Paneli Zgjedhor për Ankesa dhe Parashtresa (PZAP), ka shqiptuar ndaj subjekteve politike gjithsej 179,615 euro gjobë, ku gjoba më e lartë ka qenë 5,550 euro. Mulë Desku, Kryesues i Sekretariatit të PZAP-it, ka konfirmuar për Kosovapress, se PZAP, deri më tani, për procesin zgjedhor të 3 nëntorit, i ka caktuar gjobat ndaj subjekteve politike, ku gjobën më të madhe e ka arritur PDK-ja me 90,300 euro, Aleanca për Ardhmërinë e Kosovës, renditet e dyta me 33,800 euro gjobë dhe Lidhja Demokratike e Kosovës që është e treta me 32,400 euro; ndërsa më e vogla ishte 250, me të cilën janë gjobitur disa subjekte politike.

Prej të gjitha gjobave që janë shqiptuar, vetëm Nisma Qytetare e Ferizajt- NQF, e ka paguar gjobën prej 250 euro, ndërsa Lëvizja Vetëvendosje nga 1,650 euro gjobë i ka paguar vetëm 800 euro.

Desku, i ka bërë me dije edhe gjobat e subjekteve të tjera politike.

Aleanca e Re e Kosovës – AKR, 11900 euro, Partia Demokratike e Ashkalive të Kosovës – PDAK, 250 euro, Alternative Demokratike e Kosovës – ADK, 800 euro, Bashkimi Demokratik-BD, 850 euro, Gradjanska Iniciativa Srpska – GIS, 2050 euro, G Naroodna Inisiativa – GIN , 400 euro, Iniciativa Qyterate për Malishevë – IQM, 250, Iniciativa Qytetare për Klinë – IQK, 250 euro, Narodna Demokratska Stranka, – NDS, 850 euro, Nisma Qytetare për Prizren – NQP, 250 euro, Partia e Drejtësisë- PD, 3115 euro si dhe KDTP, 250 euro.

Desku, ka treguar që në PZAP, deri më tani janë pranuar 37 apele dhe 235 ankesa, ku gjithsej janë 272 parashtresa që lidhen me procesin zgjedhor të 3 nëntorit 2013.

Sipas tij, natyra e ankesave të paraqitura nga subjektet politike i referohen nenit 33 të Ligjit për Zgjedhjet e Përgjithshme –LZP-së që lidhen me fushatën zyrtare zgjedhore, siç janë heqje, mbulim, dëmtim ose ndryshim i ndonjë njoftimi, pllakati, posteri ose materiali tjetër që përdoret gjatë fushatës zgjedhore, si dhe vendosja e njoftimeve pllakateve dhe posterave me emrat e kandidatëve apo të sloganeve të subjekteve politike gjatë fushatës zgjedhore brenda ose jashtë ndërtesave publike etj.

Ndryshe, PZAP, ka njoftuar se prej 37 apeleve janë miratuar 2 apele, jenë refuzuar 4, janë hedhur poshtë si të palejuara 29, është tërhequr 1 apel dhe është hedhur si i pas afatshem 1 apel.

Më tutje, ka shtuar se, prej 235 ankesave, janë miratuar 86 ankesa, janë refuzuar 69, janë hedhur si të pa lejuara 9, si të pa rregullta 7, është hedhur poshtë si e paafatshme 1 ankesë, janë dërguar për Këshillin e Pavarur të Mediave – KPM 2 ankesa si dhe janë tërhequr 61 ankesa.

Ndërsa, subjekti politik, i cili ka paraqitur më së shumti ankesa në PZAP, ishte Lëvizja Vetëvendosje, e cila ka dorëzuar 100 ankesa, e dyta është LDK-ja me 47 ankesa, PDK renditet e treta me 35 ankesa, Partia e Ashkalive për Integrim – PAI, 10 ankesa, AKR, 8 ankesa, Srpska Liberalna Stranka – SLS 7 ankesa, Komuna e Graçanicës, 6 ankesa, Zyrtari Lartë i Komisionit Komunal Zgjedhor – ZLKKZ , Istog , ka dorëzuar 5 ankesa, Bashkimi Demokratik – BD, 4 ankesa, Partia Demokratike e Ashkalive të Kosovës – PDAK, 3 ankesa, KTAP, 3 ankesa, Nisma Qytetare për Prizrenin – NQP, 2 ankesa, Vakat, 1 ankes, NDS, 1 ankes, IQD, 1 ankes, SKS, 1 ankes, SFINGA, kompani private, 1 ankes.

Ndryshe, Mulë Desku, ka thënë se numri i ankesave dhe gjobave të vitit 2013 është i përafërt me numrin e ankesave dhe gjobave të zgjedhjeve lokale të vitit 2009.

