Komiteti Këshillues për Mbrojtjen e Pakicave Kombëtare, pranë Këshillit të Evropës, ka publikuar opinionin e tretë për Kosovën, së bashku me komentet e paraqitura nga Misioni i Kombeve të Bashkuara në Kosovë – UNMIK.

Opinioni vë në pah se Kosova ka vazhduar të shënojë përparim në zbatimin e Konventës Kornizë për Mbrojtjen e Pakicave Kombëtare.

“Besimi dhe mirëkuptimi midis komuniteteve është zhvilluar në disa komuna, ku autoritetet kanë konsultuar nga afër përfaqësuesit e komuniteteve dhe kanë bërë përpjekje që në mënyrë efektive të zbatojnë politika relevante dhe korniza ligjore, që lidhen me sigurinë dhe promovimin e qasjes së barabartë në edukim dhe punësim”, thuhet në opinion, transmeton REL.

Megjithatë, ai thekson se kthimi vullnetar i të zhvendosurve ka rënë dhe se është i pamundur në disa zona për shkak të shqetësimeve për sigurinë.

Sipas opinionit, ekziston një trend negativ drejt nacionalizmit dhe krijimit të një shoqërie homogjene, sidomos në qendrat urbane dhe në mesin e të rinjve, me tolerancë të kufizuar për gjuhët, kulturat, traditat dhe identitetet pakicë.

Iniciativat e pakta ekzistuese për të krijuar platformë për interaksion dhe dialog midis komuniteteve nuk marrin mbështetje të vazhdueshme nga autoritetet, thuhet në opinion.

Po sipas tij, gjeneratat e reja nuk mësojnë dhe nuk përdorin të dyja gjuhët zyrtare, ndërsa përpjekjet për të zhvilluar një identitet të përbashkët civil, që bazohet në vlerësimin e diversitetit, janë të pamjaftueshme.

“Pjesëmarrja e komuniteteve pakicë në proceset vendimmarrëse për të gjitha çështjet që i shqetësojnë, mbetet e pamjaftueshme”, thuhet në opinion.

(E plotësuar) Këshilltari i LDK-së, Ridvan Hoxha, ka fajësuar edhe sot kryetarin e Prizrenit, Ramadan Muja dhe bashkëpuntorët e tij, për dhënien e kundërligjshëm të tokës Qendrës Arsimore “Gulistan” dhe Fabrikës së Çokollatës “Kamila”.

Ai tha se për dhënien në shfrytëzim të këtyre pronave nuk është diskutuar në Kuvendin Komunal. ”Pasi kam i jam drejtuar organeve të drejtësisë, kryesusi i Kuvendin Komunal, Nijazi Kryeziu në mënyrë dinake e ka hedhur në Asamble dhe u ka thënë këshilltarëve se kush është për ndërrimin e parcelsës për “Gulistanin” nga Nashenci në vendin e quajtur Boga-Boga”, tha Hoxha në dëshim e tij, kundër Mujës.

Ai tregoi se për dhënien në shfrytëzim të këtyre tokave i është drejtuar edhe Ministrisë së Pushtetit Lokal. ”Ministri ka kontastuar se këto toka janë dhënë në kundërshtim me ligjet në fuqi”, tregoi ai.

Ai tha se edhe toka për dhënien e Fabrikës së Çokolladës “Kamila” nuk është shqyrtuar në Asambleën Komunale, edhe pse ishte parapër një gjë e tillë. “Drejtori i Urbanizmit, Sadik Paçarizi, që është edhe nënshkrues i kontratës, kur e ka parë se kryesusi AK-së, Nijazi Kryeziu nuk e ka qitur në asmable këtë çështje në shenje revolte të gjitha dokumentet që ka pasur në dorë i ka hedhur për toke”, tregoi Hoxha.

Në seancën e sotme të procesit gjyqësor të kryetarit,Ramadan Muja dhe bashkëpuntorëve të tij, është paraparë që të dëshmojnë edhe katër dëshmitar të tjerë.

Hoxha vazhdon dëshminë edhe sot kundër Mujës 

Këshilltari i LDK-së në Asamblenë Komunale, Ridvan Hoxha, do të vazhdoj dëshminë e tij edhe sot kundër kryetarit të Prizrenit, Ramadan Muja dhe bashkëpunëtorëve të tij. Përveç Hoxhajt sot do të dëshmojnë edhe katër dëshmitarë të tjerë. Seanca gjyqësore fillon në ora 10:00

Hoxha dje ka fajësuar Mujën për dhënien e tokës Qendrës Arsimore “Gulistan” dhe Fabrikës së Çokolladës “Kamila”, pa i respektuar procedurat ligjore.

“Nuk është detyrë e kryetarit të ndajë tokën e Komunës. Fillimisht Asambleja Komunale duhet të marrë vendim e pastaj të shkohet me procedurë ligjore”, tha Hoxha.

Këshilltari Ridvan Hoxha ka bërë Kallëzim Penal kundër kryetarit të Prizrenit, Ramadan Muja dhe bashkëpunëtorëve të tij. Ai tha se këtë e ka bërë për t’i mbrojtur interesat e qytetarëve të Prizrenit.

