Pas vizitës së djeshme të kandidatit për Kryetar të PDK-së Kadri Veselit në Malishevë, i cili ju kishte bërë thirrje qytetarëve të Malishevës që të kthehen në shtëpinë e vjetër, pra në PDK, ka reaguar deputeti i Nismës për Kosovën dhe ish anëtari i PDK-së Enver Hoti, i cili ka thënë se qytetarët e Malishevës janë në shtëpinë e tyre duke aluduar në Nismën.
Më poshtë postimi i plotë i deputetit Hoti:
Të dashur miq,
Qytetarët e Malishevës janë në shtëpinë e tyre të cilën e zgjodhën me vullnet e bindje të plotë.
Malisheva denimin në investime e përjetoi që nga viti 2010-të, por nuk u gjunjëzuam në asnjë mënyrë apo rrethanë, andaj do të vazhdojmë të bashkuar.
Jam i bindur se çdo njeri nga ne ndihet krenar për të djeshmën, të sotmen dhe të nesërmen tonë të përbashkët!
Me respekt,
E.H