Kuvendi i Komunës së Dragashit, nën udhëheqjen e kryesueses Arijeta Skeraj, mbajti sot mbledhjen e parë të jashtëzakonshme për vitin 2024, e cila shënon mbledhjen e dhjetë me radhë për këtë vit. Gjatë kësaj mbledhjeje, u diskutuan dhe miratuan dy pika të rëndësishme të rendit të ditës, përcjell PrizrenPress.
E para, propozim-vendimi për miratimin e Raportit të Komisionit për Vlerësimin e Dëmeve të Shkaktuara nga Fatkeqësitë Natyrore dhe Fatkeqësitë Tjera, dhe e dyta, rishqyrtimi i Vendimit për miratimin e Statutit të Qendrës Kryesore të Mjekësisë Familjare (QKMF).
“Pas diskutimeve, të dy pikat e rendit të ditës u miratuan me shumicë votash nga delegatët e Kuvendit,” thuhet në njoftimin e Komunës.
Raporti për vlerësimin e dëmeve të shkaktuara nga vërshimet do të procedohet në Komisionin Qendror për Vlerësimin e Dëmeve, i cili do të vendosë për hapat e mëtutjeshëm./PrizrenPress.com/
Përjetoni pushime të paharruar dhe dasma magjike në Hotel “Albes Residence”
