Më shumë se 20 ushtarë të shtetit islamik, janë vrarë nga sulmet ajrore të ndërmarra gjatë natës nga koalicioni i drejtuar prej amerikanëve.
Lajmi është bërë i ditur nga vëzhguesit sirianë për të drejtat e njeriut, ndërsa sulmet janë përqendruar në zonën e Rakas.
Shtetet e Bashkuara të Amerikës dhe aleatët e saj (shtetet arabike) në luftën kundër ISIS, nisën dje sulmet e para ajrore kundër militantëve të Shtetit Islam në Siri.
Këto sulme ishin pjesë e premtimit të presidentit Barack Obama për të “degraduar dhe shkatërruar” grupin terrorist, i cili ka përfshirë nën kontroll territore të mëdha të Sirisë dhe Irakut.
SHBA-të kanë ekzekutuar 190 sulme ajrore në Irak që nga gushti. Megjithatë, veprimi i së hënës zgjeroi fushatën kundër grupit militant përtej kufirit kombëtar në Siri.