KBF Bashkimi ka triumfuar përsëri në Kupën e Kosovës, duke fituar në finale ndaj KBF Prishtina me rezultat 73:64. Ky është trofeu i tetë radhazi për skuadrën prizrenase, duke dëshmuar edhe një herë dominimin e tyre në basketbollin kosovar, raporton PrizrenPress.
Ceremonia zyrtare u hap me ndarjen e mirënjohjeve për zyrtarët e ndeshjes, të cilat u dorëzuan nga Valdet Spahija. Medaljet e arta për KBF Bashkimi dhe ato të argjendta për KBF Prishtina u ndanë nga anëtarja e bordit të FBK-së, Linda Shala, dhe Sekretarja e Përgjithshme e FBK-së, Elvira Dushku.
MVP-ja e finales u shpall Adrienne Godbold për paraqitjen e saj të shkëlqyer. Ndërsa trofeun e madh e dorëzoi kryetari i FBK-së, Arben Fetahu, dhe e pranoi kapitenja e Bashkimit, Aulona Muhadri./PrizrenPress.com/
