Drejtoria Komunale e Arsimit (DKA) në Prizren ka zhvilluar një takim me përfaqësues të Fakultetit Filologjik dhe partnerë ndërkombëtarë, me fokus në forcimin e bashkëpunimit institucional dhe zhvillimin profesional në arsim.
Drejtoresha e DKA-së, Luljeta Veselaj Gutaj, ka pritur në takim dekanen e Fakultetit Filologjik, Vjollca Dibra, profesorin Sermin Tortulla, si dhe përfaqësuesin e Peace Corps, Douglas Upon.
Në njoftimin e saj, Veselaj Gutaj theksoi rëndësinë e takimit dhe frymën e bashkëpunimit institucional.
“Ishte kënaqësi të prisja në takim Dekanen e Fakultetit Filologjik, znj. Vjollca Dibra, së bashku me prof. Sermin Tortulla dhe Douglas Upon nga Korpusi i Paqes”, u shpreh ajo, raporton PrizrenPress.
Ajo shtoi se diskutimet u fokusuan në zhvillimin profesional dhe ndërtimin e urave të bashkëpunimit.
“Fokusi i diskutimeve tona ishte zhvillimi profesional përmes ndërtimit të urave të bashkëpunimit ndërmjet Universitetit dhe Drejtorisë së Arsimit”, theksoi drejtoresha e Arsimit në Prizren.
Në përmbyllje, Veselaj Gutaj u shpreh optimiste për vazhdimin e këtij bashkëpunimi.
“Presim me optimizëm hapat e radhës në këtë bashkëpunim!”, ka deklaruar ajo./PrizrenPress.com/
Marketing
Shiten banesa moderne në lagjen “Tranzit i Ri” të Prizrenit – mundësi pagese me këste
Banesat më të kërkuara në Prizren – Bëhu pronar në Foleja Residence!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/
