22.8 C
Prizren
E enjte, 18 Korrik, 2024

Publikohet romani i vetem i Charlie Chaplin

CharlieChaplin-romani1Një roman i Charlie Chaplin, i vetmi që ai ka shkruar gjatë gjithë karrierës së tij, është gjetur në arkivat e Kinematekës së Bolonjës, që e ka botuar atë me rastin e 100-vjetorit të lindjes së personazhit me emrin Charlot.

“Footlights”, që do të prezantohet sot në mbrëmje në Londër, është shkruar nga regjisori dhe aktori britanik në vitin 1948, katër vjet përpara suksesit të pjesës “Dritat e skenës”, skenari i të cilës është frymëzuar nga libri.

“I mbetur i pabotuar për 60 vjet, i ruajtur në fondin Chaplin, ai botohet për herë të parë, në anglisht, në edicionet e Kinematekës së Bolonjës, me miratimin e familjes”, shpreh kënaqësinë institucioni italian në një komunikatë të publikuar në faqen e tij të internetit.

Charles Spencer Chaplin ka lindur në Londër në vitin 1889 në një familje të varfër. Kur ishte adoleshent, ai filloi të luante në spektakle muzikore të tipit music-hall, në lagjen Soho dhe më tej u bë aktor.

Në vitin 1914, përpara 100 vjetësh, në filmin me metrazh të shkurtër dhe pa zë “Për të fituar bukën e gojës”, filmi i tij i parë në kinema, ai krijoi për herë të parë personazhin Charlot, që do ta bëjë të famshëm në mbarë botën.

“Footlights”, i vetmi libër i shkruar nga Chaplin, tregon historinë e një valltareje dhe të një kllouni, që pa dyshim e ka marrë shtysën nga “takimi i shkurtër por vendimtar i Çaplinit me koreografin rus Nizhinski në vitin 1916″, tregon regjisori David Robinson në biografinë e tij.

CharlieChaplin-romaniAi të emocionon me forcën, ekuilibrin narrativ, lirinë dhe me një shkrim të ngjashëm me atë të Dikensit, sidomos në përshkrime dhe analizën e karaktereve, shton Kinemateka.

Libri ilustrohet me dokumente dhe fotografi të papublikuara më parë që vijnë nga fondi Chaplin, si dhe me ikonografi të rralla të Londrës së viteve ’20, në kohën e rinisë së Çaplinit dhe të formimit të tij si aktor.

Më Shumë

Ministria ndalon qarkullimin e automjeteve me peshë më të madhe se 7.5T, shkak temperaturat

Ministria e Infrastrukturës, Mjedisit dhe Planifikimit Hapësinor ka bërë të ditur se ka marrë masa idhur me qarkullimin e automjeteve në vend për shkak...

Këto janë komunat me numrin më të madh të banorëve në Kosovë: Prizreni i dyti

Agjencia e Statistikave të Kosovës ka bërë publike të dhënat e popullsisë nëpër komuna. Kosova del se ka 1 milion e 586 mijë banorë. Komuna e...

Lajmet e Fundit