Ai tregoi në gjykim se Asambleja Komunale ka diskutuar në vitin 2009, një kërkesë për dhënien në shfrytëzim të tokës “Gulistanit” në fshatin Nashec. “Kam qenë në dijeni për kërkesën e “Gulistanit” për dhënien e një hapësire për shkollë. Kërkesa e “Gulistranit” nuk i është dhënë këshilltarëve të Asamblesë, por është diskutuar në një seancë. Asambleja ka diskutuar dhe ka aprovuar kërkesën që t’i jepet toka në Nashec. Ne si këshilltarë i kemi dhënë rekomandimet që dhënia e tokës të bëhet sipas procedurave ligjore dhe të gjithë kemi votuar pro dhënies së tokës pozitë e opozitë, por jo në vendin kur është tash, por në fshatin Nashec”, tregoi Hoxha.

Ai tha se kryetari i Komunës, Muja nuk e ka respektuar vendimin e Asamblesë Komunale të Prizrenit. Sipas tij, përkundër vendimit që “Gulistanit” t’i jepet një hapësirë në Nashecë, Komuna e ka ndërruar lokacionin duke ia ndarë në vendin e quajtur “Boka Boka”.

“Kur kam dëgjuar për ndërrimin e lokacionit kam kërkuar qasje në dokumentet zyrtare dhe kontratën për këtë shkollë dhe për Fabrikën e Çokolladës “Kamila”,sepse për këtë ndërrim nuk është diskutuar në Asamble. Personalisht e kam ngritur këtë çështje dhe kam thënë se ka shkelje ligjore me kontratë”, tregoi Hoxha.

Ai tha se si anëtar i LDK-së në Komitetin për Politikë dhe Financa, këtë çështje e ka ngritur edhe me kryesusin e Asamblesë Komunale të Prizrenit, Nijazi Kryeziun. “Kryesuesi i Asamblesë, Nijazi Kryeziu më ka thënë që t’i mbledh faktet dhe pastaj të qesim këtë çështje për diskutim në Asamble, por pasi i kam mbledh faktet është refuzuar kërkesa ime dhe Kryeziu me ka ofenduar duke më thënë se duhet që të shkojë t’i studiojë ligjet. Unë pastaj kam vendosur t’i drejtohem organeve të drejtësisë”, tha Hoxha. Ai tha se Kallëzimin Penal e ka bërë me të vetmin arsye që t’i mbrojë interesat e qytetarëve. “Unë si këshilltar e kam pasur për obligim që t’i mbrojë interesat e qytetarëve, sepse vota e tyre më ka dërguar në Asamble”, tha Hoxha. Dëshmitari Ridvan Hoxha Hoxha, do të vazhdojë dëshminë edhe nesër.

Në seancën e sotme në procesin gjyqësore të kryetarit Ramadan Muja dhe bashkëpunëtorëve të tij, ka dëshmuar edhe Jetish Avdullahu. Ai është marrë në pyetje rreth një prone kontestuese të Komunës. Avdullahu tregoi se tokën kontestuese e ka blerë në vitin 2001. Tokën e ka blerë në vitin 2001. Prej vitit 2004 deri ne vitin 2010 këtë tokë e kam pasur edhe në hipotekë për një kredi. Kurrë nuk kam pasur probleme për këtë tokë deri sa ka kanë ardhur Policia e Kosovës dhe EULEX-i të interesohen për të. Prej se kanë ardhur policia unë nuk kam ditur asgjë”, tregoi Avdullahu. Kryetarit të Prizrenit, Ramadan Muja, i rëndon një aktakuzë 21 faqesh, me të cilën ai dhe Sadik Paçarizi – drejtor i Urbanizmit dhe Planifikimit Hapësinor, Avni Ademaj – ish-u.d. së drejtorit të Gjeodezisë dhe Kadastrës, Kadri Ukimeri – ish-drejtor i Gjeodezisë dhe Kadastrës, Abdullah Tejeci – drejtor aktual i Gjeodezisë dhe Kadastrës dhe Minir Krasniqi – drejtor i Administratës, akuzohen për shpërdorim të pozitës zyrtare në dhënien e disa pronave shoqërore në shfrytëzim për disa kompani, me qëllim të përfitimit personal. Gjyqtari i procedurës paraprake, Vladimir Nikula, kohë më parë ka aprovuar kërkesën e Prokurores që po udhëheq ndjekjen penale, Natasha Vikeri për konfiskimin e dokumenteve të udhëtimit të të pandehurve. /PrizrenPress.com/

Kandidati i Lëvizjes Vetëvendosje! për kryetar të Prizrenit, Arbër Rexhaj, ka vizituar banorët e fshatit Legjendë.

Ai në këtë takim është njoftuar për së afërmi me problemet dhe pakënaqësitë e përditshme të këtij fshati e në veçanti rreth çështjes së shtratit të parregulluar të lumit dhe derdhjen e vazhdueshme të ujërave të zeza.

