Studentët e Fakultetit Juridik të Universitetit “Ukshin Hoti” në Prizren kanë pasur rastin që të diskutojnë me gjyqtarë, aktivistë të shoqërisë civile dhe ligjërues të drejtësisë, në kuadër të diskutimit me temën “Avancimi i Qasjes në Drejtësi – Sfidat dhe Rëndësia”.
Aktiviteti është organizuar nga Lëvizja FOL në kuadër të projektit “Ngritja e vetëdijes dhe besimit të qytetarëve në institucionet e sistemit të drejtësisë”, në partneritet me Qendra për Studime të Avancuara FIT dhe me mbështetjen e Bashkimit Evropian.
Sipas njoftimit të Lëvizjes FOL panelistë kanë qenë Lavdim Makshana, gjyqtar nga Gjykata Themelore në Prizren, Tringa Kasemi nga Qendra për Barazi dhe Drejtësi dhe Dardan Vuniqi ligjërues në Fakultetin Juridik në Universitetin “Ukshin Hoti”.
Ky aktivitet, sipas njoftimit, është pjesë e fushatës “Qasja në Drejtësi”, e cila do të vijojë edhe në komunat tjera për ti afruar qytetarët më pranë institucioneve dhe diskutimeve mbi qasjen në drejtësi. /Telegrafi/
