Kryetari i PDK-së në Prizren,Minir Krasniqi ka uron të gjithë qytetarët e Komunës së Prizrenit, me rastin e festës së Krishtlindjeve

“Sot, në këto ditë feste, kur në gjithë botën po kremtohet festa, urojmë që në këtë ditë të gëzuar të mbretërojë, paqja e Krishtlindjeve edhe tek shqiptarët e besimit katolik, në Kosovë dhe më gjerë”.

“Partia Demokratike e Kosovës, dëshiron që festa e Krishtlindjeve, sikurse dhe festat tjera, të na shërbejnë, si shembull i fitimit të plotë të lumturisë dhe të begatoj paqë të përhershme dhe harmoni mes nesh”.

“Dega e Partisë Demokratike të Kosovës në Prizren uron që kjo festë të na shtojë solidaritetin dhe dashurinë mes veti për të përcjell tutje përpjekjet tona qytetare e njerëzore drejtë sukseseve dhe të ardhmes së ndritshme të shtetit tonë”/PrizrenPress.com/

Kryetari i Komunës së Prizrenit, Ramadan Muja, ka uruar Kancelarin e Ipeshkvisë së Kosovës, shkëlqesinë e tij, Don Shan Zefi dhe të gjithë qytetaret e besimit katolik me rastin e festës së Krishtlindjës.

“Kjo festë bashkë me të mirat që bartë brenda vetës, le të na shërbejë në forcimin e dashurisë për njeri-tjetrin dhe kultivimin e tolerancës, si vlerë e demokracisë për ne dhe brezat qe do të vijnë”.

“Komuna e Prizrenit do të vazhdojë të jetë e angazhuar thellësisht për ngritjen e mirëqenies së qytetarëve dhe të ardhmen e ndritur për të gjithë ne.Lindja e Krishtit, uroj qe të sjellë, shëndet, të mira dhe lumturi në familjet tona”./PrizrenPress.com/

Kryetari i Malishevës, Ragip Begaj bashkë me 31 anëtarët e rinj të Kuvendit të Komunës , solemnisht ka dhënë betimin , dyke marrë zyrtarisht edhe detyrat për të qeverisur këtë komunë. Mbledhja e parë solemne, është udhëhequr nga anëtari më i vjetër i KK-së, Aziz Thaçi.Në këtë ceremoni  të dhënies së betimit të kryetarit Begaj dhe anëtarëve të KK-së, morën pjesë, disa ish kryetar  të Komunës së Malishevës, përfaqësues të institucioneve shtetërore në Malishevë, deputeti i Kuvendit të Kosovës, Haxhi Shala dhe përfaqësues të organizatave të ndryshme vendore dhe ndërkombëtare, si  OSBE, KFOR-LMT, KDI, OJQ lokale, përfaqësues të Bashkësisë Islame në Malishevë, dhe qytetar të tjerë të Komunës së Malishevës.

“Ishte vullneti i juaj që ne sot të betohemi para juve. Betimi nuk është diçka e thjeshtë por është përgjegjësi e jona para Zotit dhe para qytetarëve të Malishevës, se do të punojmë drejtë dhe vetëm për interesin e qytetarëve të Malishevës”, tha Begaj.

“Unë dhe ju e morëm besimin nga ato familje që dhanë më të dashurit e tyre për lirin e këtij vendi, morëm besimin nga invalidë dhe veteranë  të UÇK-së, nga familjet që ende nuk dinë për fatin e të zhdukurve të tyre.Morëm besimin nga qytetarë me aftësi të kufizuara nga njerëz të moshës edhe 90 vjeçare, edhe nga familjet skamnore të cilat kanë kushte të vështira jete, nga intelektual e mësimdhënës  nga studentë e në përgjithësi nga kategori të ndryshme të qytetarëve të Malishevës”

“ Prioritet i yni do të jetë arsimi, infrastruktura shkollore do të përmirësohet,  si dhe synim i yni do të jetë edhe ndërtimi i shkollave të reja. Nuk do të mjaftojë  kjo por kërkoj nga ju dhe ata që kanë përvojë të gjatë në arsim që t’i kushtojmë vëmendje të veçantë përmirësimit të cilësisë në shkollat tona dhe luftimit  të të gjitha dukurive devijante që dëmtojnë shoqërinë tonë”.

