Presidenti rus Vladimir Putin ka thënë se dëshiron që lufta në Ukrainë të përfundojë “sa më shpejt të jetë e mundur”.
Ai e bëri këtë koment në margjinat e një samiti në Uzbekistan, gjatë bisedimeve me kryeministrin indian Narendra Modi, raporton Sky News, përcjell Telegrafi.
“Unë e di që epoka e sotme nuk është një epokë lufte dhe unë kam folur me ju në telefon për këtë”, i tha Modi udhëheqësit rus duke shtuar se tani nuk ishte koha për konflikt me shqetësimet rreth sigurisë së ushqimit, plehrave dhe karburanteve.
Putin tha se i kuptonte shqetësimet e kryeministrit indian për konfliktin në Ukrainë.
“Unë e di për pozicionin tuaj në lidhje me konfliktin në Ukrainë dhe kam njohuri për shqetësimet tuaja. Ne duam që e gjithë kjo të përfundojë sa më shpejt të jetë e mundur”, tha ai