Komiteti për Persona me Aftësi të Kufizuara ka mbajtur mbledhjen e dytë për vitin 2025, në prani të anëtarëve të tij dhe nën udhëheqjen e zëvendëskryesuesit Atdhe Rama.
Në këtë takim, me vota unanime, Samra Kërqagu u zgjodh kryesuese e re e Komitetit Konsultativ për Persona me Aftësi të Kufizuara, thuhet në njoftimin e Komunës së Rahovecit, përcjell PrizrenPress.
“Qëllimi i komitetit është të sigurojë që politikat dhe vendimet që merren në nivel lokal dhe qëndror të jenë të përshtatshme dhe përfshirëse për personat me aftësi të kufizuara, duke promovuar kështu barazinë dhe përfshirjen sociale”, heksohet në njoftim. “Kjo mund të përfshijë çështjet si: socializimi, arsimimi, punësimi, qasja në shërbime dhe përmirësimi i legjislacionit ekzistues për të garantuar të drejtat e kësaj kategorie”.
Rendi i ditës përfshinte tri pika: shqyrtimin dhe aprovimin e procesverbalit nga mbledhja e kaluar, zgjedhjen e kryesuesit të ri të komitetit, si dhe çështje të ndryshme./PrizrenPress.com
