Sipas një komunikate për medie nga Gjykata Themelore e Prizrenit, është bërë e ditur se dy te dyshuarve për vrasjen e Egzon Mazrekut, në Sopijë të Suharekës, Xhevat Hysenajt dhe Naser Makollit i është caktuar masa e paraburgimit.
“Gjyqtari i Procedurës Paraprake – Departamenti i Krimeve të Rënda i Gjykatës Themelore të Prizrenit vendosi që ndaj të pandehurve me iniciale XH. H. nga Lipjani për shkak të dyshimit të bazuar se ka kryer veprën penale vrasje e rëndë nga neni 179 parg.1.5 dhe veprës penale mbajtja në pronësi kontroll ose posedim te paautorizuar te armëve nga neni 374 parag.1 të KP dhe i pandehuri N.M.nga Fushë Kosova për shkak të dyshimit të bazuar se ka kryer veprën penale vrasje e rëndë në ndihmë nga neni 179 parg.1.5 lidhur me nenin 33 të KP. iu caktohet masa e paraburgimit”, thuhet në komunikatën e Gjykatës së Prizrenit, transmeton Koha.net.
Më tej thuhet se me datën 05.02.2016, Prokuroria Themelore e Prizrenit – Departamenti për Krime të Rënda i ka parashtruar kërkesë për caktimin e paraburgimit Gjykatës Themelore në Prizren Departamentit për Krime të Rënda ndaj të pandehurit me iniciale XH. H.dhe N.M. për shkak të veprës penale të cekur me lartë.
Të dy të dyshuarve u është caktuar nga një muaj masë paraburgimi.
“Po të njëjtën ditë Gjykata Themelore e Prizrenit Departamenti për Krime të Rënda ka mbajtur seancën e paraburgimit ku të pandehurve me iniciale XH. H. i dyshuari kryesor për vrasje, i është caktuar masa e paraburgimit në afat prej 1 (një) muaji i cili do të llogaritet prej kohës së arrestimit, datë 04.02.2016 dhe do të zgjasë deri më datën, 05.03.2016 ,ndërsa për të pandehurin me inicialet N.M. iu është caktuar masa e paraburgimit në afat prej 1 (një) muaji i cili do të llogaritet prej kohës së arrestimit, datë 03.02.2016 dhe do të zgjasë deri më datën, 04.03.2016”, përfundon komunikata nga Gjykata Themelore e Prizrenit.