Lidhja Demokratike e Kosovës(LDK) në Prizren ka komentuar  rezultatet e zgjedhjeve të 1 dhjetorit.

Nënkryetari i LDK-së, Haziz Hodaj tha se ky subjekt politk është angazhuar maksimalisht që të fitojë në këto zgjedhje.

“ Rezultati është ky që është publikuar. LDK-ja është angazhuar maksimalisht për të fituar, mirëpo partia në pushtet i ka përdorur të gjitha metodat dhe mundësit edhe të Komunës së Prizrenit për të arritur deri të ky rezultat”, ka thënë Hodaj për TV Besa.

Sipas tij, PDK-ja në Prizren, në këto zgjedhje ka marrë mbështetje edhe nga Qeveria e Kosovës./PrizrenPress.com/

KQZ-ja ka publikuar emrat e kandidatëve që kanë arrit të hyjnë në Asamblenë Komunale në Prizren.  Kjo asamble komunale do t’i ketë 41 anëtarë. PDK-ja i ka fituar 10 mandate asambleistësh, LDK 9, BD 4, AAK 3, VV 3, KDTP 2, NDS 2, VAKAT 2, PK 1, KTAP 1, AKR 1, CDU 1, NQP 1, PD.

Ja emrat e asambleistëve të Kuvendit Komunal të Prizrenit:

PDK
– Nijazi Kryeziu
– Alush Shala
– Shukri Quni
– Masar Shala
– Kastriot Krasniqi
– Shaip Buduri
– Kujtim Gashi
– Luljeta Veselaj
– Sehare Maliqi
– Farije Bytyqi

LDK
– Mybera Mustafa
– Xhavit Uka
– Eshref Memaj
– Haziz Hodaj
– Salajdin Panaj
– Qemal Krasniqi
– Latif Dakaj
– Kimete Hoxhaj
– Nexhmije Memaj

BD
– Osman Hajdari
– Shani Berisha
– Ganimete Hoxha
– Lirije Bytytqi

VV
– Artan Abrashi
– Drita Millaku
– Arbër Rexhaj

AAK-LDD
– Fatmir Kastrati
– Bujar Nerjovaj
– Ajshe Shala

Vakat
– Memnuna Ajdini
– Musa Salihi

NDS
– Oruc Karadolami
– Ermina Jonuzi

KDTP
– Levent Busi
– Sevil Kazazi

PK
– Munir Basha

CDU
– Merdzan Osmani

PD
– Azzam Dida

Nisma Qytetare për Prizrenin
– Fadil Kryeziu

AKR
– Naser Bresa

KTAP
– Cemil Luma

Linku i i emrave te kandidatve për Asamble Komunale

http://www.kqz-ks.org/Uploads/Documents/6%20-%20Final%20Candidates%20Seats%20-%20NEW_tidondnbfg.pdf

Lutfi Haziri, Imri Ahmeti dhe Sali Asllanaj pas fitores që kanë shënuar në zgjedhjet lokale do të heqin dorë nga pozita e deputetit të Kuvendit të Kosovës. Ulëset e tyre në Kuvendin e Kosovës pritet t’i zënë Agim Ademaj, Hatim Baxhaku dhe Xhavit Uka, shkruan Epoka e re.

Duke iu referuar rezultateve të KQZ-së për zgjedhjet parlamentare 2010, Agim Ademaj, kishte fituar 7 mijë e 53 vota, Hatim Baxhaku – 6 mijë e 887 vota dhe Xhavit Uka – 6 mijë e 472 vota.

Sipas nenit 25 pika 3 të Rregullores së Kuvendit të Kosovës, vendet e liruara të deputetëve, në çfarëdo rasti që përcaktohen me këtë rregull, plotësohen në përputhje me nenin 70.4 të Kushtetutës së Republikës së Kosovës dhe me nenin 112 të Ligjit për zgjedhjet e përgjithshme i cili thotë: “Pasi një ulëse të mbetet e zbrazët, kryetari i Kuvendit i bën kërkesë me shkrim presidentit për mbushjen e ulëses së zbrazët. Një kërkesë e tillë duhet ta përfshijë edhe sqarimin se pse u lirua kjo ulëse. Pas pranimit të kërkesës, sipas paragrafit 3 të këtij neni, nëse sqarimi i dhënë është i mjaftueshëm, presidenti duhet të kërkojë nga KQZ-ja ta rekomandojë emrin e personit për ta mbushur vendin e lirë. KQZ-ja duhet që në afatin prej pesë (5) ditëve të punës nga momenti i marrjes së kërkesës, t’ia ofrojë presidentit emrin radhës së personit të ligjshëm sipas paragrafit 2 të këtij neni”.

Demokracia në Veprim vlerëson se procesi zgjedhor në raundin e dytë për kryetar komunash ka realizuar në masë të madhe standardet demokratike dhe si i tillë ka garantuar zgjedhje të lira, të drejta dhe të barabarta, me përjashtim të disa parregullsive që vazhdojnë të përcjellin në vazhdimësi procesin zgjedhor në Kosovë.

Në një deklaratë preliminare lidhur me procesin zgjedhor për raundin e dytë të zgjedhjeve lokale për kryetar komunash thuhet se të drejtën për të hedhur votën e tyre në kutitë e votimit e kanë shfrytëzuar 548,909 votues apo 40.02% në 594 Qendra të Votimit apo 1816 vendvotime, në të gjitha komunat ku është organizuar raundi i dytë i zgjedhjeve.

Nga aspekti i menaxhimit dhe organizimit teknik, KQZ ka siguruar që materiali i domosdoshëm zgjedhor të jetë i pranishëm në të gjitha vendvotimet në kohën e duhur, si dhe ka reaguar me shpejtësi në të gjitha ato raste kur është raportuar për ndonjë mungesë eventuale të materialeve të tilla.

