Policia kroate është vënë në kërkim të 10 lojtarëve nga Afrika, të cilët u zhdukën gjatë një udhëtimi në Kroaci, ku do të ndesheshin me një ekpi vendas.
Policia e qarkut Primorje-Gorski Kotar tha në një deklaratë për media se është duke punuar për të zbadhur detaje nga zhdukja e tyre.
“Policia ka marrë njoftimin për mungesën e shtetasve burundianë që po merrnin pjesë në kampionatin botëror për të rinj.
Të mërkurën rreth 15:30 ata u larguan në drejtim të panjohur. Po ndërmerren masa dhe veprime për gjetjen e hendbollistëve të zhdukur dhe konstatimin e të gjitha fakteve dhe rrethanave relevante të zhdukjes së tyre”, thuhet në deklaratën e policisë kroate.
Federata Kroate e Hendbollit tha se para ndeshjes me Bahreinin, lojtarët e Burundit u larguan nga kampusi pa lejen e stafit teknik.
Presidenti i Federatës së Hendbollit të Burundit, Dauphin Nikobamye, tha se ata ishin në shok.
“Edhe ne si federatë dhe prindërit e lojtarëve të rinj kërkojmë nga të gjithë ata që mund të na ndihmojnë për t’i gjetur. “Nuk e di se si do të kthehemi në shtëpi pa to”, u shpreh ai.
Nuk përjashtohet mundësia që ata të kenë planifikuar në grup arratisjen e tyre drejt vendeve të Bashkimit Europian.