Rahoveci i është kthyer garës për titull të kampionit dhe fitoreve po ashtu.
Në gjysmëfinalen e parë të plejofit në Superligën e Kosovës në hendboll, të mërkurën mbrëma në palestrën “Mizahir Isma”, Rahoveci e mposhti Prishtinën me rezultat 47:30, raporton PrizrenPress.
Tani “vreshtarëve” u duhet edhe një fitore për të kaluar në finale. Ndeshja e dytë është të shtunën në kryeqytet, ndërsa ndeshja e tretë eventuale do të luhet sërish në Rahovec.
Që në pjesën e parë rahovecasit krijuan epërsi bindëse, ndërsa kontrolluan lojën në pjesën e dytë.
Alban Haziri u dallua me tetë gola te Rahoveci. Shtatë i shënoi Granit Kadiri, ndërsa nga gjashtë i kishin Jeton Bislimi e Florian Rexha.
Te Prishtina, Oltion Beshiri i realizoi tetë gola. Gajshtë i shtoi Altin Cacaj e katër Albi Gjuka.
Rahoveci stinorin e rregullt e përfundoi në pozitën e parë, ndërsa kishte vetëm një barazim. Ndeshjet tjera i fitoi. Prishtina ishte e katërta./PrizrenPress.com