“Shëndeti i qytetarëve të Malishevës është detyrë e jona primare.Obligim i yni është të kemi një angazhim maksimal në nivelin lokal në bashkëpunim me nivelin qendror në mbrojtjen e jetës së qytetarëve  nga ethet hemorragjike.Prandaj, ju lutëm më ndihmoni që me kohë, ne së bashku me ekipet e ndryshme dhe me qytetarë të marrim të gjitha masat  dhe të përpiqemi që të përmirësojmë kushtet dhe shërbimet në të gjitha njësit shëndetësore si me kuadro ashtu edhe me investime në përmirësimin e infrastrukturës shëndetësore”.

“Do të kemi kujdes të veçantë në zhvillimin e bujqësisë dhe degëve të saja, kërkoj ndihmën tuaj  që të ju ndihmohet të gjithë atyre që punojnë në krijimin e të mirave materiale vendore, të mbështeten ata fermer,  perimtar, pemëtar  me kapacitet dhe mundësit që ka komuna e Malishevës,  por në mënyrë të drejtë dhe të mos lihet mundësia e përfitimit e atyre që shpeshherë kanë përfituar pa të drejtë, për këto lëmi do të kërkohen edhe donacione nga niveli qendror por edhe nga donator të jashtëm”.

“Përfundimi i infrastrukturës rrugore në disa lagje të fshatrave të komunës sonë do të ketë kujdes të veçantë si dhe projektet e përbashkëta për lidhjen me komunat fqinje si me Drenasin Klinën dhe Therandën, ku këto lidhje  mund të bëhen vetëm në  bashkëfinancim me nivelin qendror…”/PrizrenPress.com/

Kryeministri i Kosovës, Hashim Thaçi, ka deklaruar se gjithmonë ka qenë përkrah bashkëluftëtarëve të tij, dhe këtë gjë po e bën sipas tij, edhe sot në betejat jo të drejta gjyqësore, në të cilat po ballafaqohen Sylejman Selimi, Sami Lushtaku dhe së fundi edhe Jakup Krasniqi.

Ai ka theksuar se kryetari i Kuvendit të Kosovës, Jakup Krasniqi, u sfidua nga një intervistim përndjekës, bazuar si duket në thashetheme.

“Lufta jonë ka qenë e drejtë dhe çlirimtare. Asnjë proces gjyqësor me argumente gjysmake nuk mund ta ndryshojë historinë. Duke qenë në anën e së drejtës dhe principeve, kemi qenë dhe do të dalim fitimtarë”, ka shkruar Hashim Thaçi, në rrjetin social Facebook.

Ish-kryetari i Lidhjes Demokratike të Kosovës (LDK) dhe një ndër themeluesit e LDK-së, Fatmir Sejdiu, flet për 24-vjetorin e themelimit të kësaj partie dhe për ecurinë e saj për këto vite në skenën politike.

Në këtë intervistë për “Epokën e re” Sejdiu kujton ditën e themelimit të LDK-së. Ai ka thënë se ideja dhe synimi i nisur 24 vjet më parë kanë dhënë frytin e vet, kanë krijuar shtetin e Kosovës, të njohur ndërkombëtarisht. “LDK-ja u bë një lëvizje që i dha vizion, frymë dhe dinjitet rezistencës, për ta krijuar jo vetëm platformën e brendshme të kësaj rezistence, por edhe hapjen e një marrëdhënieje të re, konstante, me bashkësinë ndërkombëtare, me SHBA-të dhe me vendet e BE-së dhe vendet e tjera demokratike nga e gjithë bota”, ka thënë Sejdiu. Ai ka thënë se LDK-ja kishte përgjegjësinë kryesore për t’i organizuar shqiptarët për lirinë dhe pavarësinë e Kosovës.

