23.8 C
Prizren
E premte, 19 Korrik, 2024

VV: Dhuna e policisë ndaj studentëve është e papranueshme dhe e patolerueshme

VV-logo9-09Përdorimi i shfrenuar i dhunës nga Policia e Kosovës kundër studentëve protestues, e në mbrojtje të falsifikatorëve dhe uzurpatorëve të Universitetit të Prishtinës, është i patolerueshëm dhe i papranueshëm.

Është ky vlerësimi i Lëvizjes Vetëvendosje, subjekt politik i cili e dënon këtë dhunë, që, sipas tyre, qëllim kryesor e ka heshtjen dhe lëndimin e studentëve protestues që kanë ngritur zërin dhe janë organizuar në mbrojtje të Universitetit, hapësirës publike dhe rregullave akademike, e kundër falsifikatorëve e mashtruesve që e kanë uzurpuar dhe korruptuar Universitetin dhe procesin mësimor brenda tij.

“Gjatë ditës së sotme të protestës policia ka arrestuar një numër të madh të protestuesve, madje ende pa filluar protesta. Këtë ditë policia, e urdhëruar nga pushteti, përdori metoda të kulluara totalitare duke i kryer arrestimet e protestuesve përmes policëve civilë, të cilët pa kurrfarë paralajmërimi e as provokimi i arrestonin qytetarët e Kosovës në rrugë. Këto janë kidnapime e jo arrestime sipas procedurave policore. Po ashtu gjatë zhvillimit të protestës policia ka përdorur edhe gazin lotsjellës duke e hedhur atë drejtpërdrejt në trupat e njerëzve dhe godinat përreth, me ç’rast e kanë paralizuar lëvizjen e të gjithë qytetarëve dhe banorëve përreth ndërtesës së Rektoratit”, thuhet në reagimin e Vetëvendosjes.

Vetëvendosje vlerëson se studentët kanë të drejtë, pasi që, sipas tyre, Universiteti është i tyre, “ndërkohë që është uzurpuar nga mashtrues e matrapaz të mbështetur nga Qeveria e Kosovës, të cilët po ia shkatërrojnë Kosovës Universitetin dhe po ia ndalojnë studentit hyrjen në të”.

“Tash e dy ditë pushteti përmes deputetëve të tij e ka paralizuar edhe Kuvendin e Republikës së Kosovës duke e vendosur veten si mburojë e gjallë rreth shkeljeve, mashtrimeve, falsifikimeve e korrupsionit në Universitet të trupëzuara në menaxhmentin aktual të udhëhequr nga Ibrahim Gashi, dhe në Këshillin Drejtues të UP “Hasan Prishtina”. Universiteti është uzurpuar – është tjetërsuar nga dija, nga shkenca, dhe tash përmes policisë edhe nga studenti”, vlerëson Vetëvendosje.

Lëvizja Vetëvendosje, në fund ka kërkuar dorëheqjen e menjëhershme të Rektorit dhe të anëtarëve të Këshillit Drejtues.

“Ne po ashtu kërkojmë tërheqjen e menjëhershme të policisë nga hapësira publike e Universitetit. Këta shkaktarë dhe bartës të dhunës së sotme, dhe veçanërisht urdhërdhënësit e tyre, duhet të japin përgjegjësi për rrahjen e protestuesve si dhe për shkaktimin e rrezikut të përgjithshëm. Po ashtu kërkojmë lirimin e menjëhershëm të protestuesve të arrestuar, që po mbahen padrejtësisht në burg”./PrizrenPress.com/

Më Shumë

Moti sot , temperaturat deri në 37 gradë Celsius

Moti sot parashihet të jetë me diell dhe vranësira të shpërndara, të cilat më prezente do të jenë në orët e mesditës. Temperaturat minimale parashihen...

Aksident trafiku në Gjinoc të Suharekës, lëndohet një person

Një aksident trafiku ka ndodhur ditën e  diel në Gjinoc të Suharekës. Si pasojë e këtij aksidenti një person ka pësuar lëndime të lehta. Rastin për...

Lajmet e Fundit