Kryetari i Komunës së Prizrenit, Shaqir Totaj, ka shprehur mirënjohje të thellë për institucionet, kompanitë dhe qytetarët që reaguan me efikasitet dhe përkushtim në menaxhimin e situatave emergjente të shkaktuara nga zjarret gjatë 24 orëve të fundit.
Sipas të dhënave zyrtare, brenda një dite janë raportuar 18 raste zjarresh në zona të ndryshme të komunës.
“Falë reagimit të menjëhershëm dhe bashkëpunimit të ngushtë ndërmjet akterëve institucionalë dhe qytetarëve, situata është vënë nën kontroll pa pasoja të mëdha”, tha Totaj.
Kryetari Totaj shprehu falënderim të veçantë për Drejtorinë Komunale të Emergjencave, Njësinë e Zjarrfikësve, Policinë e Kosovës, KFOR-in Turk, Ekoregionin, Hidroregjionin Jugor, kompanitë e kontraktuara, bizneset lokale, si dhe banorët që kontribuan me përkushtim.
“Angazhimi i palodhur, guximi dhe solidariteti i treguar nga secili prej jush është shembull për të gjithë. Faleminderit për përgjigjen profesionale dhe shpirtin humanitar që keni treguar në momente sfiduese”, u shpreh ai.
Komuna e Prizrenit mbetet e përkushtuar për të garantuar sigurinë dhe mirëqenien e qytetarëve.
Totaj u bën thirrje të gjithë qytetarëve për kujdes të shtuar gjatë ditëve me temperatura të larta, në mënyrë që të parandalohet përhapja e zjarreve në ambiente të hapura./PrizrenPress.com/
Marketing
Banesat më të kërkuara në Prizren – Bëhu pronar në Foleja Residence!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