Sejdiu në këtë 24-vjetor të LDK-së kujton liderin e saj historik, Ibrahim Rugovën dhe filozofinë e tij politike. “Politika e LDK-së është filozofi që është krijuar nga shumë intelektualë dhe veprimtarë në Kosovë dhe në botë, nga Evropa e ShBA-ja, po dihet se presidenti Rugova ishte lider i saj. Mbetet gjithnjë në pikën më të ndritshme të saj”, është shprehur Sejdiu.
Sejdiu ka dhënë kritika sa i përket ruajtjes së filozofisë së Rugovës. “Duhet thënë se ka shpërdorime me personalitetin dhe veprën e presidentit Rugova. Komplekset dhe dobësitë nga ato politike, profesionale dhe morale, jo rrallë duke u thirrur në filozofinë e Rugovës, ka të vonuar që tashti duan t’i shërojnë edhe ata që për të gjallë të tij e fyenin dhe e minonin gjithë sa kishin mundësi. Për filozofinë e Rugovës flasin plot njerëz, por nuk po flasin ata që e krijuan bashkë me të. Duket ajo që thashë më lart, po ndikon që ata që duhet të shkruajnë e flasin, presin të shterojnë puset e cekëta të politikës dhe mendimit për këtë filozofi”, ka thënë Sejdiu.

Ish-lideri i LDK-së, Fatmir Sejdiu, ka folur edhe për të ardhmen e kësaj partie. Ai ka thënë se LDK-ja ka mbetur e pareformuar. “Në projektin tim ishin punët në fazën finale, të krijohej programi politik i LDK-së me ndihmën e ekspertëve të partive popullore, për një periudhë afatgjatë, duke e bërë LDK-në parti të qendrës së djathtë në kuptimin e plotë të fjalës. Ata ishin përfshirë plotësisht dhe ekspertët e PP-së me ekspertët e LDK-së kishin filluar punën. Pas largimit tim nuk kam dëgjuar të jetë bërë ndonjë gjë në këtë drejtim”, ka thënë Sejdiu.

Ai ka treguar se LDK-ja ka probleme që duhet t’i hapë brenda organeve të saj. “Të fillojë një diskutim të gjerë, çfarë do të bëjë në të ardhmen. Rasti i humbjes së Prishtinës, ku LDK-ja gjithnjë ishte e fuqishme dhe pa dilemë forca kryesore që jepte kryetarin e saj, tregon se janë këputur shumë hallka thelbësore të frymës reale politike të LDK-së. Klientelizmi dhe tendenca për të krijuar probleme aty ku nuk ka dhe për t’i fshehur problemet ku ekzistojnë mund të jenë me pasoja serioze në zgjedhjet e ardhshme parlamentare. Unë shoh se spektri politik i Kosovës po ndryshon dhe do të ketë sfida të mëdha për partitë që u projektuan si pronare të pushteteve afatgjata. Ka ngërç dhe mbyllje që duhet kapërcyer dhe shoh gatishmëri të madhe të anëtarësisë që të bëjë këtë”, ka thënë Sejdiu.

Kryenegociatorja e Kosovës Edita Tahiri, tha për RTK-në se Asociacioni i komunave me shumicë serbe, nuk do të ketë mandat ekzekutiv por funksion të njejtë si Asociacioni ekzistues.

Tahiri tha se draft-statuti i Asociacionit është hartuar nga Minsitria e Pushtetit Lokal të Kosovës, pas refuzimit që këtë ta bëjë grupi menaxhues.

Zyrtarët e Aeroportit Ndërkombëtar të Prishtinës “Adem Jashari”, kanë njoftuar se sot (e hënë) anuluar janë, dy fluturime për shkak të mjegullës.

Zëdhënësja e Aeroportit Ndërkombëtar të Prishtinës “Adem Jashari“, Valentina Gara ka treguar për Telegrafin se sot janë paraparë të realizohet 25 fluturime.

“Sot janë paraparë 25 fluturime. Ndërsa dy anulime janë të konfirmuara deri rreth orës 9 e 30”, tha zëdhënësja Valentina Gara.