Lehtësuesja e dialogut Kosovë-Serbi, baronesha Catherine Ashton do t`i ftojë në Bruksel kryeministrin e Kosovës Hashim Thaçi dhe atë të Serbisë Ivica Daçiq menjëherë pas përfundimit të zgjedhjeve. Diplomatët evropianë presin që pas përsëritjes së zgjedhjeve në vendvotimet e Mitrovicës së Veriut, cikli zgjedhor të përmbyllet krejtësisht më 1 dhjetor kur do të mbahet gara e balotazhit.

Më 5 dhjetor, lehtësuesit evropianë planifikojnë që ta mbajnë takimin e parë mes kryeministrave, ku do të vlerësohet puna e ekipeve teknike në shpërbërjen e strukturave paralele dhe përgatitjet për formimin e bashkësisë së komunave serbe të Kosovës,shkruan Tribuna.

Kryeministrat do të përfundojnë takimin më 5 dhjetor, për t’u takuar sërish pas një jave më 13 të po të njëjtit muaj. Diplomatë ndërkombëtarë i kanë thënë gazetës në kushte anonimiteti se takimi i 13 dhjetorit duhet të jetë takimi kur të dy kryeministrat zyrtarizojnë fillimin e punës së asociacionit/bashkësisë së komunave serbe të Kosovës

Pasi e ka refuzuar ish shefin e tij, Zafir Berisha vazhdon të ndjehet komod me përqindjen e votave të fituara më 3 nëntor në Prizren.

Kryetari i Bashkimit Demokratik, i ka thënë “jo” ofertës së Hashim Thaçit që ai ta mbështesë kandidatin e PDK-së për kryetar të Prizrenit, Ramadan Mujën, në garën e balotazhit, më 1 dhjetor.

Nuk dihet nëse kjo “jo” e Berishës do të shndërrohet në “po” për Eqrem Kryeziun, kundërshtarin e Mujës më 1 dhjetor, shkruan Orainfo.

Pas një ditë të lodhshme, Berisha ka gjetur kohë edhe për pak argëtim. Dhe këtë argëtim ai e ka ndarë me miqtë e tij në Facebook. Por kënga që ka zgjedhur ai e ka edhe një domethënie tjetër, të cilën sigurisht e di më së miri “Uragani Zafë”. “Po përzihet Prizreni” është dëshira muzikore e Zafir Berishës.

http://youtu.be/qejIrYL8qgo

(I  freskuar) Zafir Berisha, Kryetar i Bashkimit Demokratik, i ka thënë “jo” ofertës së Hashim Thaçit që ai ta mbështesë kandidatin e PDK-së për Kryetar të Prizrenit, Ramadan Mujën, në garën e balotazhit, më 1 dhjetor.

Burime të Gazetës Express kanë thënë se Berisha ka mbajtur një takim sot gjatë ditës me Kryetarin e PDK-së, ku përfundimisht është kuptuar se dy subjektet nuk mund të bashkëpunojnë.

“Zafir Berisha i ka thënë qartë, në sy Hashim Thaçit se nuk do ta mbështesë Ramadan Mujën në balotazh”, ka thënë një zyrtar i PDK-së, i pranishëm në takimin Berisha-Thaçi.

Zafiri takohet me Thaçin, Limajn dhe Kryeziun

Kryetari i Bashkimit Demokratik, Zafir Berisha, është takuar sot pasdite me liderin e PDK-së, Hashim Thaçin dhe deputetin e Parlamentit të Kosovës, Fatmir Limajn. Ai në këto momente është duke biseduar edhe me kandidatin e LDK-së për kryetar të Prizrenit, Eqrem Kryeziun.

Zyrtari për Informim i BD-së, Leart Batusha konfirmoi të gjitha takimet që Zafir Berisha i ka realizuar gjatë ditës. ”Po është e vërtet se u taku me Thaçin. Ka pas takim edhe me Fatmir Limajn. Tash është duke biseduar me Eqrem Kryeziun. Besoj brenda dy ore do t’i poërfundoi të gjitha takimet e parapara”, tha Batusha për “PrizrenPress”.

Berisha në takimin me Thaçin dhe Kryeziun, ka biseduar rreth ofertave për koalicion. Batusha tha se pas përfundimit të takimeve sonte do të mblidhet Kryesia e BD-së për t’u përcaktuar se me cilën parti do të hyjnë në koalicion në balotazh të 1 dhjetorit. “Sonte e kemi mbledhjen e Kryesisë. Çdo gjë besoj se do të përcaktohet në këtë mbledhje”, tha Batusha./PrizrenPress.com/