Pasi fitoi bindshëm 81:61 në ndeshjen e parë në Prizren, Bashkimi do të përpiqet të sigurojë fitoren e dytë ndaj Pejës në gjysmëfinalen e ProCredit Superligës.
Ndeshja e dytë, që do të zhvillohet sot me fillim nga ora 19:00 në Pejë, është vendimtare për të avancuar në finalen e kampionatit, raporton PrizrenPress.
Bashkimi hyn në këtë përballje me shpresën për të marrë një tjetër fitore dhe për të bërë një hap të madh drejt titullit, ndërsa Peja do të përpiqet të barazojë serinë dhe të mbajë gjallë shpresat për finale.
Ndryshe, në gjysmëfinale janë kualifikuar direkt Bashkimi dhe Trepça, ndërsa Sigal Prishtina dhe Peja e kanë fituar vendin në këtë fazë pas eliminimit të Vëllaznimit dhe Golden Eagle Ylli. Skuadra që arrin tre fitore kalon në finale, ndërsa për të shpallur kampion do të kërkohen katër fitore./PrizrenPress.com
