Komuna e Prizrenit ka njoftuar se të martën me rastin e shënimit të 26-vjetorit të rënies së dëshmorit të kombit, Sinan Thaçi në Koshare dhe të Ditës së Shkollës SHFMU “Sinan Thaçi” në fshatin Zojz është organizuar ceremonia përkujtimore.
Në mesin e shumë pjesëmarrësve nga institucione, shoqatat e dala nga lufta e mysafirë të tjerë ka qenë edhe nënkryetari Kujtim Gashi.
Sipas njoftimit të Komunës së Prizrenit, Gashi ka shprehur nderimin dhe respektin për veprën si dhe sakrificën e dëshmorit Sinan Thaçi, që sipas tij është një figurë e shquar e luftës për liri.
“Shkolla SHFMU “Sinan Thaçi”, që mban emrin e tij, vazhdon të jetë simbol i krenarisë për banorët e Zojzit dhe burim i rëndësishëm edukimi për brezat e rinj”, thuhet në njoftimin e Komunës.
