Bashkimi po përballet me një situatë të vështirë pas lëndimeve të njëpasnjëshme që kanë goditur katër lojtarë të ekipit, duke ndikuar dukshëm në paraqitjet e skuadrës në tri ndeshjet e fundit.
Kapiteni Valon Bunjaku ka pësuar një lëndim gjatë sfidës kundër Trepçës dhe, sipas raportit mjekësor, pritet të mungojë rreth katër javë. Po aq do të mungojë edhe Jeremiah Bailey, i cili ka marrë një dëmtim të ngjashëm, raporton PrizrenPress.
Në anën tjetër, klubi njofton se situata e Isaiah Cousins është më pozitive dhe rikthimi i tij në parket pritet të ndodhë më shpejt se fillimisht i parashikuar. Besimi Bytyqi gjithashtu mbetet jashtë, duke e thelluar krizën e mungesave në ekip.
“Jemi duke kaluar një periudhë të vështirë pas lëndimit të katër lojtarëve tanë, një situatë që padyshim ka ndikuar në rezultatet e ekipit. Megjithatë, sfida të tilla na forcojnë edhe më shumë”, thuhet në njoftimin e klubit prizrenas.
Drejtuesit e Bashkimit theksojnë se ditëve në vijim pritet nënshkrimi i lojtarëve të rinj për të plotësuar mungesat dhe për të stabilizuar skuadrën në vazhdim të sezonit.
Klubi ka falënderuar tifozët për mbështetjen e vazhdueshme, duke theksuar se ekipi do të rikthehet “më i fortë, më i bashkuar dhe më i vendosur se kurrë”./PrizrenPress.com/
Marketing
Banesat më të kërkuara në Prizren – Bëhu pronar në Foleja Residence!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/