20 C
Prizren
E diel, 14 Shtator, 2025

Në Fakultetin e Edukimit në Universitetin e Prizrenit do të ofrohen studimet master në tri gjuhë

Programi i ri studimor në nivelin master për “Mësimdhënie dhe Kurrikulë” në Fakultetin e Edukimit në Universitetin “Ukshin Hoti” në Prizren është akredituar nga institucionet përkatëse. Sipas drejtuesve të këtij Universiteti, kësisoj është pasuruar lista e programeve studimore.

Rektori i Universitetit “Ukshin Hoti” në Prizren, Mentor Alishani ka bërë të ditur se programi është akredituar për tri gjuhët, shqip, turqisht dhe boshnjakisht, raporton Telegrafi.

“Listës së programeve studimore të Universitetit të Prizrenit, për herë të parë po i shtohet edhe një program i ri: Master në “Mësimdhënie dhe Kurrikulë”, i cili do të realizohet në kuadër të Fakultetit të Edukimit dhe do të implementohet në tre gjuhë: shqip, turqisht dhe boshnjakisht”, është shprehur ai.

Ndërsa Universiteti “Ukshin Hoti” në Prizren ka njoftuar se Këshilli Shtetëror i Cilësisë (KSHC) i Agjencisë së Kosovës për Akreditim (AKA), ka vendosur për akreditimin e një programi të ri studimor të nivelit master në Fakultetin e Edukimit në Universitetin “Ukshin Hoti” në Prizren.

“Programi studimor “Shkencat e Edukimit, profili Mësimdhënie dhe Kurrikulë, MA” është akredituar për tre vitet e ardhshme në mbledhje e KSHC të mbajtur më 12.08.2024, dhe do të pranohen 70 studentë në tri gjuhë: në shqip, boshnjakisht dhe turqisht. Akreditimi i këtij programi studimor është lajm i mirë për të diplomuarit dhe studentët e kësaj njësie akademike pasi që për herë të parë në Fakultetin e Edukimit në Universitetin e Prizrenit do të ofrohen edhe studimet e nivelit master”, thuhet në njoftim.

Më Shumë

Bashkimi shënon fitore bindëse në ndeshjen kontrolluese ndaj Vëllaznimit

Bashkimi ka regjistruar fitoren e tretë radhazi në kuadër të përgatitjeve për sezonin e ri. Skuadra prizrenase triumfoi bindshëm ndaj Vëllaznimit me rezultat 92:55,...

Rruga që lidhë fshatrat e Prizrenit me Mamushën, sfidë për banorët

Vetëm disa metra rrugë që lidhin disa fshatra të Prizrenit me Komunën e Mamushës sfidojnë banorët e dy anëve për një komunikim më të...

Lajmet e Fundit