Enver Sulaj
N’ma t’mirën faqe të letrës
Gërrithat e fjalës notojnë mbi kujtime vjeshtake
E sa herë shkeli mbi gjethe t’harrueme
Më vjen zani yt si za fyelli
Si erë e thirrje e frikshme
netve të lidhuna me litar.
Nuk e di pse marrzinat më bajnë me qa
Tue kërkue si dikur me ngrehë zhag biçikletën e prishun
E hundëve pluhni s’mle me shijue aromën e luleve
të këputuna tinëz ballkoneve të zojave të randa.
Sa e bukur asht jeta kur e do marrëzisht
Tue shpue gishtat me therrat e ngjituna kambëve
Për me pa nga vrimat e gardhit fijet e dritës
Që vijnë nga lugina e lumit të egërsuem.
Në ato brigje flenë kandshëm zajet
Dhe psherëtimat e peshkatarëve
tue mbajtun me zor në dorë ngjalën
që butësisht rrëshqet në botën e ujit pafund.
2021