Kryetari i Komunës së Prizrenit, Ramadan Muja kah mesi i këtij muaj  do të vazhdojë betejën  me Gjykatën Themelore të Prizrenit.Sipas programit të paralajmëruar  nga kryetari i trupit gjykues,Vladimir Mikula, shqyrtimi gjyqësor  në rastin”Muja dhe të tjerët”,  duhet të vazhdojë  me 13 dhjetor ,derisa seancat tjera  priten të mbahen  më 16.17, dhe 19 dhjetor,transmeton Koha Ditore.

“Supozoj se me seancat në këto data  mund ta cojmë ka fundi  shqyrtimin gjyqësor”, pat thënë Mikula.

“Sa më shpejt që ta kryejmë është në dobi të të gjithëve palëve”.

Avokati mbrojtës  i Ramadan Mujës, Ruzhdi Berisha  pati shprehur pati shprehur bindjen  se procesi n po i ofrohet fundi, porse nuk dihet se kur do të përmbyllet. /PrizrenPress.com/

Nënkryetari i Degës së LDK-së në Malishevë, Fetah Rudi  për herë të parë pasluftës nuk ka arritur ti fitojë votat për Asamblenë Komunale.  Ai akuzon bashkëpartiakët për vjedhje votash, transmeton  KD.

“Është e vërtet  që për herë të parë pasluftës  sivjet kam mbetur jashtë Asamblesë Komunale, dhe deri të kjo ka ardhur për shkak të vjedhjeve të votave brends LDK-së”.

(E plotësuar) Ka përfunduar seanca fillestare gjyqësore kundër ‘Grupit të Drenicës’ të cilët akuzohen për krime lufte gjatë vitit 1998 në Likovc.

Të pandehurve në seancën e sotme u është lexuar aktakuza me të cilat ngarkohen 15 të ish pjesëtarët e Ushtrisë Çlirimtare të Kosovës.

Të gjithë të pandehurit, janë deklaruar të pafajshëm për akuzat me të cilat ngarkohen nga Prekuroria e EULEX-it.

Avokati i Sami Lushtakut, Arianit Koci ka kërkuar nga trupi gjykues që klienti i tij të lirohet për disa orë që ta bëj betimin para asamblesë komunale të Skenderajt, pasi është rikonfirmuar kryetar i kësaj komune në zgjedhjet e fundit lokale të mbajtura me 3 nëntor.

Kryetari i trupit gjykues Dariusz Sielicki ka thënë se për çështje do të marrë vendim në ditët e ardhshme.

Seanca fillestare e radhës vazhdon pas një muaji pas paraqitjes së provave nga pala mbrojtëse./KP/

Nis gjykimi ndaj “Grupit të Drenicës”

Derisa po vazhdon seanca e parë gjyqësore kundër “Grupit të Drenicës”, shumë bashkëluftëtarë të ish-komandantëve të UÇK-së dhe qytetarë të komunave të Skenderajt dhe Drenasit, po qëndrojnë para objektit të Kinemasë ABC 1, ku po zhvillohet seanca gjyqësore.
Qytetarët e këtyre komunave janë të bindur në pafajësinë e “Grupit të Drenicës”.

Sot, në orën 10:00, ka filluar seanca e parë gjyqësore ndaj “Grupit të Drenicës”. Shumë qytetarë janë mbledhur para objektit të Kinemasë ABC 1, ku është duke u mbajtur seanca gjyqësore.
Tomë Gashi, avokat i ish-komandantit të Shtabit të Përgjithshëm, Sylejman Selimi, ka thënë për “Kosovapress” se mbrojta edhe këtë herë do ta kërkojë lirimin nga paraburgimi të “Grupit të Drenicës”. Ai është shprehur i bindur se klienti i tij së bashku me të tjerët do të lirohen nga akuzat dhe do të shpallen të pafajshëm. “Ne mbrojtja të premten e kemi rastin që përsëri të kërkojmë nga kryetari i trupit gjykues që Sylejman Selimin dhe të tjerët t’i lirojë nga paraburgimi. Seanca e së premtes do të jetë përgatitja për një gjykim eventual të ardhshëm nga i cili jam i bindur se zotëri Sylejman Selimi, besoj edhe të tjerët, do të lirohen nga këto akuza të pabaza, të paargumentuara dhe të ngritura me inskenime vetëm për të diskredituar një pjesë të elitës të komandantëve dhe ushtarëve të UÇK-së që mbajtën mbi supet e tyre barrën e rëndë të luftimit të ushtrisë, policisë dhe paramilitarëve okupues serbë deri në çlirimin e Kosovës”, ka thënë Gashi.

