Drini i Bardhë vazhdon serinë e rezultateve pozitive në Ligën e Tretë, duke triumfuar me rezultat bindës 7-1 ndaj Arbanasit në ndeshjen e parafundit të sezonit.
Takimi u zhvillua të dielën në fushën sintetike në Arbanas (Serbicë), raporton PrizrenPress.
Pas sigurimit të titullit kampion, skuadra nga Hasit tregoi edhe një herë formën dhe përkushtimin e lartë, duke dominuar ndeshjen si mysafire dhe duke konfirmuar epërsinë në këtë edicion të kampionatit.
Skuadra tashmë është në prag të përmbylljes së një sezoni historik, ku përveç shpalljes kampion, synon ta mbyllë edicionin me një tjetër fitore në javën e fundit të kampionatit./PrizrenPress.com
