Deputeti i Lëvizjes Vetëvendosje, Albin Kurti, ka thënë se vendimi i Kushtetuese tregoi se Isa Mustafa nuk e kishte ditur se çfarë ka nënshkruar në Bruksel.
“Ne si opozitë nuk mund ta ndalemi. Ja kemi dhënë një goditje të fuqishme Serbisë. Aleksandër Vuçiq dështimin më të madh e ka krijimin e ‘Zajednicës’ në Kosovë e tash ka zgjedhje në Serbi. Neve na bënë shumë të lumtur kjo”, ka deklaruar ai gjatë emisionit “Debat” në RTK.
Kurti thotë se protestat e opozitës nuk kanë të bëjnë gjë me dëshirën për pushtet.
“Ata e kanë lidh fatin me ‘Zajednicën’. Gazi nuk është hedh pse është formuar Qeveria, po pse kjo e solli ‘Zajednicën’”, ka thënë Kurti, duke shtuar se nuk e urren Mustafën.
“Sinqerisht ju them, nuk e urrej, por s’kam edhe aq respekt. Nuk e konsiderojmë ne këtë si lider, si burrështetas aq të madh që ta urrejmë. Fare nuk është kjo situatë”.
“Por, le të largohen se e kanë shkel Kushtetutën. Gazi lotsjellës ik për 30 minuta, e ‘Zajednica’ as për 30 vjet. Na jemi paqësorë, pushtetin nuk e duam me dhunë”.
Sipas tij, nëse Kosova vazhdon rrugëtimin e saj, me hapat e kryeministrit Isa Mustafa e zëvendëskryeministrit Hashim Thaçi, gjasat janë që brenda 4-5 vjetësh në Ballkan të ketë luftë.
Ndërsa, sa i përket zgjedhjes së Thaçit president, Kurti tha se kjo nuk po bëhet për shkak të opozitës – e jo se nuk i ka deputetët e LDK-së – pasi opozita do të hidhte gaz në atë seancë.
“Opozita ka mjaftueshëm gaz lotsjellës”, ka thënë ai.
Sipas tij, Isa Mustafa është totalisht i parashikueshëm nga kundërshtari dhe për këtë arsye ai nuk duhet të dërgohet në bisedime me Serbinë.
“Vucic ta njeh Mustafën më mirë se LDK-ja”, tha Kurti.
https://youtu.be/ucjdpGzt72s