Kryetari i Komunës së Rahovecit, Smajl Latifi, ka ftuar qytetarët e Rahovecit të mbështesin ekipin e basketbollit Grapeland në ndeshjen e rëndësishme që do të zhvillohet nesër, më 13 prill, në Palestrën e Sporteve “Mizahir Isma”.
Ndeshja do të fillojë në orën 19:00 dhe do të jetë përballë Kekut. Kjo ndeshje është një mundësi historike për ekipin e Rahovecit, pasi mund të sigurojë një vend në Superligën e Kosovës, përcjell PrizrenPress.
Kryetari Latifi ka theksuar rëndësinë e mbështetjes së komunitetit dhe ka ftuar të gjithë sportdashësit të jenë prezentë në këtë ngjarje të madhe për të siguruar një atmosferë pozitive dhe motivuese për lojtarët.
“Unë do të jem aty dhe ju ftoj që së bashku ta mbështesim ekipin tonë drejt fitores historike! Suksese, KB Grapeland!”, tha Latifi.
Ndërkohë, qytetarët e Rahovecit janë të ftuar të mbushin palestrën dhe të tregojnë solidaritetin dhe mbështetjen për ekipin lokal në këtë sfidë vendimtare./PrizrenPress.com
