Kjo shtëpi, që gjendet në lagjen “Gëzim Hamza – Piktori” në Rahovec, tash e sa kohë, po i shkakton probleme banorëve të asaj lagje.
Në një mesazh dërguar Rahovecpressit, banorë të kësaj lagjeje, në kushte anonimiteti, kanë treguar për problemet me të cilat përballen me këtë shtëpi.
“Kjo shtëpi është rreth 70-80 vite e vjetër. Është në gjendje shumë të rrezikuar dhe nuk është aspak stabile”, zbuluan banorët për Rahovecpress.
“Shpesh ndodh që para syve tanë të bijnë dërrasat dhe tjegullat e kësaj shtëpie”.
“Shqetësimi ynë kryesor është për fëmijët, pasi kjo rrugë është shumë e frekuentuar nga ta”.
“Ata kalojnë çdo ditë aty dhe ashtu siç është gjendja e shtëpisë, një ditë frikohemi se mund të vijë më e keqja”.
Banorët kanë shtuar se ata janë ankuar në disa vende për këtë shtëpi, por kanë hasur në vesh të shurdhër.
Rahovecpress mëson se shtëpia është pronë e M.M., ndërsa nuk dihet nëse do të merret ndonjë masë nga institucionet relevante për këtë shqetësim.