Ambasadori i Kosovës në Tiranë,Sylejman Selimi para pak çastesh ka përfunduar një ndërhyrje kirurgjike të largimit të gurëve, operacioni i të cilit ka zgjatur një orë dhe ka përfunduar me sukses.

Kjo është konfirmuar për Zërin nga Zëdhënësi i QKU-së, Shpend Fazliu, i cili tha mjekët kanë konstatu se Selimi duhet t’i nënshtrohet një operacioni të largimit të gurëve, prandaj ai sapo ka dal nga salla dhe gjendja e tij është stabile.

Ambasadori i Kosovës në Tiranë, i cili tash e dy muaj po mbahet në paraburgim si pasojë e hetimeve për krime lufte, Sylejman Selimi që nga e shtuna është shtrirë në QKUK për shkak të problemeve shëndetësore

—

Ambasadori i Kosovës në Tiranë, Sylejman Selimi i është nënshtruar një ndërhyrjeje kirurgjikale, pasi gjendja e tij shëndetësore është përkeqësuar.
Sipas zëdhënësit të QKU-së Shpend Fazliu, Selimi është shtruar në Repartin e Laparaskopisë dhe operacioni e ka filluar para pak çastesh.
“Po është futur në sallën e operacionit në repartin e laparaskopisë në kirurgji për shkak të problemeve me gurë”, tha Fazliu për Gazetën Express.

Selimi prej dy muaj ndodhet në paraburgim nën dyshimet për krime lufte, është sjell në QKU nga Burgu i Dubravës mbrëmjen e së shtunës në gjendje të keqe shëndetësore

Kryetari i Komunës së Rahovecit Smajl Latifi, ka informuar familjet e dëshmorëve për ecurin e ndërtimit të Kompleksit Momerial të Dëshmorëve. Ai tha se ky projekt kushton 471 mijë euro. “Projekti po ndërtohet në Gradish dhe është i paraparë që t’i ketë të gjitha elementet e një Kompleksi që e bëjnë të veçantë komunën tonë nga komunat tjera të Kosovës”, tha Latifi.

Sipas tij, Kompleks Momerial i Dëshmorëve, është i projektuar mirë dhe i përshtatshëm për të bërë homazhe.

Ai ka informuar familjarët që Komuna në bashkëpunim me një kompani të profilizuar po bën përpjekje që t’i mirëmbajë varrezat e dëshmorëve.

“Edhe në cilësinë e kryetarit të Komunës,edhe si institucione komunale ,si bashkëluftëtar i tyre, dëshmorët dhe familjet e tyre do të gëzojnë çdo herë respekt dhe mirënjohje të pakufishme”, premtoi Latifi./PrizrenPress.com/

Asnjë shtet normal nuk mund të funksionoj pa forca ushtarake, ka deklaruar sot Ministri i FSK-së, Agim Çeku. Ai ka theksuar se janë në fazën e rishikimit lidhur me atë se çfarë kapacitete të sigurisë i nevojiten Kosovës. Nga ana tjetër kreu i Komisionit për mbikëqyrjen e FSK-së, Ahmet Isufi ka thënë se Kosovës i nevojitet ushtria.

As në raportimin e dytë për këtë vit para Komisionit mbikëqyrës të FSK-së, krerët e kësaj force nuk janë përgjigjur konkretisht, kur janë pyetur nga deputeti Rexhep Selimi për krijimin e ushtrisë së Kosovës.

Ata kanë folur për arritjen e kapaciteteve të plota të FSK-së, buxhetin dhe vazhdimin e procesit të rishikimit për dhënien e një mandati të ri. Pas raportimit, ministri Agim Çeku theksoj se janë në fazën e rishqyrtimit të nevojave të Kosovës në aspektin e sigurisë. Rekomandimet për këtë proces do t’i dorëzohen Qeverisë dhe kryeministri më pas do të vendosë se si do ta quaj pasardhësen e FSK-së.

Edhe kryetari i Komisionit për mbikëqyrjen e FSK-së Ahmet Isufi, ka thënë se Kosovës i nevojitet ushtria.

“Absolutisht ne jemi që bindur që Kosova duhet ta ketë ushtrinë e vet dhe kjo do të jetë objektiv i të ardhmes dhe kërkojmë nga institucionet në këtë rast nga Ministria që të punojë sa më shumë në mënyrë që të arrihet ky objektiv”, tha Isufi, transmeton RTK.

Ndërkaq,duke folur për shkëmbimin e e-mailave mes zëvendës ministrit të FSK-së Sllavisha Filipovic dhe autoriteteve serbe për armatimin e Forcës së Sigurisë së Kosovës, Ministri Çeku ka thënë se kjo çështje është sqaruar dhe se Filipovic nuk ka qenë akteri kryesor në këtë veprim. Sipas Çekut akter kryesor ka qenë një ish deputet.

Instituti GAP i ka rekomanduar Qeverisë së Kosovës që mos vazhdojë të marrë vendime për themelimin e komunave të reja.
Këtë rekomandim përfaqësuesit e këtij instituti e kanë prezantuar sot gjatë publikimit të analizës “Themelimi i Komunave të reja në Kosovë-implikimet buxhetore dhe vetë-qëndrueshmëria financiare”.