Përkundër vlerësimit pozitiv të procesit në përgjithësi, DnV vlerëson se edhe në këto zgjedhje janë evidentuar parregullsi që vazhdojnë të përcjellin në vazhdimësi procesin zgjedhor në Kosovë, si rastet e fenomenit të “votës së korruptuar” ku dyshohet se votuesit kanë bërë fotografimin e votës; edhe më tutje shqetësim mbeten pasaktësitë në listat e votuesve.

Po ashtu janë raportuar disa raste të prezencës së personave të pa-autorizuar afër qendrave të votimit dhe në disa raste edhe brenda vetë qendrave të votimit.

Vëzhguesit e DnV-së po ashtu kanë raportuar disa raste të tentimit nga qytetarë të papërgjegjshëm për të votuar dy herë, apo tentime për të votuar me dokumente false. Rastet e tilla më së shpeshti janë raportuar në Mitrovicën e Veriut.

Ndërkaq, votimi familjar edhe më tutje mbetet shkelja më e shpeshtë në proceset zgjedhore në Kosovë.

“DnV kërkon nga KQZ që në përputhje me kompetencat ligjore dhe kushtetuese të mos vonojë procesin e numërimit dhe certifikimit të rezultateve përfundimtare, në mënyrë që të mos vonohet konstituimi i institucioneve lokale në implementimin e mandatit dhe obligimin që ato kanë ndaj qytetarëve të Kosovës”, thuhet në deklaratë.

Kryetari i Partisë Demokratike (DS) në Serbi, Dragan Gjillas, duke vlerësuar përfundimin e zgjedhjeve komunale në Kosovë, tha se mesazhet nga Qeveria e Serbisë në ato zgjedhje ishin të këqija, meqë ata që s’do të votonin për Iniciativën Qytetare ‘Srbska’ u cilësua se do të votonin për Hashim Thaçin dhe se punojnë për shqiptarët, duke shkaktuar kështu ndarje në komunitet. Siç transmeton FoNet “Sërish po përçahemi, kujt i ndihmon kjo”, ka pyetur ai gjatë një konference me gazetarët.

Gjillas tha se DS mbështet Marrëveshjen e Brukselit, sado që nuk është ideale, por çdo një tjetër do të ishte më e keqe për Serbinë.

“Me Marrëveshjen e Brukselit shteti i Serbisë nuk ka kurrfarë ingerencash në Kosovë dhe ky është një realitet”, citohet të ketë deklaruar Gjillas.

Kryetari i Bashkimit Demokratik në Prizren, Zafir Berisha tha se zhvillimet politike që ndodhën gjatë dy muajve të fundit në Prizren janë një leksion politik për ne dhe qytetarët e Komunës sonë me ç’rast më 1 dhjetor kulmoi, me dështimin e demokracisë në përpjekje për ndryshime siç ndodhi në shumë qytete të Kosovës, ku triumfoi demokracia dhe vendosmëria për ndryshime diku më pak e diku më shumë.

“Prizreni e humbi mundësinë për ndryshime si rezultat i dhunës që ndodhi mbi qytetarët dhe votën demokratike ku me ndihmën e njësive para politike të cilët në vazhdimësi kanë dëmtuar rëndë imazhin e qytetit të Prizrenit dhe me ndihmën “e madhe” të minoriteteve u dëmtua rëndë qyteti i Prizrenit i cili ka qenë frymëzues në reflektimet e tij gjatë historisë me ç’rast më 1 dhjetor “Fitoi” i pandehuri për krim dhe korrupsion si dhe për shkelje ligjore Ramadan Muja, ku u dha një mesazh shumë i dëmshëm edhe para faktorit ndërkombëtar të cilët ishin të interesuar që të triumfoi demokracia edhe në Prizren sikur në shumë qytete tjera”, tha Berisha.

“Për Bashkimin Demokratik dhe votuesit tanë më 1 dhjetorë fitoi krimi dhe korrupsioni dhe mbeturinat e regjimit kriminal të Serbisë të cilat janë fshehur nën ombrellën e PDK-së dhe të koordinuar me stilin e tyre, Prizrenit ja dhanë një hije të keqe për të cilën qytetarët dhe simpatizantët e BD-së bashkë me strukturat duhet të jenë të vendosur në angazhimin tonë për liri dhe demokraci në qytetin e Prizrenit”.

Berisha i falenderon të gjithë qytetarët për mbështetjen që i kanë dhënë dhe i premtonë se përcaktimi i tij për një jetë më të mirë në Prizren dhe Kosovë do të jetë objektivi kryesorë.

“Ne i falënderojmë të gjithë qytetarët për mbështetjen që na kanë dhënë dhe i premtojmë se përcaktimi ynë për një jetë më të mirë në Prizren dhe Kosovë do të jetë objektivi kryesorë dhe për këtë kemi shumë besim se bashkërisht do të angazhohemi pavarësisht sfidave që do të na dalin përpara”, theksoi Berisha. /PrizrenPress.com/

Dega e LDK-së në Malishevë dhe kandidati për Kryetar Komune Salih Morina falenderon të gjithë qytetarët e Malishevës për daljen dinjitoze në zgjedhje dhe tregimin e një kulturë të lartë politike.

“Ne, falenderojmë të gjithë qytetarët e Malishevës për besimin e dhënë për LDK-në dhe kandidatin për Kryetar Komune Salih Morina me 1 dhjetor”, thuhet në komunikatën e kësaj partie.

“LDK, zotohet para votuesve të saj se do të vazhdojë të mbroj interesat e tyre në dobi të përmirësimit të kushteve për një jetë më të mire për të gjithë qytetarët e Malishevës”./PrizrenPress.com/