Policia e Kosovës ka bërë të ditur se zyrtarët policorë nga Stacioni Policor në Suharekë, në kuadër të implementimit të planit operativ për ekzekutimin e urdhëresave gjyqësore, kanë arrestuar një person të kërkuar për vepra penale.
Sipas njoftimit zyrtar të Drejtorisë Rajonale të Policisë në Prizren, arrestimi është realizuar më 28 shkurt 2025, rreth orës 10:20, në Suharekë, përcjell PrizrenPress.
“Është arrestuar i kërkuari L.C., 25 vjeçar, mashkull shqiptar kosovar, ndaj të cilit Gjykata Themelore në Prizren – Dega në Suharekë kishte lëshuar urdhëresë gjyqësore për veprat penale ‘Vjedhje’ dhe ‘Vjedhje e rëndë'”, thuhet në njoftimin e Policisë.
Më tej, theksohet se pas arrestimit dhe përfundimit të procedurave policore, sipas urdhëresës së gjykatës, i njëjti është dërguar në vuajtje të dënimit me kohëzgjatje prej tre (3) vitesh burgim.
Drejtoria Rajonale e Policisë në Prizren do të vazhdojë me realizimin e urdhëresave ndaj personave që ende nuk i janë përgjigjur thirrjes së gjykatave./PrizrenPress.com/
