Kryetari i Komunës së Dragashit, Bexhet Xheladini, ka pritur në një takim përfaqësuesit e Njësisë së LMT-së së KFOR-it turk në Dragash, rreshterët Erden Eren dhe Cevat Keskinkaya.
Në këtë takim, Xheladini falënderoi rreshterin Erden Eren për bashkëpunimin e deritanishëm dhe kontributin e dhënë në mbështetje të projekteve dhe kërkesave të komunës.
“Me përfundimin e detyrës së tij, Eren do të zëvendësohet nga rreshteri Cevat Keskinkaya, i cili premtoi vazhdimin e bashkëpunimit dhe bëri të ditur se kërkesat aktuale të komunës janë në shqyrtim nga autoritetet përkatëse”, theksohet në njoftimin e kominës.
Takimi, sipas njoftimit, kaloi në një atmosferë miqësore, duke konfirmuar përkushtimin për thellimin e mëtejshëm të bashkëpunimit ndërmjet Komunës së Dragashit dhe Njësisë së LMT-së së KFOR-it./PrizrenPress.com