“Instituti GAP i rekomandon Qeverisë së Kosovës që të mos vazhdojë me formimin e komunave të reja. Në rastin e tri komunave të reja të krijuara me vendim të Qeverisë, (Komuna e Gjonajve, Rogovës dhe Zhegrës), nuk duhet të mbahen zgjedhjet lokale më 2013. Kuvendi i Kosovës, nuk duhet të legjitimojë vendimet e Qeverisë për krijimin e komunave të reja, nëse kërkesat e Qeverisë nuk përmbajnë edhe studimin e fizibilitetit për komunat e reja. MAPL duhet të fillojë përgatitjet në ndryshimin dhe plotësimin e bazës ligjore për kriteret dhe procedurat e krijimit të komunave. Asnjë komunë e re nuk duhet të fillojë së funksionuari me kompetenca të plota, pa e kaluar një periudhë të caktuar të funksionimit si pilot-njësi komunale”, është thënë në një komunikatë të lëshuar për medie nga Instituti GAP.

Në bazë të analizës së Institutit GAP, del se krijimi i komunave të reja do të ndikojë në uljen e buxhetit të përgjithshëm të të gjitha komunave të Kosovës, por më së shumti të atyre komunave nga territori i së cilave pritet krijimi i komunës së re.

Diplomati në Ambasadën e Republikës se Kosovës në Romë, Arben Muhameti ka reaguar rreth zhvillimeve të fundit të Degës së Partisë Demokratike të Kosovës në Dragash (Sharr). “Të shtunën, këtu në Romë, ku ushtroj detyrën e diplomatit në Ambasadën e Republikës së Kosovës, informohem nga disa portale dhe më pastaj edhe nga disa miq për situatën e krijuar në një takim që ka zhvilluar kryetari i Partisë dhe Kryeministri i vendit me strukturat lokale dhe ku si rezultat ndër të tjera nga disa individ lokal është përfolur (më mirë të themi është anatemuar) edhe emri im si kandidat i mundshëm për kryetar komune në zgjedhjet lokale të këtij viti”, ka thënë Muhameti, në një deklaratë dërguar mediave.

Ai konsideron se emri i tij si njëri prej kandidatëve ka qarkulluar prej shumë kohësh në opinion dhe është si propozim fillestar që ka dalë nga intelektualë të rajonit nga ku vjen, të afërt me PDK-në (dhe jo vetëm) që jetojnë dhe veprojnë në Prishtinë.

“Për të gjitha këto dhe të trembur nga mbeshtetja, individë të caktuar kanë filluar prej disa muajsh intrigat , spekulimet e dezinformatat kundër personit tim duke u përpjekur të më ulin kredibilitetin dhe denigrojnë në sytë e elektoratit dhe në Prishtinë para Zyrtarëve të Lartë Partiak dhe Shtetëror me shpifje e sajesa pafund. Edhe përpjekja e së shtunës është në të njëjtën frymë ku u munduan me një stil hileqar dhe të ulët dhe në mungesën time të me vënë në pozita kundërthënëse me shefin e Partisë dhe Kryeministrin e vendit, duke më mveshur fjalë të pavërteta dhe gjëra që nuk qëndrojnë”, thotë Muhameti.

Diplomati Muhameti, thotë se kultivon respekt të jashtëzakonshëm për Kryeministrin Thaçi dhe i është mirënjohës për gjithë mbështetjen që i ka dhënë gjatë këtyre viteve. Por, sipas tij përpjekjet e tilla të ulëta, siç thotë ai, për ta kompromentuar, të orkestruara nga drejtues të degës dhe të realizuara nga provokatorë të vjetër në zanatin e tyre, i përbuz me neveri.

“I di shumë mirë procedurat e nominimit dhe vendimmarrjen partiake dhe kur ta shihnim të nevojshme, brenda afateve dhe me modesti do të kërkonim natyrshëm miratimin formal për kandidaturën. Parimisht kam qenë dhe jam për nderrimin gradual të gjeneratave dhe kufizimin e mandateve në pushtetin lokal, për arsyen e thjeshtë se në të gjitha rastet rrezikohet fitorja, pasi me gjithë sukseset e arritura në qeverisje, amortizimi, konsumimi dhe apatia që krijohet nga udheheqja e gjatë e një individi apo grupi,është e pashmangshme”.

Muhameti thotë se ka pezulluar të gjitha funksionet politike dhe partiake që ushtron, në tetor të vitit 2009, pasi u emërua diplomat në shërbimin e jashtëm të Kosovës. “Vazhdoj të mos jem aktiv në struktura dhe politiken ditore derisa ushtroj funksionin aktual. Dhe në respekt të kësaj më është dashur që të mos jem prezent në media, dhe në tubimet e hapura dhe publike”.

Muhameti thotë se po pret në qetësi të plotë zyrtarizmin dhe certifikimin e kandidaturave për kryetar komune ,dhe se çfarëdo vendimi nga kryetari i Partisë, Hashim Thaçi është i padiskutueshëm dhe i pranueshëm. “Deri në atë kohë, ju lutem të gjithëve të më mirëkuptoni për situatën në të cilën ndodhem dhe mundësisht të mos merreni dhe të mos thirreni në emrin tim”./PrizrenPress.com/