Mesjava sjell fundin e sezonit të rregullt në Superliga e Kosovës në basketboll, ku gjithçka do të vendoset në xhiron e fundit: pozitat e play-off-it, avantazhi i terrenit vendas dhe lufta për mbijetesë.

Trepça udhëheq kampionatin me 51 pikë dhe ka siguruar tashmë vendin e parë, ndërsa pas saj renditen Bashkimi me 46 pikë dhe Golden Eagle Ylli me 41 pikë, që kanë siguruar pjesëmarrjen në “play-off”.

Në garën për vendin e katërt dhe për pozita sa më të favorshme në çerekfinale, lufta është e ashpër mes Peja me 38 pikë, Sigal Prishtina me 37 pikë, ndërsa Rahoveci 029 dhe Vëllaznimi kanë nga 36 pikë, duke rrezikuar edhe mbijetesën në elitë, raporron PrizrenPress.

Të mërkurën zhvillohen tri ndeshje vendimtare:

Trepça – Sigal Prishtina
Kjo përballje sjell liderin e kampionatit ndaj një Prishtine që lufton për vendin e gjashtë dhe kualifikimin në “play-off”.

Vëllaznimi – Peja
Derbi i fortë ku Peja synon vendin e katërt dhe avantazhin e terrenit vendas, ndërsa Vëllaznimi kërkon pikë jetike për mbijetesë.

Golden Eagle Ylli – Rahoveci 029
Një duel vendimtar për të dy skuadrat: Ylli kërkon pozita më të larta në play-off, ndërsa Rahoveci lufton për mbijetesë dhe çdo fitore mund të ndryshojë fatin e sezonit.

Të enjten mbyllet sezoni i rregullt me:

Bashkimi – Bora
Bashkimi hyn në këtë sfidë pas një sezoni shumë të fortë në krye të tabelës, ndërsa Bora kërkon ta mbyllë kampionatin me rezultat pozitiv.

Xhiroja e fundit pritet të sjellë dramë deri në sekondat e fundit, duke përcaktuar përfundimisht çiftet e “play-off”-it dhe skuadrat që do të vazhdojnë garën për titull apo do të luftojnë për mbijetesë në elitën e basketbollit kosovar./PrizrenPress.com/

Marketing

Shiten banesa moderne në lagjen “Tranzit i Ri” të Prizrenit – mundësi pagese me këste

Shitet banesa në lagjen “Dardania” të Prizrenit

Mos prit më – merr kredinë që të duhet në IMF KosInvest

Banesat më të kërkuara në Prizren – Bëhu pronar në Foleja Residence!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/

Komuna e Suharekës ka vlerësuar klubin e basketbollit Golden Eagle Ylli, duke i ndarë Simbolin e Komunës si shenjë mirënjohjeje për kontributin e tij në sport dhe përfaqësimin e qytetit.

Kryetari i Komunës, Bali Muharremaj, ka theksuar se Ylli është më shumë se një klub basketbolli, duke e cilësuar si simbol që bashkon qytetin dhe sjell emocione të veçanta te qytetarët.

“Golden Eagle ‘YLLI’ është më shumë se basketboll. Është forca që bashkon Suharekën, është zëri i tribunave, është emocioni që na ngre në këmbë”, ka thënë Muharremaj, raporton PrizrenPress.

Ai shtoi se ndarja e këtij simboli për klubin përfaqëson edhe një zotim institucional për mbështetje të vazhdueshme.

“Ky simbol nuk është vetëm mirënjohje, por edhe premtim se Suhareka qëndron gjithmonë pas Yllit të saj”, u shpreh kryetari.

Sipas tij, klubi ka sjellë jo vetëm suksese sportive, por edhe krenari, besim dhe identitet për qytetin, duke u kthyer në një prej emrave më të dashur për tifozët./PrizrenPress.com/

Marketing

Shiten banesa moderne në lagjen “Tranzit i Ri” të Prizrenit – mundësi pagese me këste

Shitet banesa në lagjen “Dardania” të Prizrenit

Mos prit më – merr kredinë që të duhet në IMF KosInvest

Banesat më të kërkuara në Prizren – Bëhu pronar në Foleja Residence!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/

Sulmuesi i Kosovës, Vedat Muriqi, ka marrë vëmendje të madhe nga mediumi prestigjioz “The Guardian” pas paraqitjes së tij vendimtare me RCD Mallorca kundër Real Madridit. “The Gaurdian” i ka kushtuar një shkrim të veçantë Muriqit, duke e përshkruar rikthimin e tij si një histori të fortë emocionale.

“Vedat Muriqi la pas zhgënjimin nga humbja e Kosovës në ‘play-off’-in e Kupës së Botës për të shënuar një gol dramatik në fund, duke tronditur Real Madridin dhe duke kompletuar një kthesë emocionale brenda pak ditësh”, ka shkruar “The Guardian”.

Sipas “The Guardian”, goli i tij në minutat shtesë ishte vendimtar jo vetëm për ndeshjen, por edhe për garën për titull në La Liga. “Goli i tij në kohën shtesë jo vetëm që i siguroi Mallorcas një fitore jetike, por gjithashtu i dha një goditje të rëndë shpresave të Real Madridit për titull, duke nënvizuar rëndësinë e tij për ekipin”, ka shkruar mediumi britanik. Ndërkohë sulmuesi i Kosovës po kalon sezonin me të mirë në karrierë, duke qenë një nga golashënuesit më të dalluar në ligë dhe një faktor kyç për sukseset e Mallorcas, ku artikulli ka theksuar edhe për këtë pjesë duke theksuar rolin e madh që ka Muriqi te Mallorca, gjatë këtij sezoni.

