Kryetari i Malishevës, Ragip Begaj, ka pritur sot në zyrën tij kapitenin zviceran Benjamin Mauchle, pjesëtar i KFOR-it (LMT), të cilët veprojnë në Malishevë, në një takim me karakter njohës, ku është biseduar për bashkëpunimi e ndërsjellë në fushën e sigurisë, si dhe për aspekte tjera të përgjithshme rreth Komunës së Malishevës.
Kryetari Begaj e njoftoi kapitenin Mauchle, me situatën e përgjithshme në Komunën e Malishevës, popullsinë, infrastrukturën, arsimin, pastaj me gjendjen ekonomike, kulturën dhe rininë si dhe me problemet me të cilat përballet Komuna e Malishevës. Po ashtu me këtë rast ka falënderuar KFOR-in zviceran për përkrahjen e deritashme dhe shprehi gadishmërin për bashkëpunimi të më tejshëm me pjesëtarët ushtarak të KFORIT(LMT), dhe pasi që jemi në prag të fundvitit i uroi edhe për festat.
Nga ana tjetër kapiteni zviceran Benjamin Mauchle, po ashtu falënderoi kryetarin Begaj për pritjen, dhe u shpreh i gatshëm gjithashtu të bashkëpunoj ngushtë me Komunën e Malishevës, ku në mes tjerash e vlerësoi lartë mikpritjen që i bëhet nga institucioni komunal dhe qytetaret e Malishevës./PrizrenPress.com/