5.8 C
Prizren
E shtunë, 3 Dhjetor, 2022

Hoti: Të pezullohet përkohësisht akciza në naftë

Ish-kryeministri i Kosovës, Avdullah Hoti, ka kërkuar të merren këto veprime që do e zbusin krizën në Kosovë.

 

“Për të ndihmuar qytetarët në përballje me inflacionin, Gjermania ka vendosur të ulë Tatimin në Vlerën e Shtuar në gaz dhe nxemje nga 19% në 7% duke filluar nga 1 tetor 2022 deri në prill 2024”, ka shkruar Hoti në ‘Facebook’.

Sipas tij në rastin e Kosovës, janë këto veprime që e zbusin krizën, por që po mungojnë nga muaji mars:

“Indeksimi i pagave, subvencioneve në bujqësi, pensioneve dhe ndihmave sociale me normën e inflacionit, rritja e pagës minimale në sektorin privat, ulja e TVSH nga 18% në 8% për naftë dhe për disa produkte ushqimore që ende janë me 18% TVSH dhe pezullimi i përkohshëm i akcizës në naftë”, tha ai.

Hoti ka vlerësuar se qeveria e Kosovës jo vetëm që nuk po ul tatimet, por po e zvogëlon qarkullimin në ekonomi edhe duke mos implementuar qindra miliona euro investime kapitale.

“Sikur të ishin futur në ekonomi qindra miliona euro përmes projekteve kapitale, krahas uljes së tatimeve, do të rritej kërkesa agregate dhe do të parandalohej thellimi i krizës.  Të gjitha këto masa nuk paraqesin problem për deficitin buxhetor, pasi bilanci bankar i Qeverisë është rekord i lartë. Këto veprime mund të merren menjëherë dhe jam i sigurt se e kanë mbështetjen e të gjitha palëve”, tha Hoti.

Më Shumë

Remzi Shala: Me dy gjaqe i përgjigjem atij nëse ia kam mbyt babanë, por ai do më përgjigjet me Kanun të Lekës

Në Gjykatën Themelore në Prizren, të premten, i akuzuari për krimet lufte, Remzi Shala, ka mohuar akuzën për vrasjen e Haxhi Përteshit në qershor...

BE dakordohet për liberalizim të vizave për Kosovën

Ambasadorët e vendeve anëtare të Bashkimit Evropian sot janë pajtuar për t’i dhënë mandatin Këshillit Evropian për të negociuar çështjen e liberalizimit të vizave...

Lajmet e Fundit