bajramit është të nesër.

Manifestimi qendror i festës së FitërBajramit për Kosovë mbahet në Xhaminë Xhaminë e Madhe, në Prishtinë. Manifestimi fillon në orën 5:00, me faljen e namazit të sabahut, pastaj do të ketë ligjërata tematike kushtuar kësaj feste nga effendi Ajni Sinani.

Namazi i Fitër Bajramit falet në orën 6:12 minuta, nën udhëheqjen e dr. Hajredin Hoxhës, ndërsa hytben e Fitër Bajramit do ta mbajë Myftiu i Kosovës, Naim Tërnava.

Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë , duke e lutur Zotin që t’ua ketë pranuar agjërimin, lutjet dhe ibadetet.

Kryeministri i Republikës së Kosovës, Hashim Thaçi, shtroi iftar   për nder të bashkësisë islame te Prizrenit, transmeton Orainfo.

Në iftar ishin të pranishëm kryeimami i Prizrenit Ali Vezaj, përfaqësues të Bashkësisë Islame të Prizrenit, kryetari i komunës së Prizrenit, Ramadan Muja, deputetë të rajonit të Prizrenit dhe të ftuar të tjerë, por jo edhe mediat.

Kryeministri Thaçi përgëzoi përfaqësuesit fetarë të Prizrenit për punën e mirë që bëjnë dhe i uroi për agjërimin gjatë muajit të Ramazanit.