Rexhaj i premtoi banorëve të këtij fshati se investimet në rregullimin e infrastrukturës së vendbanimeve do të bëhen bashkarish. /PrizrenPress.com/

Gjylete dhe Ajtene Kulaku rregullisht marrin pjesë në seancat gjyqësore të kryetarit të Prizrenit, Ramadan Muja dhe bashkëpunëtorëve të tij. Ato edhe pse në moshë të shtyrë gjatë tërë kohës dëgjojnë rrëfimin e dëshmitarëve, që kanë blerë tokën e tyre tashmë kontestuese.

Gjylete dhe Ajtene Kulaku në vitin 2001, kanë shitur një pjesë të tokës kontestuese me Komunën e Prizrenit. Blerës i tokës së tyre është edhe drejtori i Administratës së Komunës, Minir Krasniqi.

Ato thonë se toka që kanë shitur nuk është kontestuese, pasi që e kanë fituar me Gjykatë në vitin 1998. “ Në vitin 1998 e kemi fituar tokën. Me 2001 e kemi shitur një pjesë dhe tash nuk e di çka po ndodhë me atë tokë kur ajo është e jona”.

Gjylete dhe Ajtene Kulaku janë ankuar sot te gjyqtari se drejtori i Administratës, Minir Krasniqi iu ka bërë presion që të bëjnë zhurmë në seancën gjyqëtore.” Na tha piskatëni në gjykim. Ne nuk kemi ardhur këtu me piskatë, por me dëgjua, sepse nuk kemi drejt me fol”, u shprehën ato.

Gjyqtari i EULEX-it, Vladimir Mikula, para se të filloi dëshminë këshilltari i LDK-së, Ridvan Hoxha, ka kërkuar sqarime rreth rreth këtij rasti. Ai i ka pyetur Gjylete dhe Ajtene Kulaku se a është e vërtet se Krasniqi iu ka thënë që të prishin qetësin e gjykimit? “ Po është e vërtet. Na tha çka po bëni pse s’po piskatni. Na kanë gjet turq e po luajnë me ne. Pse nuk na ka thënë piskatni kur e ka ble tokën por tash”, u shprehën ato.

Drejtori Krasniqi, ndërkaq nuk ka pranuar të flas rreth këtij rasti. /PrizrenPress.com/

Lëvizja Vetëvendosje! Qendra në Prizren priti në vizitë delegacionin e Bashkësisë Islame të Prizrenit, të kryesuar nga efendi Lutfi Ballëku. Ky delegacion prej VV-së është pritur nga Arbër Rexhaj, Muharren Elezkurtaj, Drita Millaku dhe Artan Abrashi. Ne këtë takim u diskutua për situatën aktuale politike dhe shoqërore në komunën e Prizrenit.

Kryetari i bashkësisë Islame të Prizrenit Lutfi Ballëku, kërkoi nga Lëvizja Vetëvendosje! vazhdimin e përpjekjeve në përfaqësimin e interesave dhe vullnetit të qytetarëve edhe në institucionet e pushtetit lokal.

Kurse, kandidati për kryetar komune Arbër Rexhaj, informoi për punën dhe përgatitjet e VV-së në Prizren për zgjedhjet lokale, si dhe çmoi kontributin dhe angazhimin e vazhdueshëm të Bashkësisë Islame të Prizrenit në kultivimin e frymës për pranim të ndërsjellët dhe bashkëjetesës ndërfetare në Komunën e Prizrenit.

Nderkaq, Drita Millaku në emër të gruas aktiviste, foli për domosdoshmërinë e përfshirjes aktive të gruas prizrenase në politikë, si dhe kërkoi nga Bashkësia Islame e Prizrenit si institucion i respektuar shoqëror, angazhim konkret në këtë drejtim.

Kjo ishte vizita e parë e Bashkësia Islame të Prizrenit bërë VV-së në Prizren. Duke u zotuar në vazhdimin e komunikimit të ndërsjellët, palët u pajtuan për domosdoshmërinë e takimeve më të shpeshta për diskutimin e çështjeve me interes të përbashkët për qytetarët./PrizrenPress.com/

Nesër do të shpallet aktgjykimi për Fatmir Limajn dhe nëntë bashkëluftëtarëve të tij.

“Unë si avokat i Limajt, jam i bindur se nëse trupi gjykues e bazon vendimin përfundimtar në bazë të ligjit, drejtësisë dhe provave, atëherë mund dhe duhet të kemi vetëm aktgjykim lirues”, ka thënë për Indeksonline, avokati i Limajt, Tomë Gashi.

Mbrojtja pret aktgjykim lirues edhe duke pas parasysh standardet vendore dhe ndërkombëtare për një gjykim të drejtë.

“Ne mbrojtja e Limajt duke besuar në atë se nuk do të ndikoi asgjë tjetër pos ligjit , drejtësisë dhe provave, të qetë dhe pa asnjë frikë nesër presim lirimin e Limajt dhe 9 bashkëluftëtarëve të tij”, ka thënë avokati i Limajt, Tomë Gashi.