29.6 C
Prizren
E mërkurë, 27 Gusht, 2025

Vëllai ia plagosi djalin, flet Haxhi Avdyli: Ishte vetëm një gërvishtje, nuk ka arsye për masë ligjore

Deputeti i zgjedhur nga Lista e Vetëvendosjes, Haxhi Avdyli, ka dhënë një përgjigje lidhur me incidentin ku vëllai i tij, Naser Avdyli, ka qëlluar aksidentalisht me pushkë ajrore djalin e tij.

Në një prononcim për Dukagjinin, Avdyli ka minimizuar rastin, duke thënë se nuk mund të quhet as plagosje.

“Është një gërvishtje e vogël me armë sportive ajrore. As plagosje nuk mund ta quajmë,” ka deklaruar ai.

Sa i përket mundësisë së ndonjë mase ligjore ndaj vëllait të tij, Avdyli ka theksuar se nuk ka arsye për një gjë të tillë, duke e cilësuar ngjarjen si një aksident pa pasoja serioze.

“Nuk ka arsye për masë, për shkak se është pushkë sportive ajrore dhe aksident, lëndim-gërvishtje. Njerëzit mund të lëndohen edhe në lojëra”, ka shtuar ai.

Ndërkohë, Prokuroria në Prizren ka konfirmuar më herët për gazetën Sinjali se ka nisur hetimet për veprat penale “Shkaktimi i rrezikut të përgjithshëm” dhe “Mbajtja në pronësi, kontroll ose posedim të paautorizuar të armëve”, ndërsa arma e përdorur është sekuestruar.

Rasti dyshohet se ndodhi aksidentalisht, por megjithatë për këtë incident nuk njoftoi Policia, as në raportin 24-orësh e as me ndonjë njoftim të veçantë.

Më Shumë

Rahovec/ I jepet lamtumira e fundit veteranit të UÇK-së, Afrim Malsori(Video)

Me ceremoni ushtarake nga Forca e Armatosur e Kosovës (FSK), sot i është dhënë lamtumira e fundit veteranit të Ushtrisë Çlirimtare të Kosovës, Afrim...

Sylejman Çoçaj, emri që nuk harrohet

Sylejman Çoçaj lindi në vitin 1927, në fshatin Gjonaj të Prizrenit, në një familje zejtarësh me tradita atdhetare dhe arsimdashëse. Shkollimin fillor dhe gjimnazin...

Lajmet e Fundit