Në 27-vjetorin e rënies, në Malishevë janë përkujtuar dëshmorët e kombit Jahir Mazreku, Hysen dhe Maliq Sopaj, si dhe Shaqir Paçarizi, të cilët dhanë jetën për lirinë e Kosovës.
Kryetari i Komunës së Malishevës, Ekrem Kastrati, i shoqëruar nga bashkëpunëtorë dhe përfaqësues të organizatave të dala nga lufta e UÇK-së, përfshirë Xhavit Jasharin në nivel qendror dhe Metush Kryeziun në nivel lokal, vendosi lule pranë varreve të dëshmorëve në kompleksin memorial, duke shprehur respekt dhe mirënjohje për sakrificën e tyre.
Me këtë rast, Kastrati theksoi se dëshmorët e kombit janë themeli i lirisë dhe shtetndërtimit të Kosovës, ndërsa kujtimi për ta mbetet obligim i përhershëm institucional dhe qytetar.
Në këtë përvjetor u vlerësua lart kontributi dhe heroizmi i Jahir Mazrekut, Hysen dhe Maliq Sopaj, si dhe Shaqir Paçarizit, të cilët u sakrifikuan për idealin e lirisë dhe pavarësisë së vendit.
Në emër të familjarëve të dëshmorëve foli Mevludin Mazreku, i cili falënderoi të pranishmit për nderimet dhe homazhet e bëra në këtë ditë përkujtimore./PrizrenPress.com/
Marketing
Shiten banesa moderne në lagjen “Tranzit i Ri” të Prizrenit – mundësi pagese me këste
Banesat më të kërkuara në Prizren – Bëhu pronar në Foleja Residence!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/