“Muriqi ka mbajtur një pjesë të madhe të barrës sulmuese të Mallorcas këtë sezon, duke shënuar një përqindje të jashtëzakonshme të golave të ekipit dhe duke u treguar i pazëvendësueshëm në luftën për mbijetesë”, ka shkruar “The Guardian”.

Më tutje, “The Guardian” ka shkruar për momentin më emocional të Muriqit, i cili ka ardhur pas ndeshjes, kur sulmuesi i Kosovës nuk i ka mbajtur emocionet.

“I pushtuar nga emocionet pas fishkëllimës përfundimtare, Muriqi ka shpërthyer në lot, një reflektim i dhimbjes dhe presionit që kishte përjetuar në ditët e fundit”, ka shkruar mediumi britanik.

“Pirati” i Kosovës është shumë pranë thyerjes së rekordit historik të golave të klubit të Mallorcas, që mbahet nga Samuel Eto’o.

Marketing

Shiten banesa moderne në lagjen “Tranzit i Ri” të Prizrenit – mundësi pagese me këste

Shitet banesa në lagjen “Dardania” të Prizrenit

Mos prit më – merr kredinë që të duhet në IMF KosInvest

Banesat më të kërkuara në Prizren – Bëhu pronar në Foleja Residence!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

Hapësira me qira në objektet e reja te ‘RENELUAL TAHIRI’ në Prizren

Klea Gashi, me 26 pikë të shënuara, ishte liderja e KBF Bashkimit në fitoren e madhe në Kupën U18

Bashkimi është shpallur fituese e Kupës së Kosovës U18 në konkurrencën e femrave, pas fitores në finale ndaj Pressingut nga Peja me rezultat 77:51.

Basketbollistja Klea Gashi ishte figura kryesore e finales, duke u shpallur MVP e ndeshjes, raporton PrizrenPress.

Ajo shkëlqeu me 26 pikë të shënuara, duke udhëhequr ekipin drejt triumfit dhe duke vendosur ritmin e lojës gjatë gjithë takimit.

Me këtë paraqitje, Gashi konfirmoi rolin e saj vendimtar në suksesin e Bashkimit U18, i cili e mbylli sezonin me trofe të rëndësishëm në kategorinë e të rejave./PrizrenPress.com/

Marketing

Shiten banesa moderne në lagjen “Tranzit i Ri” të Prizrenit – mundësi pagese me këste

Shitet banesa në lagjen “Dardania” të Prizrenit

Mos prit më – merr kredinë që të duhet në IMF KosInvest

Banesat më të kërkuara në Prizren – Bëhu pronar në Foleja Residence!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/

Fitorja e Mallorcas kundër Real Madridit nuk do të mbahet mend vetëm për rezultatin, por edhe për mënyrën se si ndodhi, shkruan Marca.

Sulmuesi kosovar Vedat Muriqi shënoi golin e fitores në sekondat e fundit, por momenti që la mbresa më të thella ishte reagimi i tij emocional pas golit: ai qau para tifozëve në stadiumin Son Moix, duke çliruar dhimbjen dhe stresin që kishte grumbulluar gjatë javëve të fundit.

Lotët e tij ishin një moment çlirmi, ndërsa stadiumi shpërtheu në delir dhe brohoriti emrin e tij, shkruan mediumi i njohur spanjoll.

Ky moment erdhi pas një periudhe të vështirë për Muriqin. Penalltia e humbur kundër Elches e kishte lënë ekipin në zonën e rënies nga kategoria dhe ëndrra e tij për të luajtur në një Kupë Bote me Kosovën ishte shuar pas ndeshjes kundër Turqisë.

Por goli spektakolar ndaj Real Madridit jo vetëm që ngriti Mallorkën nga vendi i fundit, por edhe riktheu besimin dhe shpresën për mbijetesën në La Liga.

Trajneri argjentinas i Mallorcas, Demichelis, lavdëroi sulmuesin pas ndeshjes, duke vënë në dukje karakterin dhe forcën e tij.

“Muriqi po vuan, por është një luftëtar. Historia e tij që nga fëmijëria tregon se ai di të përballojë presionin dhe vështirësitë. Pas penalltisë kundër Elches, ai u rikuperua shpejt dhe performanca e tij ishte e jashtëzakonshme”, deklaroi ai.

Muriqi ka kaluar një fëmijëri shumë të vështirë në Prizren, Kosovë, pak para shpërthimit të Luftës së Kosovës, kujton Marca.

Ai e njohu urinë dhe dhimbjen, duke filluar të luante futboll që në moshën pesëvjeçare. Në moshën 15-vjeçare, la shkollën për të punuar dhe për të luajtur futboll, ndërsa dy vjet më vonë nisi karrierën e tij profesionale në Turqi, duke i dhënë hov të vërtetë karrierës së tij.

Pas golit ndaj Real Madridit, Muriqi u shpreh i emocionuar: “Edhe pse nga jashtë mund të dukem i ashpër dhe i shëmtuar, unë jam gjithashtu njeri dhe ndonjëherë emocionet dhe nervat më mposhtin”.

Ky moment tregon se edhe luftëtarët më të fortë kanë të drejtë të qajnë dhe se lotët e tyre nuk vlejnë vetëm për ndjenjat, por edhe për triumfin e arritur.

Marketing

Shiten banesa moderne në lagjen “Tranzit i Ri” të Prizrenit – mundësi pagese me këste

Shitet banesa në lagjen “Dardania” të Prizrenit

Mos prit më – merr kredinë që të duhet në IMF KosInvest

Banesat më të kërkuara në Prizren – Bëhu pronar në Foleja Residence!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

Hapësira me qira në objektet e reja te ‘RENELUAL TAHIRI’ në Prizren