Sot nis gjykimi për ”Grupin e Drenicës”

Sot do të mbahet seanca e parë e gjykimit të “Grupit të Drenicës”, në të cilën janë të përfshirë Sylejman Selimi, Sami Lushtaku dhe 13 ish- pjesëtarë të Ushtrisë Çlirimtare të Kosovës, të akuzuar nga prokurori i EULEX-it, Maurizio Salustro, për veprën penale krime lufte.

Tomë Gashi, avokat i Sylejman Selimit, ka konfirmuar për KosovaPress se sot do të nisë gjykimi për Sami Lushtakun, Sylejman Selimin, Sahit Jasharin, Avni Zabelin, Isni Thaçin, Jahir Demakun, Zeqir Demakun, Agim Demajn, Bashkim Demajn, Selman Demaj e Driton Demaj, Fadil Demakun, Nexhat Demaku, Sabit Gecin e Ismet Haxhën.

Gashi ka shprehur bindjen se Selimi dhe të tjerët do të lirohen nga akuzat, të cilat i ka quajtur të pabaza, të paargumentuara.

“Ne mbrojtja nesër e kemi rastin që përsëri nesër të kërkojmë nga kryetari i trupit gjykues që Sylejman Selimin dhe të tjerët t’i lirojë nga paraburgimi. Seanca e nesërme do të jetë përgatitja për një gjykim eventual të ardhshëm nga i cili jam i bindur se zotëri Sylejman Selimi, por besoj edhe të tjerët do të lirohen nga këto akuza të pa baza, të paargumentuara, dhe të ngritura me inskenime vetëm për të diskredituar nji pjesë të elitës të komandantëve dhe ushtarëve të UÇK-së që mbajtën mbi supet e tyre barrën e rend të luftimit të ushtrisë, policisë dhe paramilitarëve okupues serb, deri në çlirimin e Kosovës”, ka thënë Gashi për KosovaPress.

EULEX-i është duke hetuar Sylejman Selimin, dhe Sami Lushtakun kryetarin e Skenderajt si dhe pesë të dyshuar tjerë, të njohur si Grupi i Drenicës, për krime lufte ndaj civilëve, të mbajtur në një qendër paraburgimi të UÇK-së në komunën e Skenderajt, ndërsa tash për të njëjtin rast po ngarkohen edhe tetë persona tjerë. Sipas prokurorisë, të burgosurit civilë ishin abuzuar në këtë qendër, në qershor të vitit 1998.

Asociacioni-Bashkësia e Komunave Serbe të Kosovës nuk do të operojë vetëm në komunat serbe. Mekanizmi që Prishtina e sheh si OJQ por Beogradi si institucion përfaqësues i serbëve të Kosovës do ta ketë selinë në veri të Mitrovicës.

Bashkësia do të ketë nga një zyrë edhe në Bruksel e Prishtinë. Zyra e Qeverisë së Serbisë për Kosovën do të shndërrohet në përfaqësie e bashkësisë së komunave serbe në Beograd.

Këto janë elementet e para që delegacionet nga Kosova dhe Serbia të udhëhequra nga kryeministrat Hashim Thaçi e Ivica Daçiq i kanë diskutuar të enjten në një takim prej tre orësh,shkruan Tribuna

Palët megjithatë, janë larg marrëveshjes për statutin dhe kompetencat e plota që do të ketë asociacioni. Qeveria e Kosovës pretendon se ky mekanizëm nuk duhet të ketë asgjë më shumë sesa organizatë joqeveritare derisa Beogradi kërkon kompetenca ekzekutive.